Boquerizu - Asturias

GONZALO DE BERCEO
(1220 - 1264)

NAUFRAGIO

Cruzáronse romeros por ir en ultramar
saludar al sepulcro, la vera cruz orar;
metiéronse en las naves pora Acre passar.
si el Padre del cielo los quisiese guiar.

Ovieron vientos bonos luego de la entrada,
oraie muy sabroso, toda la mar pagada,
avien grand alegría la alegre mesnada
con tal tiempo, ama avrien la mar passada.

Avien buena partida de la mar travessada
que la avrien aine al otra parte passada;
mas tovolis su fado una mala celada:
fo la grand alegría en tristicia tornada.

Movióse la tempesta, una oriella vrava,
desarró el maestro que la nave guiava
nin assí nin a otri nul conseio non dava,
toda su maestría non valía una haya.

Cuntiólis otra cosa, otra grand ocasión,
rompióselis la nave luso en el fondón:
vedien entrar grand agua, ronpie cada rencón
avie a hir la cosa toda a perdición.