Boquerizu - Asturias

Era la Tía Tacaña
Metida en so llagaña.
La muyer más ensucha y espurría
Que p´el Conceyu había;
Y diz d´ella además la tía Pamplina,
Qu´era la probetina,
(Sin que vaya a ofendese la Farruca)
Llarga como meruca,
Y más enriadora y paliquera
Que mozu que va di á la costera.
Sos güeyos eran chicos,
Y paecían peleyos de jollicos;
Narices descarniadas y salientes,
Oreyas que ´n xamás vieron pendientes;
La boca con un diente como un puñu
Más llargu que la punta del Goruñu;
Los papos amixaos y la barbina
Talmente como ´l rabu la sardina.
Y tan arrugadín tenía el peleyu
Que más qu´una muyer paecía un celpeyu.


*********************************************

Cuntan d´ella lasentes,
Que tién más de lluenga que de dientes
y en parllar lo escusau nunca están jartas,
Qu´era un prodixu par´echar las cartas,
Y cuntan además, del bien en mengua,
Sin mordese la llengua,
Que ´n la noche del sábadu, á la hora
En que ´l cárabu llora;
Cuando canta la güeste, <<Andar de día
Porque la noche é mía>>.
Y la niétova sube al campanariu
Mientras durme y descansa el vecindariu;
A media noche en fín, en faldereta
Dexaba la Tacaña la porreta,
Baxaba callandín a la cocina,
Sacaba de una arquina
Dos o tres ajumaos pucherinos,
Que paecían de amorar los rapacinos,
Llenos de un untu negru milagrosu
Capaz d´hacer volar á cualquier osu;
Untábase con elli los sos ripios,
Guardando de seguida los cacipios;
Y después que se daba güena sobra
Montábase ´n la escoba,
Rezaba no sé qué muy al escuchu,
y, espurriéndose muchu,
Embutaba pa ´l llau la clamillera
Y volaba a los campos de Cubera.


****************************************

Cachano era un mocín de venti y picu
Que nunca había teníu el sarapicu,
Y por no dar la talla
Llibróse de ser carne de metralla;
Pero, aunque era ruín, no era mal bichu,
Que como diz el dichu,
Lo que no to de llargu
Tráyolo al rededior, más sin embargu,
Débese de dicir, aunque d´oficiu,
Que no se i conoció nunca otru viciu
Mas que ´l gustai de sobra las rapazas,
Y, anqu´estaba empachau de calabazas,
Tratándose de mozas, sin cautelas,
Era un cortexador de siete suelas.


****************************************

No se como demongrios ni en qué maña,
Consiguió en pocu tiempu la Tacaña
Dase á querer del mozu
Qu´estaba reventando d´alborozu;
Porque Cachano por razones ovias
No se paraba en pintas con las novias.
Elli era un probetón, un mamabeya
Y, anque l´otra era bruxa y a más vieya,
Sin otru paecer que más la abone,
Era muyer y al fín.... ¡Dios me perdone!
Que como diz la copla,
El diañu, ¡pa el mal añu! vien y sopla.
Viólu tan güeyador y tan asina
La pícara bruxina,
Que, barruntando en él güen embelesu,
Entamói a parllar del so Congresu,
Y en cuatro pallabrinas bixorderas
Prometiói el llevalu a sos costeras,
Quedándose el mocín en unas ascuas
Más gozosu y contentu que unas pascuas.

*********************************************

La noche que exaren convenida
Espuraba Cachano la partida
en ca´de la Tacaña más contentu
Que gatu miagador depués d´advientu.
Vaxó aquel a las doce, muy ensucha:
Sacó con desimulu de la jucha
Los pucheros del untu mazacote;
Untárense los dos hasta el cogote,
Amóntanse ´n l´oba que rabea,
¡Sus! dicen al cruciar la chimenea,
Y cantando a la una: Dios delantre
Y San Cristobal xigante,
Sin pisar el camín, arre que arre
Llegaron en un credo al aquelarre
Que ya estaba runiu en la pradiera
De los famosos campos de Cubera.

