Urbiés - Asturias

Yera Xuanín un neñu d´unos once años d´edá; pequenu d´estatura, pero en forma cuadraucu, fuerte. Tenía varios hermanos que ya non vivín en so casa; pero en tul pueblu y ente los collacios escolinos conocímoslu como Caxiglaes. Yera per famosu. Na mió curtia edá nun conocía nengún nenu tan zárzanu, tan atrevíu pa to. Nun había na que suponxera una deficultá infranquiable pa él. Nin paré, nin muria bastante alta, nin sebe nin alambrera tupía. Na se-y ponía per delantre a Caxiglaes, con tal que se-y metiere ente ceya y ceya.
Tenía pa la curtia edá, una fuercia desaxerá. Yera una potencia que tolos demás echabemos en falta munches vegaes. Tábemos enreando a lo que fuera y en cuantes que te garraba con eses manuques, paecía que te iben apertando coles tenaces de ferrar el macho. Braeramente, tantu él como la mayoría, tábemos fartos de trepar en trabayos propios d´un pueblu onde hay caseríes. Que si los praos, que si les güertes, coyer ablanes, llemer castañes.... de to. Pero Xuanín un cachu más tovía. So pa, yera en forma mayor, tenía otros fíos muy mozones, y ya valía pa poques murgues, anque siempre fuere muy trabayaor. Como yera l´únicu fíyu que quedare en casa, Xuanín facía les vegaes de tolos demás. Y el paisanín tenía muncha afición al ganau: un rebañu vaques, cabres, coneyos, gochos, pitos y unes oveyes... yera el arca de Noé. Pero ´l paisanu tenía una ayuda per grande, ya que Caxiglaes facía les vegaes d´un paisanu cualquiera. Igual segaba pación, que cataba o diba pal monte a iguar les cabres. Defendíase como una persona mayor.
Andaba siempre calzau con chiruques, n´inviernu y nel branu. Amás nunca yeren nueves. Bueno, duraben nueves la primera hora, dempués d´estrenales. Los sos pantalones, con o ensin remiendos, siempre yerin d´azul mahón. Y andaba siempre arremangau, anque ñevara........

Si vos gusta sigo..... si non....... ende queda.....

Sigue que se estaba poniendo interesante

Va por ti Corona.

Yera´l primer mes del cursu escolar y a Don Liborio, debieron de llega-y nueves órdenes del Menisteriu d´ Educación. Nos, non sabíemos que había algo conocío como "ginasia" y pué ser que dalgún pensara qu yera un melicamentu. Otros, más enteraos ellos, sabín que yera asuntu de retorcese, doblar, xingar los brazos y les pates. En fin, facer un montón de mueques que nun valín pa casi na. Pero´l Morsa (como y llamaben los escolinos a D. Liborio)tenía órdenes concrete. Penriba de cualquier cosa, había que cumpliles.
Aquel xueves de tardi tocaba lo nueu: la clas de "ginasia". Nos, con tal de salir y tar al aire llibre, lo que fuere. El maestro mando-y a un de los mayores que baxara hasta la reguera, y que y traxere un regodón bien reundu. De la mesma medía que tien un calabazu bien reundu. Asina que Tanasio, tamién llamau "Tarasca", soltose pelos praos abaxo hasta col pié´l riucu y al menutu ya taba de vuelta con un par de regodones pa que el maestru tuviere onde escoyer.
Quedemos tos sorprendíos y reburdiando ente nos:
- ¿Qué mos quedrá facer el Morsa con estos regodones?? .. Isti maestru tien cada idea....

Continuará....

