San Martín de Trevejo - Caceres

Boas tardis:
Recordu que habíamus dexiau, a esa familia, que recurría o lugal,en a calli a Torri, detrás d´o campanariu, contemplandu a "ventán de Barara", ya le hemus siguíu a pista y veremus que han chegáu a o cruci de a calli a Palla con a calli Batuecas. Máis o menus o fideran asina:

MI VISITA A SAN MARTÍN (II)

7
Y por a calli Correira
dondi vivía don Clementi,
transita un agua corrienti
entre tozôs y escaleiras,
y entre mairas y peiras.
Se ve a calli Concepción,
pero baxian de un tirón
hasta o ponti de San Peiru,
y en a ermita d´o Cordeiru
redan con gran devoción.

8
En c´a Fori "CAZAOL"
toman un tragu de viñu,
que pa andal ben o camiñu
hai que tel forza y vigol.
Ya está apretando o calol
hay que afloxial a chaqueta,
nun hai que sel un atleta,
pero hay que tirar p´arriba
Nun era a costa excesiva:
ya chegorin a placeta.

9
Preguntan por dondi dil,
le indican a calli Os Canus,
pâ dondi ten mei hermanu
un-ha casa pâ vivil.
Chegan hasta "O Chafaril",
fonti de muta prestancia,
que ostenta con arrogancia
aquel escudu imperial,
o que ven a demostral
que tuvemus importancia.

10 restaurante

¡Buscaremus un mesón, -
pensa entoncis aquel homi -
que pâ calmalnus a fomi
poi bastal un-ha pensión;
y cuandu pin upinión
le informan de restaurantis,
que agó nun é cumu antis
pues temus en o lugal
sitius bôs dondi yantal
con precius interesantis.

11
Hai mutas coisas que vel;
volvin pâ calli "dos canus",
a casa de don Marianu
agô cunvirtía en hotel.
Inda nun van a comel,
porque querin velo tô.
Subin a costa ¡rediós!.
Alí un-ha amabli vidiña
didi que tia Claudia tiña
un-ha escuela de cagôs.

12
Ven a casa rectoral
cuandu se desvían pâ esquerda;
nun creu que naidi se perda:
esa é a casa parroquial.
Poin en a esquina admiral
a casa de Biniditu,
o pairi de nosu Chitu,
que fai anus foi arcardi.
Entoncis era de bardi
ejercer esi carguitu.

Por hoxii os dexiamus alí en a esquina aquela.
Nun sabemus si van a tirar p´abaxiu, casa d´os buticarius y de tíu Luis o Culapá, o van a siguil hacia a calli o meiu.
Se admitin sugerencias, sobre o itinerariu que sigan, ya veremus que se poi fel.
Siría interesanti que entre tôs le fidéramus a esa familia un-ha ruta, que puiría sirvil pâ otrus visitantis que nos honrin con sua presencia.
Forti abrazu.
Boas tardis
B_RODAS

P.D.
Tenhu a lixieira impresión cumu si fora a habel elecciós o coisa así, pues ya van aparecendu alabanzas y loas, de logrus y otras danzas.
Cumu ei nun acustumbru a votal (me refieru en elecciós dondi haia pulíticus), nun estoi mui enteiráu. Ya me conteréis (si queréis, claro)
Reiteru abrazu y deseus de soidi pâ tôs.

ALABANZAS LOS Y OTRAS DANZAS

Pués sí parenti, nun te confundis con tua lixieira imprensión, estamus en época electoral y as alabanzas, loas y otras danzas se exponen, y cumu ciudadana libri que soy teñu to dereitu do mundu a idel o que he vistu y palpau en os ondi dias que he estau en o lugal, y si algu de o que he ditu e mintira que me o rebatan.

Inda nun he vistu a naidi de os que entran o leén o foru que le hayan tapau a boca a os insultus tan bestiais y denunciablis que le han feitu a o Alcaldi y me consta que mais de un van a tomas viñus a sua boiga, ei nun voy a tomar viñus a boiga de o Alcaldi pero he vistu o que ha traballau y traballa por o ben de o lugal y hay que idilo senti o nun senti ben me da exactamenti o mismu sigu indindu que o que esta a vista nun necesita candil, y AMEN.


SOIDI PA TOS/AS Y PA NOSA FALA

Desde logu e unha delicia lel esta rimas por que pareci un mismu o que vay andandu por as callis do lugal, tan armoniosamenti y ben descritas. Por certu, ya que has deisau ahei,xuntu a miña casa ya, a esa familia amginaria, que esperin, por que poín felo por ser una ficción, ya que o sábau poeré invitalos, como fagu sempris que estoy en a boiga con alguin y se asona cualquera, a que pasin pa dentru por que he de trasegal y preparal o viñu pa tel reserva pa esti verán y restu do anu; tomaran unbo vipu do anu pasau y o que caya que seguru se levarán un bo recordu. En fin, que sigas cone sa imaginación y destreza pa escribir de esta maneira, s me ocurri que ago que ya ha siu a final dos carnavais en o Falla, puias habel feitu una letra con airi de chitigota, que seguru te seya de maravilla.

