San Martín de Trevejo - Caceres

¡Por fin unha boa nuticia¡ Se chami como se chami, según a idiología do politicu que comenti a nuticia, ¡ O terrorismu dos criminais de ETA se acaba definitivamenti ¡ Asi vamus a creelo por que elis o han ditu, por que e o que desea to mundu y por que, por fin, elis mismus se han cunvinciu de que o terrorismu nu os vay a leval mais a que a Carcil o a o cementeriu. Hay que celebral esta boa nuticia y, sin ulvial a quen ha sufriu en suas carnis y en sua familia o castigu de esa banda criminal, recoñocel que os demócratas gañan y alegrarnus, sin baisal a guardia pa que os que han delinquíu paguin por seis delitus. Por fin, gubernu y oposición se mantenin en misma linia ante esta estupenda nuticia y, aunque sempris habrá algunha opinión derrotista y desmereceora dos meritus de quen ha lugrau presionando y, por que non, quizas, cedendu algu, esti abandonu da violencia; o certu e que ha siu con esti gubernu, con o que a Banda Terrorista se ha vistu tan acosá, que nun ha tiu mais remeyu que acabal. Esperemous que en otra etapa entreguin definitivamenti as armas. Soidi pa tos y pa a fala. Chitu.

-Que esti fin, sea un novu principiu.

Forti abrazu

Me alegra esta nuticia ....
Forti abrazu pa tos y soidi

E um'a boa nuticia pa tos, sobri tô pa os que vivimus aqui.
Agora se verá a caliai d'os puliticus que temus si sabin estal a altura d'as circunstancias, ia num vali tiral a peira i escondel a mán.
Toca siguil pur esi caminhu cheu de cascalhus i penosu peru democráticu,
cumu foi hasta chegal aqui,e o comenzu de otra época, os totalarismus i
as dictauras ia num van cum estis tempus.
Se abri um'a nova era na que toca siguil lutandu, sin venceoris ni vincius, e difícil pasal página despois de tantu dolol i sufrimentu,
de tanta morti inutil i estéril, pa chegal a esti puntu num era necesariu empunhal as armas i causal tantu dolol, peru amigus meis,
os interesis creaus fain estragus, a o final os anus te fain vel que
quin sempris acaba pagandu son os mais inocentis i os mais débilis que
sin sabel polque se ven envoltus en um'a luta que elis num buscorin.
Desdi a esperanza i a ilusión vamus a tiral paiantri tôs pa que istu sea um'a realiai i nun tenha vorta de folha, que num haia marcha atrás.
Forti abrazu i soidi pa tôs.

Ya eran horas.Os mortus num o poerán contar.Recordal a elis y suas familias he ubligación de toos.Pareci mintira que de un pueblu comu o vascu,seiran esas alimañas.Agora chega o momentu da verdai.Os fanatismus,NUNCA.Logral o encontru a PA he tarea que entre toos temus que buscal.
Num estamus entre tribus.Venin generacios de chavais formaus,con proyectus,con ilusios.Temus que cunfial en elis y o sol volverá sin odius a volvel a respandecer
CINCUENTA ANUS MATANTU ¿Pa qué ?.Pais vascu,Andalucía Cataluña,Extremaura....toos somus boos.Vamus a respetarnus comu somus y enchernus de boas intencios-Volvel a matal por esas cuestios...nunca
jamáis.A via he muy corta y mereci a pena vivila sin odius.
Comu muta yenti le deseu a os vascus o millol.Tamén pa tantu y tantu emigranti que duranti anus y dispois de desial vosa via pa levantal esa Región habéis tiu que tragal insultus y desprecius.Sempri
vos uivi perdoal.GRACIAS PAISANUS

Estoy de acuedo con las opiniones que se hacen en este hilo , pero para mi esas muertes no tienen perdón .

Saludus , amigus

Nunca serán perdonaus porque os seis críminis nunca serán ulviaus.

"La única libertad que merece ese nombre es la
de buscar nuestro propio bien, por nuestro camino
propio, en tanto que no privemos a los demás del suyo o
les impidamos esforzarse por conseguirlo. (.....)
La humanidad sale mas gananciosa consintiendo
a cada cual vivir a su manera que obligándole a vivir
a la manera de los demás" (Joht Stuart Mill, Sobre la libertad)