San Martín de Trevejo - Cáceres

Esti e o grifu que está en a Calli San Xuan, en a que nací ei.
Me trai algún recordu de cuandu era pequenu, de cuandu nun había agua corrienti en as cassas, y as mulleris tiñan que agarrala de o grifu pa bebel, o de o arroyu pa fregal, que por certu sempris curria agua, en invernu y en verán.

Esperu que duri esti grifu en esi sitiu un montón de anus mais.

Un saludu.

Boos dias Foristas y Mañegus:Hay que recoñocel que o conjuntu de o grifu y o armazón de ferru, está muy ben lograu. Seguru que en mutus lugaris y capitais de provincias, nun hay instalaus estis tipus de grifus. Cuando ei estaba pol o lugal, creu recordal, que había dois de elis instalaus: Un en a Calli de o Meyu, cerca de o Comercio de Dª Mercedis y otru pa San Peiru. De toas as formas, o Ayuntamento cuandu aprobó esta instalación de surtioris de agua pa o serviciu domésticu, tuvu muy boa idea y se gastó ben os cuartus. E unha boa representación de o Lugal.
O retratu tamen está ben feitu y ademais, nos fai recordal que hemus viviu mais de unha vé agua en esis grifus.
Soidi a Fala.
Chalrrieira.