Morcín - Asturias

Espero que'l nuevu añu
dexe de traemos dañu
pos ye un añu d'elecciones
y esisten muches razones
pa que nada quede igual
y que s'acabe un gran mal
que nos toca los coyones.

Pídovos señores magos
que visitéis estos pagos
y que viendo lo qu'hai
nun traigáis nengún regalo,
¡fuera regalos,caray!,
pensa-y daqué pa arreglalo.

Queremos qu'aquí en Morcín
ocupéisvos d'un bien fin
pos nun mos falten razones
pa esperar de los comicios,
esto ye, les elecciones,
que sotierren dellos vicios.

El casu ye que tenemos
un famosu personaxe
qu'a tenor de lo que vemos
anda comiendo ensin tasa
siempre fora de so casa,
porque siempre ta de viaxe
sin ningún comedimientu
dende xineru hasta avientu,
pos paga'l Ayuntamientu

Nun pidimos por capricho
que nos cambiéis esti alcalde
que tanto come de balde,
pos resulta de lo dicho
que de siguir como vamos
cierto que nos arruinamos.

Por eso vos demandamos
pa acabar con esti mal
que pongáis otru, da igual
del color que te pintau,
azul, verde o colorau,
el casu ye qu'el que venga
nun tenga fame, o contenga
les sos ganes de comer
a cuenta'l Ayuntamientu
y tamién les de viaxar
sin tasa ni miramientu,
pos tenemos comprobao
que todo lo hai que pagar
y que cuesta demasiao.

Vos nun tenéis que votar
porque sois reyes d'oriente
pero habéis de procurar
que nosotros, que votamos,
tengamos clara la mente
pa nun mos equivocar
y d´una vez acertamos.