San Martín de Trevejo - Caceres

Fai tempu que ya nun escribia, y comu a cosa ya se a calmau, he voltu a dali a tecla.
Esta noiti me a dau por eital a menti a correl por esas carreteiras de Dios, desdi esti lugal dondi traballu, hasta o nosu lugal y me preguntu, ¿porque temus que pagal peaji en as Autopistas?,ya se que a Ley das autopistas,contempla o dereitu a oitra carreteira que nun sea de pagu, pero entoncis os nosus impuestus, que pasa con elis, bueno y nun te digu na o mantenimentu que tenin estas vias, to istu ven de un ricordu que teñu de a carreteira do portu de Santa Clara,un´a pena pa vista pero un adelantu pa a millor caliai de via, creu ei que pa tos,que me joroba que quitin os castañus, que un´a das coisas mais bunitas de San martin desparecin tamen me fastidia, pero o progresu ten un preciu, a vedis muy caru, tos temus un´a dualiai de pensamentu, peru sempris hay que eligil un camiñu mais o menus acertau, temus un tema tamen candenti, o dos Mulinus de Don Quijoti, istu tamen ten sua dualia, mata a fauna, pero si nos da de comel, con as "supuestas" fabricas dos vascus, bueno me dispiu, que me voy a traballal, boas noitis.

Amigu FORTI, me pareci muy ben to que didis y o que te refieris cun isu de os castañus y as autopista, pero o que mais me pareci e que necesitas unhas vacacios pa relajarti , y sobre to que tua aguela te prepari unhos bos platus de isu que tantu te gusta y te ulvis un poicu de esis desiertus que ya te fain ver hasta espejismus ( a propositu, en o lugar tampocu hay agua, que se a han chupau entre unhos cuantus ),pero sempris te queara algu de viñu , y si non se lo pis atei pairi que ten mutu y bo .Un abrazu de un amigu y soidi .

Eris quin creu que eris? home cuantu tempu sin velti, ni siquera un toqui a o portable,que velgonza,amigu POYALIS, que pasa que te movi a sel da mata, eh? o aburrimentu, o que tampoicu tes vacas jejeje, un saluu y paciencia que to chega, aunque sea pa diciembri.

Dispois de haber escritu o título algún integranti de esti foru se acordará comu de pequenus, sobre to en o verán, se uivia por a mañan ¡ po fooooooorti! era o porqueiru que avisaba donde había que leval os cuchinus aquela mañan pa dispois él sacalos po campu ¿Alguin s`acorda de aquilu? Amigu forti os autopistas de peaji nun has ha feitu o Estau, as fai una empresa por concesión y logu se deisa un númeru de anus a esa empresa que cobri por circular por ela, o sea,que pagamus os automovilistas. En cuantu a os castañus, progresu si, carreterira nova tamen, pero habria que buscar una formula pa que esa belleza natural que nos encolli o corazón cuando pasamos por ei arriba, se mantuvera de millor maneira posibli,¿deisando esi kilometru y picu namais ben acondicionau pero con a anchura actual y "quitamiedos"? tal vez, o cualquer solución viabli que nun pasara por cortar castañus en esi tramu. ¡ Hay que propoñelo!. Un saluu pa tos.