Nun habrá más cartes a los Reis Magos Anduvi yo preguntando perhí si otros escribíen cartes a los Reis Magos, y si yos traíen daqué de lo que pedíen, y resulta que riéronse de mi, diciéndome que lo de los Reis yera cosa pa guajes, to mentira. ¡Vaya por Dios!, y yo pidiendo tos estos años de atrás cueses que me paecíen buenes, y que la mayor parte d'elles taben ensin iguar pol Ayuntamientu…. Pos na, si los Reis Magos nun les van iguar y los del Ayuntamientu, que saben de sobra como tan eses cueses (les carreteres, el muséu de los quesos, les escueles de les Maces, les traides del agua,etc. etc) nun dan traza de arreglales, tamos perdíos, asina que acabáronse les cartes a los Reis, y además digo que lo d'escribir a los del Ayuntamientu paezme que nun val pa na, qu'anden a lo suyo y que tres coyones yos importa lo que digamos los demás, porque piensen que tenemos bastante con dir ca cuatro año a dayos el votu |