San Martín de Trevejo - Caceres

-Comu idía Goliath: ¡¡Por el gran batracio verde!!

"Un cómic que se pareci a un-ha historia real".

Cambiemus tan solu o nomi de "Sigrid" poro de "Kristina" . I, o do "Capitán Truenu" poro de "Filipi de Castilha" i veremus as cuincidencias:

O Capitán Truenu, foi un guerreru templariu da terceira Cruzá -según o sei autor-. Filipi de Castilla, monxi templariu en Covarrubias i obispu de Sevilla duranti o reinau de sei hermanu Alfonsu X o Sabiu – según a historia-.

-Sigrid, (Vikinga) princexa de Thule (población que se supón e’nalgun-ha parti da costa noruega).
-Princexa Kristina, (Vikinga) filha do rei Haakon IV de Noruega. -Rubia, d’olhus tan azulis como o ceu i de singular belheza. Contan: que cuandu pasó por Francia caminhu de Castilha, o rei San Luis, queó prendau d’ela i nun a deisaba ni o sol ni a sombra. Logu: o si pasu por Barcelona, Jaime I d’Aragón, na mais vela, le propuixu caxamentu i un apartamentu de luju en Palma. Pareci sel, que ligal con escandinavas enas plaias do "Mare Nostrum" nun é na novu.

O día, treinta i un de marzu, de mil dudentus cincuenta i oitu. O infanti Filipi i a princexa Kristina, contrain matrimoniu en Valladolid. Cuatru anus mais tardi, Kristina morri en Sevilla. Contan: qu’anhoraba tantu Noruega que morrei de melancolía -isu didin-. O infanti, trasladó o corpu da sua mulhel o monasteriu de Covarrubias dondi él había síu abad. Filipi, se caxó duas vedis mais, i Kristina entró eno total ulvíu (y aquí paz y después gloria).

Siguin as cuincidencias: Victor Mora (guionista catalán, autor do famoxu cómic) empeza cono Capitán Truenu en 1957 . En 1958 duranti un-has obras ena colegiata de Covarrubias, apareci un sarcófagu cono corpu caixi incorruptu d’un-ha mulhel rubia conas unhas pintás i vistíus ricamenti bordaus. –Era Kristina.

-Un-ha promexa que se cumpli, caixi oitudentus anus mais tardi:

O día que Filipi i Kristina se caxan: ésta, le fai prometel a Filipi; que comu regalu de boas, levanti un-ha capilha a San Olav (patrón d’Escandinavia). Filipi: conos devaneus amoroxus que le venin dispois, s’ulvió por completu da promexa. -Pues ben, o anu pasau o prexidenti Herrera, inauguró en Covarrubias a capilha prumitía, acompanhau d’un-ha gran reprexentación Noruega. A excuxa qu’o prexidenti da xunta do eno discursu inaugural: qu’o retraxu era dibíu a que Castilha arrastraba un-ha forti crisis económica desdi a mitai do siglu XIII, qu’as perras tinhan un distinu mais prioritariu (creal empleu) i qu’a San Olav nun le vinha d’oitudentus anus mais o menus –mui acertau-.

Ni que idil ten, que cualquel paricíu do cómic conos personajis históricus, é mera cuincidencia. Comu agora, s’está eitandu a serie televisiva "Toledo" m’he acordau d’esta parti da nosa historia poicu cunhucía.

Didi a leienda: cuandu un-ha dagala queira encontral noviu, que nun perda o tempu en buscal por interné; que vaia a tocal a campanita qu’hai encima do sarcófagu de Kristina, i antis dun anu estará caxá.

Recomendación:
Vixita a Santu Dumingu de Silus; dispois d’uivil misa con cantu gregorianu, siguil hasta Covarrubias pa vixital a tumba de Kristina i a capilla de San Olav. Peru entri meias, un bo lechazu castelhanu o fornu de lenha que nunca ulviareis.

Forti abrazu.

PD. O que nunca supi : ¿cual foi o final da historia do famoxu cómic?.

Y tantu que existi o Apartamentu que le montó D. Jaime a Kristina; e dondi venin a veraneal os reyis de Noruega.
O Capitán Truenu se dexió de edital en o 1968, por Victor Mora i o dibuxanti Ambrós, logu se fiderun unhos "refritus" por otrus guionistas, peru ya nun tinhan o éxitu do primeru.Ei disfrutí mutu con suas aventuras; con as do Cachorru, Roberto Alcazar...."que tempus".
I agó me voi a vel "Toledu", ciai das tres culturas i da Escuela de Traductoris.Cuandu estaba en Mairil fomun un día con un seiscentus que tinha a tomal un-as cervicitas i me mití poun-a calli que se diba estrechandu ca vé mais i nun tinha seida.Nun ves comu as pasí pa sel de alí.
Forti abrazu.

¡¡Lógicu!!

Según dibas bebendu cervicitas, a calhi se diba estreitandu.

Forti abrazu

"CApitan Trueno" "El JABATO" "EL CACHORRO" "hAZAÑAS bÉLICAS"
"rOBERTO Alcázar y Pedrin"... unha vez mais y aqui teñu que agradecerli
a José "manquitu" (os diminutuvus expresan cariñu) que gracias a él,
tantu disfruti con a lectura de estis TBOS. Desde Sevilla chegaba a o lugal toos os verás y de aqui ven a miña adicción a literatura.

En a feria do Comic y en o Mercau de San Antonio de aqui de Barcelona me he diu fendu con os Cuadernillus do Capitan Trueno, de unhos 800 tendre a mitai.

A Editorial Bruguera (1956) encargo a Victor Mora (militanti do PSUC estuvu en a Cárcil por as suas ideas pulíticas) un personaji que
cumpitira con "EL CACHORRO" de Iranzo que entoncis era o comic de mayor éxitu, se asoció con o dibujanti Miguel Ambrosio Zaragoza (1912-1992) AMBROS. Mora era admiraor del PRINCIPE VALIENTE de Foster y en él se inspiró. Catalanista cumu era le dibujo a "senyera" (bandeira) en o peitu.
Sigrid/Capitán Trueno:
Sigrid nun sabia que era algu mais que a filla de un pirata. Sei pairi en realidad Thorwald y había siu rey de Thule, o país gobernau mutu antis por o Principi Valenti.

Sigrid/Capitán Trueno foran o que agora se chama "pareja de hecho"
pero nunca os vemus en a intimiai ni beixarsi. En a decada de os ochenta, en un intentu de volver a editar o Comic,aparecin en unha viñeta en a cama: Chimenea con fogu encendiu, e.la semidesnua fenduli cosquillas con unha rosa e a orella a Trueno y ésti rindusi. ¡¡Horribli!! Sigrid tan macizota.

Decepcionanti a peli "El capitán Trueno y el Santo Grial" que se estrenó o anu pasau.

bos días