Villanueva de la Sierra - Caceres

ME TENGO RELAMIO LOS VEZOS DE JAMBRE,
JANDU CORATINO, COMO EL CUERPO DE UN ZAGAL,
Y RESENTIO TO EL DIA, REGANDU EL GUERTINO,
MIS MANUS NO SON LAS MESMAS QUE LAS DE ANTAÑO,
CON EL JACHO CABANDO COMO ENBRUTAO ANIMAL,
EN LOS PORTILLOS DEL CIELO, TENGO YA EL PASO,
Y UN CACHINO DE TIERRA PA POER DAR DESCANSO,
SIN FUSCA NINGUNA EN MI JONRRA DE ENGARAÑAO,
NAIDIE TIENE LA DECIENCIA DE PEIRME UN REAL,
POS LO TENGO BIEN ESCASAINOS Y SIN GUREJOS,
NO ASÍ LA PENINA GRANDRE QUE TENGO DENTRO,
CUNDO ARGUIEN ME PIE FIAO, LO QUE NO TENGO,
CANSINA LA VIDA MIA, DE JOMBRE RENEGAO,
QUE SI NOS DAN UN JORNAL, MÁS CANSINO ME QUEO,
SIN POERME RELAMER DE LO QUE NO SA TRAGAO,
MEJOR ME QUEO EN MIGUERTINO CHIQUINO,
ARRIJAZASE EL CACIQUE DE AMO A SU LIVAR,
Y ME QUEO MEJORINO CON LO POQUINO QUE TENGO,
QUE LOS JORNALIS DE PEGA, MAS LA JAMBRE TRAEN.

ATENTAMENTE, EL CAFETERO.

SEPA USTE, FORASTERU ...

Me trompecé el’otro día
con un forasteru,
mu compuestu y mu finu,
que se llegó ende la capitá,
y decía que semus lus extremeñus
incurtos y de mu mal jablá.

No soy yo una jembra
de mucha gramática
ni tampoco mu estudiá,
pero asina jablaba mi madre,
asina jablaba mi agüela,
asina jablaban lus de mucho más pa’trás,
y asina jablo yo,
pá que no se me olvide nunca ni una letra
de la que jablan también
nuestrus más grandes poetas.

Sepa usté, señó mío,
que cuandu un extremeñu jilvana
toas y ca una de las letras,
empalma comu una melodía tras otra
lo que no es otra cosa
que la lengua que se jabla
en nuestra tierra.

Sepa usté, forasteru,
qu’en cá lugá se jabla una lengua.
Y si no,
aviente, aviente usté una mirá
por lus jondones de la jistoria
a vé si se da cuenta
que no semus lus extremeñus
más incurtos que lus que nacierun
ajuera de la nuestra Extremaura.

Sepa usté, forasteru,
que sabemus mu requetebien leé y escrebí
lus extremeñus.
Pa eso, cuandu eramus zagalinas,
un maestro mu resabio,
y mu letrau,
nus enseñó en la escuela.
Y pa encandilá lus nuestrus pensares
no nus jacen falta
ni las eses, ni las jerres.

Y ya, pa terminá,
si tiene una miajina de vagá, aviente usté
una ojeá por lus librus
de Luis Chamizo ó
de Gabriel y Galán
a ve si encuentra usté, señó mío,
arguna incurtura en su pluma desgarrá

MARAVILLOSA TU,MARAVILLOSO EL
GRACIAS A AMBOS. SALUDOS.

Loa a Dios padre

Dati priesa mujel, qu'es ya mu tardi
y prestu va a sel hora,
que siempri andamus tan tardíus
comu las cabras cojas.
Abrí el arca te digu y no te jagas
más la remolona,
qu'es la Romería del Dios Padri Benditu,
día de los grandis y fiesta mu gorda,
y yo mayordomu y tú mayordoma,
a la Ermita tenemus que dil
lo mismitu qu'el día de la boa.
Anda y no rechistis,
que naidi mos oiga.
Sácame el remú de tirus largus
sin que le falti cosa;
la faja colorá, los mis bombachus,
el calañés de bolras,
aquel chalecu de plaqué de oru
con el pañuelu blancu d'amapolas
y los zapatus bajus
que no quieru botas.
Y no me mientis más de pantalonis,
de chaquetas, jerselis ni de gorras,
que pa paecel com'un titarateru
tan solu me faltaba la tambora.

¡Mia que vestimenta
quieris que me ponga!
Déjame d'esus trajis caguetosus
que no valin ni siquiá pa estopa,
déjame d'aleluyas y cantaris
déjame de modas.
Que pa antruejus con los carnavalis
tenemus de sobra,
y tú, ya lo sabis, ajuera esa ropa.
Tira los enjalmus de esus vestuarius
qu'están jechus de tela de cebolla
y avienta esi velu que no quieru velti
pintandu la mona.
Que'esus trasmallus se jidun pa pecis
y no pa personas.
Ya te lo he dichu;
¡que no quieru modas!
Hoy tienis que dil
igual que de novia.
La cobija grandi de los abalorius
el jugón de blonda,
el pañuelu e ramu, la saya amarilla
y el mandil de rosas
pa que asina vayas tan repompollúa
que'encelás te mirin las mozas jamponas.
j,josé camison