San Martín de Trevejo - Caceres

Deisemus por un ratu as coisas serias,vamus a falar de algu muy seriu para un mañegu,as pichorras.Siria cuestion de falar con Maximu para que a traves de a Yunta solicitara presupuestu para reabilital pichorras comu ven de interes historicu.En muitus lugares de a Rioja,Burgus,Leon etc se subvencionan esti tipu de rehabilitaciois.Falando en serio,que coisa hay mais arraiga en a cultura mañega que as pichorras,son lugaris de encontru,con a familia, os amigus,incluso para tratal asuntus mas serius.Prevendu a invasion de locais de filosofia Zen,ei reivindicu a cultura de as pichorras.Soidi a fala y as pichorras.

Me pareci que tendis toa a radón. Comu didi Cerrumicli: fora de comelsi o cocu, - mais lingotadus- . Comu os ressidentis do Lugal; o que querin é que vaya xentí. Pues que vayan: budistas, hare krishna, luteranus, calvinistas , mormós... Comu si querin volvel os templarius. Prometu,nun volvel a sacal mais o tema do turismu ni dos monxis.

-O muñu!!. A mí, nun m’han dau ná por reformal a pichorra –tampocu o cunsultí-. Bueno! -que mais da-. (Nun purissu deissu de frecuentala). He treidu un-hos cuantus garrafós de Roa (Burgus),i si poyu, o sabau me dedicaré a embotelhal. É un vinhu jovin,da coxecha (2006),pero está mui ricu i entra mui ben. Así,que cuandu cualha,nos reunimus algún qu’otru amigu; i entri tragu i tragu falamus do humanu i do divinu.

Comu a tenhu debaissu de caxa, algun-ha ve en época d’envernu, encendu o fogu i me `passu as horas contemplandu comu ardin os troncus recordandu o Lugal. I sin mais tistigus qu’o fogu i ei, levantu a copa, i brindu por aquela entranhabli adolescencia,dondi na tinha,peru era inmensamenti feliz. O proximu brindis,será poros amigus i amigas do foru i cona misma emoción.

Soidi a tos, FONTI NOVA

Amigu Fonti Nova,me imaginu que as comprau o viñu en Pedrosa de Duero,en concretu en as boigas de Viña Vilano.Se trata de un viñu a un preciu curiosu y bastanti bo.Envidia me das por tel pichorra en a tua casa.Que disfrutis con alegria.Forti abrazu

Nun e ma idea esa de que se subvencioni, por lo menus, o adecentamentu de espaciu dondi se ubica a pichora, cuandu mais antigua a casa millol, ya que aunque as que se fain en as casas novas, nun deisa de sel tan dignas como as otras, a verdai e que nun hay comparáción. Algu simbólicu, con unha obligación, de tel aberta a porta de a boiga ca ve que se vaya a ela y, ¿por que non? que culaquera que pasi por a calli, poa eital unha "liara", con os que ya estén dentru. O que nun queira istu, que se basteña de pil subvención algunha.
Envidia me das, Fontinova, de poel disfrutal, direcamente de a boiga, esis caldus de "ribera" o "Castilla León" que tan bo paladal deisan, tantu si se degustan solus como acompañaus de algu que faya subil o clesterol.
Bueno, pareci que as elecciós ha separau a mutus do Foru, millol nun tocal o tema políticu pa nun incurril en falta. ¡A reflesional y a ejercer o dereitu constitucional! Un abrazu pa tos, soidi a fala,Chitu

Amigu "o muñu":
Perdona o retraxu. Pues nun o compru en Pedrosa, sinon en Roa. Tenhu un amigu que ten vinhedus alí i o trayu da cooperativa dondi él leva as uvas.

Pedrosa i Roa están o lau, así,que poica diferencia habrá dun vinhu a otru -suponhendu qu’haya algun-ha-. Comu levu bastantis anus qu’ocompru alí; tal ve o faya ya por inercia. Por otra parti,didin os de Roa qu’o sei vinhu é o que mais ricu está.Comu o cardenal Cisneros morrei alí, antis d’empezal a bebelo,o tenin un-hos días mezclau conos hossus pa dali gustu i forza o vinhu.

-Nun te conhozu o muñu!. Si algun-ha ve aterrizas poraquí,será pa mi un placel tomal un vinhu cuntigu.

Forti abrazu, FONTI NOVA

Nun, nun e ma idea isu de fel un catalagu das pichorras y poel pil alguha subvenció y promocional de alguha folma esta "muy leal y nobli cultura das pichorras".Fel un dia "Das portas abertas de Boigas" pa que to o mundu faya un recurriu por elas y se poña "morau" de viñu y ,nun faltaría mais, das boas tapas que estaría obligau o propietariu a poñel. Logu unha comisió de expertus(en istu somus tos) determinaría que viñu foi o millol y cualis foran as milloris tapas, entreganduli con tos os honoris unha placa que recolla estis méritus pa que a expoña en a Boiga duranti esi anu.A o anu siguenti se le quita y se le da a o novu gañaol.¿ o nun e boa idea, fendu algun cambiu por supostu?.
Esti Fonti Nova nos ha seido "ben espabilau",sa aposentau en unha terra da ribera do Dueru con bo clima pa o viñedus, por algu se chama -Terra do Viñu-, en Coreses, na menus, hay unha marca que se chama "Verbu Divinu".De cosecheirus que tamen tenin a tradició de quealsi en as boigas con viñu pa correlsi boas farras con os amigus.En Benaventi hai unha calli que se chama dos viños.Si vas pa o lugal,¡boiga que te pegu! y cualdo volvis !boiga que te pegu!, me extraña que te hayas agarrau duas cogorzas solu.
Bueno, que paseis boa Semana Santa,con procesiós os que asi le gusti y con otra maneira os que nun, isu sí, con bos lingotadus de cualquel forma.
Forti abrazu.

Amigu Cerrumicli:

-In vino veritas!!

¡Gordas!.Solu essas duas. ¡Cuntiititu!,mais du-ha ve.

Forti abrazu. Que passis un-ha boa Semana Santa conos teis.

FONTI NOVA