San Martín de Trevejo - Caceres

Donde brilla el tibio Sol
Con un nuevo fulgor...
Donde el aire es limpio aún
Bajo la suave luz de las estrellas...

-Ninu Bravu!!. ¿Recordas esta canción?

Esta fotu de Salgueiral, nos muestra o tibiu Sol do nossu Edén manhegu.

Sencilhamenti: ¡¡precioxa!!.

Si,un día esti Ceu deissa de sel limpu i puru,nun será culpa ni responsabiliai de Dios;será culpa dos manhegus.

Cerrumicli: o mundu de belheda y armonía que me refieru,está enesta misma fotu,i enas últimas de Indanunse. I claru está,esta belheda é intemporal,-sin épocas-.

-Quen entregó o mundu a quen? –didis-. O mismu que creó a luz,armonía,belheda i equilibriu eno universsu. ¿Acaxu cres,que toa essa gran obra que ves por a noiti cuandu miras parriba, é productu da caxualiai?. ¿Nun te pareci demaxía sicronización , perfección i ordenau, pa que sea caxual?. Ei, nun digu na dessi purgatoriu,enfernu,manzán,arca…Enessi puntu de vista estoi con vos. Nun ulviemus,qu’o Génesis o escribiran os homis,i poro que se ve,nun testranhi co fideran ena Pichorra cuandu ya estaban ben postus. Pues do contrariu,nun sentendi tanta (...)

¡Que passeis un bo fin de semana!.

Soidi a tos, FONTI NOVA

PD. Fai mutu tempu que nun s’asoma "Barara" poro foru. Esperu i desseu,que sencontri ben de soidi xuntu con toa sua familia. I, sí nun o vemus poraquí; que sea porque nun l’apetezca, i nun por otras cauxas.

Atardecer de mi valle, suave luz que despides los días y nos regalas la infinita belleza de nuestras noches estrelladas, eres el origen de nuestra corriente de aire mañego que agita los grandes sentimientos hacia nuestro pequeño pueblo, que crece cada día en nuestros corazones...

Atardecer de mi valle, siempre distinto, eres creación de los dioses, alejas las cosas intrascendentes, contigo duermo tranquilo, sueña mi alma y se abre mi mente...

Desde la distancia pienso en tí y, simplemente, siento tu presencia en mi ausencia.

Saludos a todos los mañegos

Esa comu otra que hay en a colección que temus en o foru son pa quital o hipu a cualquel entindiu en fotografia.
Mutas vedis hasta nun fai falta sel ni bo fotógrafu porque hay tantas coixas que admiral que si as levás a os urbanitas, ni nos chegan a soal ya. Esis rincós pirdius, esis ceus limpus , esas postas y seidas de sol.....buuufff , e que verdadeiramente son una pasá.
Soidi a fala y ánimu a os bos y a os menus bos fotógrafus para que nos as poñan lugu en o foru

Hola Fonti Nova: ¡Ya sabia que diba a metel en un berenjenal, porque o tema ten "berenjenas por un tubu"!
As teorias do principiu de mundu son varias y solu son isu "teorias"....Aqui está o gran misteriu ¿comu se fidu, quen o fidu y quen fidu a o que o fidu?.
Tú falabas de justicia divina y logu didis que o final o únicu responsabli de seis actus e un mismu.
Ei o que tratu de idel e que as religiós son feitas por os homis y que y as hitorias que me contan nun me convencin.Respetu a fe y as creencias de tos.
Tes radón que esa fotugrafía e idílica, comu toas as que fai Indanunse; nos temus a sorti de vivil en sitius priviligiaus y poemus sacal esas afotus.Peru y esis que solu poin pisal terra cuarteá, sin unha gota de agua y en ve de esi ceu tan lindu que temus, elis tenin un sol de justicia (¿divina?) y con moscas por a cara y sin carni en os hosus.....¿quen le aplica a justicia a esa xenti?, esti mundo y o en valli de Josafá.
¿Que gran misteriu, verdai?
Me gustaría poel estal en unha pichorra, comu di Chitu, quizá nu arregaliamus na, peru con unhos viñitus y algunha tapita pasaríamus u bo ratu y segúramenti nosa concencia esa noiti se durmiría con nos mais tranquila.
Forti abrazo.
P.D. Y mais si está "alfena" y mei amigu Chenchu.
Nos vos temus en muta consideració.