*****************************************

Era pocu después de media noche,
Cuando sintieren que llegaba un coche,
Y en el venía asentau
Un demoñu más grande qu´un pecau,
A quien reciben con amor las bruxas,
Que todas eran guxas
Menos el braxu lleu,
Qu´al velu se quedó muertu de mieu,
Y el habese metíu allí i pesaba
Por más que la Tacaña lu animaba.

************************************

Todas van á adorar aquel retablu
Del grandísimu diablu,
Y a Cachano no i val estar remisu
Que ya tien afianzau el compromisu.
Ve que todas el rabu i allevantan,
Y un besu ¡puff! n´aquel llugar estampa;
Pero elli al ver aquel par de jollicos,
No queriendo emporcase los jocicos,
Y como el yo no quiero allí no i valga,
Clavoi un alfiler en una ñalga;
¡Huy! dixo ´l diañu al senti ´l celiciu,
Que duras tien las barbas el noviciu,
Pero no i descubrió la maturranga
Que si no, i mete ´l brazu pe la manga.

****************************************

Depués d´eto siguió l´Ayuntamientu
En cosas que par´el no hacían al cuentu.
Y cansau y aburríu de tanta soba
Jo a buscar la so escoba,
Mas, por coxer la suya de la villa,
Coxó la d´una bruxa de Sevilla.
Y, en mientras discutaban sos vecinas,
Sentóse á depicuar so unas peñinas
Qu´estaban n´un coteru.
Y quedóse durmíu com´un maderu,
Dexando co´el palique á un par de vieyas
Que á Cachano llamaban con dos teyas.

***************************************

... Cuando ¡sus! dixo el rey, toda la xente
Corrió á coger so escoba delixente,
Y, amontonándose al par n´abarrendera,
Dexaren los desiertos de Cubera.
Mas Cachano, qu´estaba sin dar güelta,
Durmiendo a pierna suelta,
Sin saber como jué ni en qué manera,
Salió de la pradiera,
Y, durmíu como un cantu,
Amaneció en Sevilla por encantu.

***************************************


A so casa golvió depués de muchu
Más flacu qu´un serruchu
El que por creer en bruxas casquivanas
Pasó d´algunas noches toledanas.
Y, doliéndoy n´el alma sos excesos,
Para créditu
dar á los socesos,
De Sevilla una palma traxo en seña
Qu´a tou el mundiu enseña
Triste y desconsolau
Por creer que hizo patu co ´l pecau.
Y, pa golver al senu de l´Iglesia,
Dolor que no se cura con manesia,
Jezo más penitencias y más velas
Qu´un par de porceguías tien trachuelas.
Pudiendo, al fín, vivir en santa calma
Con paz n´el corazón y fe n´el alma.

***************************************


Esto e del sucedíu la retajila
Según me lo cuntaren n´una jila,
Mas yo, qu´ésto de bruxas se qu´e trola,
Quise saber l´origen de la bola,
Y vini al fín del cuentu averiguando
que tou lo que pasó, pasó soñando.




Autor: ÁNGEL DE LA MORÍA
Obra: CIEN AÑOS DESPUÉS

Muy simpático ASTURIANINA, y además leyéndolo con ese acento cantarín que tienen los asturianos resulta la mar de agradable escucharlo.

Yo tengo algunas palabras que no se su significado, pero a grandes rasgos me he enterado de la historia y me gusta.

Si puedes ponnos alguna más ¿vale?........ ya sé que andas muy liada ahora, pero busca un hueco para el foro.

Buen trabajo Asturianina
Saludos.

Ha estado muy bonito, haces muy bien en recordar poetas llaniscos y mucho mas en bable que a la gente ya se le está olvidando leerlo. Yo tengo un libro con poesias suyas se titula "Onde´l mundu se llama Llanes" y tambien son muy bonitas, lástima que haya muerto tan joven con tan solo 32 años fué lo que truncó su carrera y aún asi es bien conocido. Yo tengo un libro del escritor Angel Pola que sabrás que era ahijado suyo y también un reconocido escritor.