Ago, contestanduli a Bayle, por que me he sintiu aludiu por o que didi, teñu que idel que, me honru con contal con a amistai de Maximu, a titulu personal, y con que, en mais de unha ocasión, he siu invitau amablimenti a sua boiga, sobre to cuandu ha tiu él invitaus de certa categoría, o que me congratula mais inda, el tamén o ha siu a miña y a diu cuandu ha quiriu; pero isu nun me obliga a entral a o trapu de quen, de maneira ineduca o insultona, se manifiesta en esta foru, ei me limitu, como e feitu, a afeal conductas generalizandu y solu cuandu alguen me ha tocau directa o indirectamente e saltau. Maximu, ni a titulu personal ni como Alcaldi, necesita defensoris, por que o que insulta, sin mais, ben sin dal a cara o dándua, pero de forma inadecuá por o lugal o o momentu, se desprestigia a si mismu, por isu, como ya he ditu mutas vedis, o millol despreciu e nun fel apreciu y si alguen, en o usu de sua libertai de expresión se manifiesta como le da a gana, pechará con as consecuencias, por que tos sabemus os límitis da a tan aludia libertai de expresión. Na mais, sin acritu y por aclarar. Un saluu.Soidi pa tos y pa a fala, Chitu.

Pués sin acritud y por aclarar, Angil te contestu:

En niñun momentu he quiriu ofender a naidi de os que toman o nun toman viñus con o Alcaldi, o únicu que he ditu que nun esta demaís parar a os bocazas y poñel de manifiestu o que le honra, me pareci particucarmenti que nun se cometi niñun delitu por idel a verdais y sobre to cuandu le didin semellantis barbariais, nus vos fain danu a os uivius?, pues a mi cumu mañega si, claro está que ca un e libri de manifestarsi comu le de a gana a la ca un con sua responsabiliai.


Ya sabemus que o de os viñitus y as boigas e un ritual en o lugal de o cual ei ni he participau ni participu (en muy raras ocaxios)o que e certu que te leva a certas comnotacios de amistais y mais si te invitan con personajis tan importantis cumu tu didis, e un puntadu pa télselo enconta a o SrAlcaldi, y Angel de ben nacius e sel agradicius o non? isu me imaginu nun o faira con to mundu, veu debis ser un amigu muy especial de Maximu.

Y de que Maximu nun necesita quen o defendan estoy de acordu, en ultimu caxu estan os Tribunais de Justicia, y que a "palabras necias oidos sordos", tamén estoy de acordu contigu, pero a naidi le amarga un dulci y pensu que un puiquitu de apoyu de tos os que esten de acordu con o que ha feitu que é MUTU CON MAYUSCULAS, tampocu ven mal, esta e miña opinión y a tua poi sel distinta por certu muy respetabli pa mi.


Y Angel tan amigus cumu sempris, beixus pa ti y tua familia.

SOIDI PA TOS/AS Y PA NOSA FALA

Amiga Bayle, y por finiqutal o tema. Nun me he sintiu ofindiu, solu aludiu y por isu te contestaba en os términus que o feya, asi que por esi lau pois estal tranquila.
O he diu con a boca chea y o repitu, me preciu de contal con a a amistai de Maximu, y si tu didis que por as deferencias que ten
conmigu e que poyu sel un amigo muy especial, pues vali, asi sea, o que pasa e que Maximu persoa, he o alcaldi do lugal ademais, y fayu esta matización por que, como alcaldi le he afeau a él y , por supuestu a Corporación que presidi, aquí y personalmenti, aquilu que nun me ha pareiciu ben. To mundu sabi y o he feitu en o foru, que si ha habiu algu que he considereu mal feitu o he criticau, y to mundu coñoci aquí a miña campaña contra os macetos, campaña que inda manteñu en pé por que afean unha das coisas mais guapas que temus en o lugal

¡ A nosa plaza sin macetos ni cochis y solu pa pasal por ela ¡.

Por tantu a amistai o as deferencias, dignas de agradecel, que teñan conmigo a titulu personal, por que nunca he siu invitau por o Alcaldi a na de o Axuntamentu, entendu que nun me obligan mais que a isu, a pagal con gratitu, recoñucimentu y fideliai a o amigu. Por isu, cuandu se critican coisas de o Alcaldi, pesonalmenti me pareci mais adecuau nun removel, por que, to mudu sabi o que se ha feitu en o lugal y quen o ha feitu y o lugal da a resposta, dondi debi dala, en as urnas. Habrá quen teña queisas justificás o non, he natural, nunca se fai to ben, bueno, pues o que has teña que o diga, pero que o diga sin rozal siquera o insultu que isu hasta e sanu.

Y, a propositu de pichorras, esti verán invití por esti conductu a tos os componentes do foru que quixeran dil ,asi que si nun vas e por que nun ques o nun te enteirastis, debis sabel que sempris que a teña aberta tes via libri pa tomal o viñu que te apetezca, que te apetecerá por que he bo. Queas invitá. Soidi pa tos y soidi a fala. Chitu.