San Martín de Trevejo - Caceres

Estoy mirandu un luceiru
que está quititu en o ceu
y en o débil parpadeu
veu a xenti en o extranxeiru
y a os que chaman forasteirus,
son xenti que está chorandu
porque vivin recordandu
as coissas do sei lugal,
y esa forma de choral
e comu soñal calandu.

Veu que choran en "mañegu"
y nun os poyu ayual
dificil e aconsellal
si me estoy queandu cegu
porque veu que nun chegu
a consiguil millol sorti
que a que didi tel "O forti"
somun do mismo lugal
de lonxi, estamus igual,
un po sur y otru po norti.

Mira arriba, compañeiru
y verás que hay mais estrelas,
Y nun fai falta pa velas
que nos alumbri San Peiru,
solu hay algu verdadeiru
y e que teñas ilusión
que nun perdas a ocasion
de pensal en San Martín
y cuandu vayas ¡por fin!
solu choris de emoción.

MUTAS GRACIAS CANCHEIRA!Que en esta soleai Aragonesa,recordare con pena o lugal, aunque tamen con alegria sabendu que ya quea poicu pa dil pa la,y en estis desiertus dos Monegrus,pensare en o agua do royu, y en a de o pilar do forti, y en a de o riu, pero tamen pensare en a de as piscinas particularis, y en toa a que se desperdicia vilmenti, tamen dire en altu "aqui estamus os mañegus, pa dal amistai, consellu y agua muta agua", que esti anu o dios das lluvias nun nos escuta, y ardi a nosa patria,Extremadura, extrema y dura, aguantandu o enviti, de desalmaus y lairos, que querin queimala pa os seis beneficius,choru de rabia por a impotencia, por a impuniai que tenin aquelis que se escondin en o anonimatu incediandu a sua propia casa,reventu por dentru de vel a que a nosa terra he valdia pa os empresarius das multinacionais, que nun se invirti, que a genti se marcha chorandu comu o fayu ei,sin sabel a dondi dil pa poel subsistil,y os que quean,siguin aguardandu que os politicus y os gobernantis nos mirin a os ollus y nos digan, volvei a o lugal, que ya hay traballu,volvei que ya nun he necesariu que teñais que sel emigrantis en o vosu pais.

Un saluu pa tos os mañegus residentis en o lugal y pa os que o añoran.

MUTAS GRACIAS CANCHEIRA,por esa puisia que nos as dedicau, y que tam ben as sabiu describir os nosus sentimentu , que aunque estemus ven fora , sempris temus esa especii de murriña que nos uni a tos , que he o nosu lugar . Un salu de esti y de tos os que cumu ei estamus unius porSan Martin y por o foru, y que ya prontu nos veremus .