| 20-10-08 22:15 | #1313914 |
Por:xanpara   |   |
| Ultimu capítulu de Hestories Piquiñines N´esti tiempu, llegó ´l mensaxeru y nun traía bones noticies pal maestru, precisamente. -Siñor maestru, hai un gallu grande, empotrau n´alambrera´l gallineru.- dixo Pepoxa un poco afunau de subir corriendo. -Amás, traigo-y el regodón por si tenemos que repetir el llanzamientu. Cuando don Liborio agüeyó aquel regodón, que taba enteru collorau de sangre, falto-y poco pa comelu, pola forma en que lu mirare. -¡¡ Nenos, nenos ¡¡ toos pa dientro la clas. ¡¡¡ Pero a la carrera ¡¡¡ Naide quixo dar ninguna opinión, nin siquiera ruxir. Aquel bufonazu, la espresión de los gueyos y el tembleque de les manes yeren mui mal síntoma. Sabímoslo perfectamente. Mando-y salir al culpable, Xuanín, y fueron los dos como oveya que va´l mataeru, como corderín que ve un asaor a la estaca. Marcharon camín abaxo y llamaron a la puerte, y salió la vecina. -Buenes tardes, doña Dela, verá usté…. Esto…. Yo….. yoooo… como voy cunta-y lo- el Morsa que a toos mos paecía que falaba tan per bien, y agora nun atopaba les pallabres. Paecía medio tartamiellu. -Verá.. verá uste, ye que la verdá… nun se per onde entamar pa cunta-y lo. -¡¡Ai don Liborio ¡¡ ¿¿pero que ye lo que-y pasa ¿? nun m´ amedrante ¡¡ por dios ¡¡- dixo la probe paisana, que entamaba ella a ponese más ñervosa entavía que´l maestru. -Cuenteme esu que lu trai perequí y non me tenga más tiempo d´esta fegura. ¿¿ Non i habrá pasao daqué desgracia a esti nenu ??. Ye que Xuanín ye sobrín míu. Por fin el Morsa desentrabucose y cunto-y a Dela lo acaecío de la manera más suaviquina que puo. Ella llegose hasta´l gallineru y trexo´l gallu garrau peles pates y cola cabeza, o lo poco que quedare d´ella, xingándose y chiscando de sangre el camín. -Bueno, diba durar, namá que hasta la Navidá, pero´l mió Fonsu va una temporá grande que naguaba por llanta-y el diente. Tenía mieu que se ponxere mui duru, o que mos morriere de cualquier mal, agora que taba tan gurdu y gallasperu. ¡¡Hala¡¡ ya ta fecha la llabor. Habrá que dayos la razon a los que dicen lo del mal que por bien nun venga, y pal maestru, bastante meyor. Pelaron el gallu y guisáronlu pal sábadu. Tenía unes tayaes, como gochín pequenu. Amás, pa quita-y el desgustu al maestru, tras munchos ruegos, la buena de Dela, llogró que don Liborio fuere´l invitau de honor a comer. Pero sobre too, valió pa que Caxiglaes se llibrare d´una bona cuelma. Pal restu los collacios de la escuela, tamién. Hubo unos pocos dis de tranquilidá, cola marea baxa y la tormenta escamplá. Pero mui pocos. Sacao del llibru de Tante Blanco (cantante de Los Berrones), del so llibru, Histories Piquiñines. | |
| Puntos: | |
| Tema (Autor) | Ultimo Mensaje | Resp | |
| penúltimu intentu Por: seibru | 08-01-10 20:39 No Registrado | 6 | |
| Hestories piquiñines Por: xanpara | 16-10-08 20:34 javiii | 14 | |
 |  |  |