- ¡¡ Atendeime nenos, atendei ¡¡ - tronó´l Morsa pa que oyeremos bien toos.
- Guey vamos estudiar un deporte per antiguu. Una modalidá que ya praticaren los antiguos griegos, fai munchos, pero que munchos años. Llámase llanzamientu de pesu.
Siguió un bon ratu más atalayando colos griegos y ensiñomos una llámina con un rapaz que taba praticando. Entós sacó a Manolín, "El Túrcila", que tan llueo paecía que yera tuntu mazau como´l más listu la clas, sobre too si había que dividir con decimales.
- A ver Manolín, garra la bola - dixo´l maestru.
- Si home si, el regodón. Faite a la idea de que ye una bola de fierru. Agora quiero que te pongas en postura. Igual que´l que tas viendo na llámina.
- Pero ye qu´isti ta... ta en...
- Nin pero, nin pera, como´l de la llámina. Esautamente igual. Home, nun me paez que seya una cosa tan difícil- atayó´l Morsa.
- Y apriesa que nun tenemos tul día.
Nesti tiempu, nunes de les postreres fileres, Caxiglaes y Pepoxa, el casín, taben enredando y espatarraos de risa, viendo´l furacu la chiruca de Xuanín per onde-y asoleyaba la dea gorda.
Llevantó la cabeza´l Morsa, retorció pa dellau´l bigote y ganchó marcha. Enfiló pel pasillu cola velocidá d´un pardón, gancholos pela colmiella a los dos y atestero la cabeza d´un contra la del utru. Sonó un "crok" que yera tan familiar pa nos como la estufa lleña que taba na otra esquina. Quedaron como nuevos; pero cuando´l maestru dió la vuelta, dempués de soltar varios avisos de caracter fúnebre, topose con una sorpresa.

Mañana más.......

Si si, ende taba "El Túrcila" col regodón pegau a l´oreya, les pates encambriaes, el brazu izquierdu retorcíu p´atrás... en perfeuta posición de tiru.. en canzonciellos y camiseta.
El maestru non sabía si riise o soltai un camellazu. Pero nos si, armose tal murga cola puesta n´escena de Manolín, que a poco más, cuestamos llevar una buena tomiza a toos.
- ¿Qué faes en culeros, Manolín?- entrugo-y don Liborio, al tiempu que retorcía´l bigote, pa tapar la risa.
- ¿Nun dixo usté que igual ??... bueno, el color de la camiseta non, pero´l de los canzonciellos ye mui apaecíu. ¿A que toy perbien??. Hasta m´asemeyo al del debuxu la llámina.
-¡¡ Igual posición, po-si-ción ¡¡- y a c´una de les sílabes acompañábala d´un estirón d´oreyes.
- ¡¡ Vístite apriesa, tosquín, anda, espabila ¡¡ vaya por dios, si nun veo nun creo. Mira que si llegare de retrucu l´ispeutor. Quiero más nun pensalo. Y vosotros, como oiga ruxir una mosca, facemos un dictau pa toos, y acabose la clas de ginasia. ¿Oyístisme bien???.
Vaya que si lo oyemos. Quedo la escuela com´un nichu.
A los cinco menutos, saliemos al patiucu de delantre la escuela, a poner en prática la famosa postura de la llámina. Percontentos...

Ya seguirá....

Tu sigue que nosotros leemos, por lo menos yo y unas cuantas veces para pillar cacho

Sigue pillando cacho...

- Vamos ver Xuanín, tu que yes tan gayoleru y presumes de ser per fuerte. Ya nun t´aguantabes anantes que tuvisti que llevar una morrá. Garra la bola y ponte en postura de tiru.
Averose pa cullá Caxigales, tascando´l cogorote.
-Yo nun se si ….. ¿Yo?- entrugó faciendose´l despistau.
- Ah. ¿Tas surdu eh ?, tas como isti regodón. Como tenga que desatufate yo los oyíos… a ver cuanto atendisti na clas. Alcuérdate qu´equí val más la maña que la fuerza.
Abaxose Xuanín, y llevantó´l regodón que pesaría dos kilos.
- Un momentu, un momentu- apuntilló´l maestru.
- Garra la postura y tira, pero munchu cuidau cola casa´l vecín; Cuidau coles ventanes que tienen cristales. Nun llances a lo toriego que vaigas facer una atrocidá. Esperes a que yo te lo mande. ¿¿Enterau ??.
Mentantu, el Morsa, féxomos una detallá descrición de les distintes partes del organismu que facín posible iguar un llanzamientu bonu. Y Xuanín coles rodielles doblaes y el regodón tres de la oreya, ya taba cansau d´aquella postura tan malamañosa.
- Bueno Xuanín, Hala tira dende esta postura- dixo´l maestru al cau d´un ratiquín.
- ¡¡Pero na direción del prau ¡al prau, non a la casa que te pulgo ¡.
Nun tuvo tiempo de finar, Caxiglaes, que taba coles rodielles mediu aformigaes, disparó. Sacó´l regodón de detrás de la oreya, echó´l brazu p´atrás y el regodón salió como una bala de cañón.

