Boquerizu - Asturias

Mirade cómo cuerre la sardinera
A vender les sardines a la carrera.
¿Non la vedes? Fegura que s´asofoca
Y tantu s´afurfuga que paez lloca.
Casi qu´a la rodía lleva´l refaxu
Y sobre la cabeza carreta un paxu
Que va chando salmoria que esbarria llente
A mecései col sudu sobre la frente,
Sin que delgún s´apene de la so estrella,
Sin que tenga un cristianu llástima d´ella.

La madexa de pelu que i envidara
La más xentile reina si la peñara,
Co la carga, que tienla tan abatida,
T´aparrada, ta triste, ta descayida.
Los rizos que i revoltia l´aire terreru
Cuando sal pa la pesca so compañeru,
De tantu como cuerre, brega y trabaya,
Apiégailos el sudu so la vidaya.
Y aquellos güeyos dolces, que no hay quien vea
Com´ellos el encantu de la marea,
Q´arrellucen lo mesmo que dos lluceros
P´an ellos amirase los marineros;
Que tienen fueu d´estrelles, llume d´aurora
Y humidanza de fonte marmuradora,
¿Non paez que se i queden sos dos neñines
Tristes cuando ella grita: -¡Tomai sardines!?

Vosotros que sabedes que los amores
Son escayos del alma desgayadores,
Sabé tamién qu´al alma d´esta´nfelice
Puede qu´algún escayu la martirice;
Puede que so la mustia cara morena
Haya posau la sombra dalguna pena.
Al corazón nes ales puede que i risgue
Dalguna gata´spina que´l almy i fisgue,
Y que los dos, feridos de tar penando,
Cuerran muertos de pena los dos sangrando.

Y ansina ye: cuando ella piesca´l so paxu
Y casi a la rodía pon el refaxu,
Y de la so casuca sal a la puerta,
De cruxía la probe va casi muerta;
Pos dexa xunta al fuevu dos anxellines
Mentres cuerre a la venta de les sardines,
Espetaos na so alma los corazones
De les neñes que queden co los tizones
Cuerre como una lloca, pa ver si fina
El millar que i echaren de la sardina;
Cuerre, tuda s´afana, tuda s´azora;
Cuerre, y llama a les puertes de les vecines
Gritando medio lloca: ¡Tomai sardines!

Sí, tomáiles: qu´esnala col so deseu
Xunta les dos neñines que tien al fueu
Calentándose, porque van axelaes,
Y co les sayiquines toes moyaes...
¡Probines!... - ¿Si la güestia fai que cayeren
En fueu, y abrasadines se mi morrieren?
¿Y aquelles maniquines y aquellos brazos,
Que tan tiernos mi dieren miles d´abrazos?
¿Y los llabios de sangre de puru encesos
Que tan dolces mi dieren miles de besos
Pudieren tar engüeitos en una llama
Reditiéndose? ¡Virxen!... ¡Ay! ¿Quién me llama?
¿Virxen, si tan escura fora mió suerte
Qu´al ganaios la vida is dé la muerte...!
Tenéi piedá, muyeres; por Dios, vecines;
Que quiero dir pa casa. ¡Tomái sardines!....

Sí, tomáiles. La probe quier ver les neñes.
Tomáiles. Unes poques perres pequeñes
Dan-i´l pan y la vida, dan-i la calma
Que gocia co les neñes de la so alma.
Andái, qu´a les risades qu´á madre i dean.
Aquelles anxellines cuando la vean,
Y al restallar del dolce besu inocente
Que posen de la madre sobre la frente,
Ha´acordase la probe de les muyeres
Que non fueron con ella muy cicateres
Pa unviáios la metada de les veyures
Que i falen contentines les dos cretures,
Faciendo al mesmu tiempu que los amores
Que escayos son de l´alma, se güelvan flores.
Tenéi piedá, muyeres; por Dios, vecines.
- Andai, que les acabo! ¡Tomai sardines!

Y acabóles. Y cuerre pa la corrada
Aquella madre bona y enamorada;
Y al metese per casa ve´l fueu morriendo
Y les dos inocentes en llar dormiendo,
Co les dos cabezines en dos estielles....
¡La Soledá bendita veló por elles!



PEPÍN DE PRÍA

Asturianina, me encantan todos tus escritos. De hecho creo que es una manera de mantener vivo, en este foro, el espíritu de la Asturianía que creo que todos los que nos paseamos por estos lares llevamos dentro.

Si mi opinión sirve para algo, yo te pediría que sigas con ello mientras el repertorio te aguante.

Pero no es sólo para decirte que continues en esta línea de participación por lo que te contesto a este post.

Es porque se me ha puesto la carne de gallina mientras lo leía. Te diré que tuve que saltar a la última estrofa, sin acabar de leerlo, para ver si a esos dos anxellines les pasaba algo.

Lo dicho...... espero que tengas repertorio para largo.

Saludos.