San Martín de Trevejo - Caceres

Nun é que se haya suscitáu ninhu-na diatriba sobre o tema, pero siría convenienti que os que sepan, y que teñan máis vivencias que ei, sobre o Forti, aclarin algu d´o mismu.

Ya temus a os sevillanus, que habáimus dexiáu en o antiguu mateiru, acabandu a visita.
Le quean cuatru coisas que vel, referentis a o cascu urbanu d´o lugal.

Dispois de estal en o mateiru, paricía que quirían dil p´O Conventu, pero se le fidu tardi, o quizá agarrorin meu , decidin dirigirsi a o cochi, que, sabemus, habían dexiáu por a entrá d´O Forti.

Por minha parti sólu tres preguntas o cuatru sobre o Forti:

1. ¿A carpintiría de tíu Sindu está en o Forti?
2. ¿A calli Barriu Novu forma parti de o entornu d´O Forti?
3. ¿Perteneci a o Forti a antigua cochera de O Ranas?
y a última y creu que máis fácil
4. ¿Y o pilón d´O Forti, forma parti d´O Forti?.

Máis o menus foi asina:


31
Camiñandu hacia o conventu,
hacia misma esquerda giran,
en o barriu novu miran
vacas, chotus y jumentus.
En esi mismu momentu
ven a fragua de tíu Luis,
o pairi de o de París
que os invitó esta mañan
p´alí arriba pa San Xiuan
a viñu, mostu y anís.

32
Según consta en o padrón
vivía p´alí tiu Fortosu,
traballaor, laboriosu,
y cerca tíu Pantaleón
Dambus tiñan afición:
un a probal un traguitu,
o segundu a un cigarritu.
Dois fillus de San Martín:
dois mañegus de pustín:
a recordalos invitu.

33
Y ya nun pueran mirar,
esta xienti sevillana,
a cochera Ángil “Ranas”
ni aquel “potru” de Marcial.
Habrá tamén que aclaral
que O Forti mutu ha cambiáu:
casas han edificáu
dondi vivi muta xienti
O Curral de Don Clementi
Nun creáis que se m´ha ulviáu.


34
Y cumu tô en esta vía
se acaba y chega a o sei fin.
Prometin que a San Martín
volverán en otru día.
Nun le ha faltáu compañía,
a xienti ha síu muy amabli,
o paisaxi formidabli.
Han cumíu y han bibíu
nun fai falta idel quen han tíu
un-ha upinión favorabli.

35
Si nos fain esa visita,
que prometin, tan contentus,
baxiaremus a o Conventu,
visitaremus a ermita,
dondi a nosa Crú Bindita
nos acompaña y nos guía,
nos ampara noiti y día
mañegus de aquí y de fora;
os de antis y os de agora
a o largu de nosa vía.

36
Y pa o soitu os levaremus
subindu por a calzá.
Cuandu cheguemus alá
o paisaji admiraremus.
Y cuandu a o lugal cheguemus
os levamus a comel,
pues nun é sólu bebel
en a pichorra unhos vinhus.
Elis sabin ya o caminhu:
Os volveremus a vel.

Bueno, hasta otru día en que volvan estis visitantis, o que venhan otrus, o surja cualquel otra coisa.

Sabéis que, cumu sempris, FORTI APRETÓN DE MÁS y taménFORTI ABRAZU.
y que tenhais muta soidi.
Boas tardis

B_RODAS

Brodas,gracias por acordarti dos do forti que estan mais abaixu,nun se que idilti pa agradecerti os bos ratus que das a esti foru,a millol forma sera darti un abrazu cuandu te vea.
Forti Abrazu

Sempris he pensau, qu’os manhegus son un-ha raza singular.

Hai qu’andal mutas milhas, p’ancontral un Lugal comu San Martín. ¿Acaxu, os manhegus son herederus d’un sabel ancestral,conservau enesi valhi duranti siglus?. P’algun-hos, poemus quel ben, pa otrus, nun tan ben, peru nunca indiferentis. Esa, é a opinión que tenhu do pueblu manhegu.

Soidi a tos