Dempués mássssssss...

xan siempre nos dejas la historia en lo mas interesante

tienes razon k nos deja en lo mas interesante pero ati tanbein te digo corona k te estires un pokito mas en los mensajes k no te vamos a cobrar nada x escribir unas pocas letras mas, asi k haber si le das un poco mas alas teclas, un saludo pa todos

xan sera el arteal? un saludo pa t@s , k kede claro k si acerte el merito nun ye miu lguien me lo chivo

Buenes nueches atos hoy voy poner yo una adivinanza aunque xan seguro que la sabe,hay va:¿QUE COSA COSADIELLA YE QUE TIEN CINCO OREYES Y UN PIE?¨¨ (AY VOS QUEDA UN SALUDO XENTE ¨)

A ver, vamos dir por partes.... Javi, non ye´l Arteal, y tu koke, pillástime... llevo un bon ratu dando-y vueltes a la testera y non acabo cayer.... a ver si se me ocurri daqué.

XAN CONFIRMAO EL DOMINGU TA JAVI A LA HORA EL VERMUT DELANTE CASA TIU PREPARA LA CAMARA QUE HAY SESION.DICHES FOTOS PONEMOSLES AQUI PA QUE NUN HAYGA NI TRANPA NI CARTON UN SALUDU TAMAÑANA PA TOSSS

Holaaaaaaaaa, con tos vos, un nueu capítulu d´esta serie que tantu ésitu ta teniendo ente la mocedá.

Tiró como cuando diba a ver les cabres al monte y les atropaba a base de peñazos. Y non fué el peñón contra la casa, non señor. Non atesteró contra nenguna ventana. Fué a parar al prau... a los fondero del prau... esautemente al medio´l gallineru. Y más esauto tovía, a enriba la cresta d´un gallu colorau, que de xuro diba ser la cena Nochebuena pa daquién unos meses dempués. Nun dixo nin pío.. fué fulminante. Garro-y el pescuezu contra la duerna de piedra onde picotiaba´l maiz triturao, y quedó secu. Pegó un par de blincos y quedó empotrau contra l´alambrera en mediu d´una xaguatá de sangre. Quedó dando les ales a la postrera vegá y cola cabeza casi tarazá.
El maestru taba paralizau, inflaronse-y les venes del pescuezu y pónxose pálidu. Al segundu, ya taba colorau como la cresta´l gallu, del cadaver del defuntu gallu. Pero tovía non tenía conocimientu del resultau final. Sospechó lo peor en cuantes que vió el peñón salir y pasar penriba la parra d´ablanar. Dempués, al oyer l´alborotu que´l restu les pites sobrevivientes entamaron, ya empezó a cavilar.
- Tú, Pepín- dixo-y a Pepoxa cola voz temblorosa.
- Allegate al gallineru y mira si pasó daqué, y tú Xuan, entra dentro la clas. Pué que te pulgue si fixiste daqué atomía.
Caxiglaes baxó la cabeza y coló pa la escuela como un volaor. Non porque tuviere mieu, nin los trompazos que podín cayei, sinon porque taba reventando de risa per dientru y taba a puntu de escapase-y delantre del focicu del propiu maestru.
Nesti tiempu llegó´l mensaxeru y nun traí precisamente bones noticies pal maestru....

Ala pa mañana acabase la historiuca en capítulos, pa que la cosa tenga más tensión... jajajajaa....

buena historia xan ,oye koke entonces ya somos 4 a comer,maria tu yo y xam k ye el testigu ,caro te va a salir la camiseta majo ,jajajajaj,un saludo pa t@s