"Cerrumicli":

En as pichorras nunca he falau sobri estas cuestios.
!Son tantus os temas que se tratan en as boigas¡
Sobri o que se didi en esti foru se fala bastanti.

Montxo Armendariz, director de cine: "Tasio" "Secretos del corazón" "Obaba" etc. estuvu en unha pichorra faira unhos mesis y queo sorprindiu y encantau, tantu o mais que a directora do programa da SER
"La ventana" Gemma Nierga, que tamen estuvu.

O judeu-cristianismu é unha mitología maís
que se basa a aparición de un personaji, Yahvé,
que repetiamenti se manifestó a o pueblu hebreu,
que envió a sei fillu, Jesús, permiti a sua morti
pa que toa humaniai creera y se salvara.

A esencia da teologia cristiana esta basa en que ven a o mundu
o propiu Dios (encarnación) redimi o lava a o homi
do sei pecau original (redención),le da a oportunai de salvarsi evitandu a sua condena eterna.

¿Salvarsi de qué?
De un pecau que nun cometei, que cometeran seis pairis, Adán y Eva,
(otrus mitus) A jurisdiccion feita por o homi naidi é culpabli
hasta que se demostra o contrariu, sin embargu, en a cristiana
Dios é o juez:too mundu é culpabli

Me queu con o que escribi Calderón: "pues el delito mayor del
hombre es ¡haber nacido!

Mei absolutu respetu hacia os que tenin unha concepcion
do mundu y da via basau en a Biblia.
Que día a día sigan fortalecendu a sua FE.

boas noitis

He estau fora,i nun entru eno foru desdi o vernis passau. Celebru vel, comu volvin de novu os furistas que de cuandu en cuandu s’aussentan.

Amigu Cerrumicli: m’agrada debatil temas desta naturaleda cuntigu,-o de cualquel otra-.Ei,nun sé, comu ni cuandu se fidu esti mundu ; comu tú didis, hai varias teorías. Peru sí sé un-ha coixa, i é, qu’está feitu. I a prueba: é, que tantu tú comu ei,formamus parti d’él i d’esta gran obra que chamamus "Universu".

-Quen fidu a o que o fidu?-didis- . Tampocu o sé!!. Hai tanta perfección enel , qu’a creacción d’esta maravilha escapa a minha imaginación i me desborda totalmenti.Ni que idil ten,qu’homi hasta esti momentu,nun está capacitau pa fel algu así.Tan solu, s’ha preparau pa destruilo. Así,comu permitil qu’haya zonas dondi as moscas devoran as caras dos dagalitus/as i nun tenhan mais que piel sobri os hossus. I a culpa de tó istu,solu é das leyis dos homis.Pues as divinas, son mutu mais sabias i perfectas.

Sea comu sea,-aquí estoi cuntigu- o final tó se fundi enun-ha sola coixa. Nun hai mayol perfección,que passal un bo ratu ena pichorra conos bos amigus. -Comu idian os Faraós: "Qu’así s’escriba i así se cumpla".

Soidi a tos, FONTI NOVA

PD.Envíu un forti abrazu a mei amigu "osaltu"

Fai dois dias que estó tratandu que me entrin os escritus, nun se de quen e a culpa.....
Por si esta ve vali, Solu vos poñu...
Forti abrazu.

Nun me dexa entral con o escritu que poñu, me didi que digu palabras ofensivas (mitirosu) ten que habel algun problema.
Forti abrazu.