San Martín de Trevejo - Caceres

Pa tos aquelis manhegus que deisorin prontu o Lugal. Peru,aunque os anus haian pasau; siguin sintindu nostalgia d'aquelas calhis i d'aquel campu/praus...



-He siguíu os conselhus dun bo manhegu i bo amigu.

¡Gracias "FONTI NOVA"!
¡Enhoraboa! o has bordau.

Forti abrazu.

fonti nova eres un fenomenu me encanta o vidio,como tos os que pos,nos fay recordar a os que estamus en o lugal a belleza que temus,gracias sigui senpris asi,forti abrazu de tey amigu chafurdon.soidi pa fala

Hola foti nova me encantan as coxas que pos en o forun, sigui asi gracias.Asta otra.Soidi a tos os de o forun.....

Tiña escritu otro textu, me pareci que con mais sintiu y sintimentu que esti que mandu ago, provocau por o vidiu de Fotinova, y se me borró de repenti. Empezaba alabandu, y o ratificu, esta composición de Fontivona y mais o menus le idia:
Certu fontinova ¡Que nostalgia produdin estas vistas que nos ofrecis! Pero ei aproveitu pa idel tamen que teñu nostalgia de aquel Foru de fai algún tempu, que nos sirvia pa comunicarnus en a nosa fala, fendu comentarius o currigindu os que otrus feyan, con moderación, sin descalificar a naidi. He comentau algunha ve, que o foru me recordaba a aquelas tertulias que tiñamos de dagais - por lo menus os de miña epoca cincu anus arriba o abaisu- debaisu dos portais, o en la Hermita de San Peiru o, tamen, en o que nosotrus chamabamus “ o falagi” ; ali se falaba de to u poicu, certu que de na trascendenti como poemus falal aquí, pero se falaba. Pareci que o Foru nun e o que era, ago intervimus caisi tos solu cuandu se felicita o se da un pésami, cuandu o que ei pensaba era que gracias a o Foru, comunicándunus en a nosa fala, escribindua y divulgándua, tiñamos nuticias do lugal, por que as daban os que ali vivin, y tiñamus nuticias dos paisanus que andan por esis mundos dentru o fora de España, por que interviñan por o interés que suscitaban os temas que se tocaban, contrastábamos opinios y expuñiamus criterios de ca un, dialogandu, argumentandu pero na mais. Eitu de menus os poemas de Brodas y, pa que naidi se sinta marginau, os escritus de tantus otrus foristas que con suas aportacios nos enriquecían a tos, sobre o tema que fora.
Bueno, pues mais o menus istu e o que me ha provocau a creación de Fontinova y tal como o pensu o digu pa que esti foru nosu que ha siu a envidia de mutus forus, por que así o han ditu algún que otru que ha entrau de pasá, reviva, baisu mei puntu de vista. Soidi pa tos o pa a fala. Chitu.

Fonti Nova: Ei ia nun tenhu adjetivus que ponhel a esi vidiu.Fai poicu se fidu a gala da entrega dos Goyas (Cabezós), estó seguru que pol o menus tú te huberas levaus dois.
Sigui fenduli casu a esi amigu i a vel si, comu didi Chitu, volvemus a esi foru que era a envidia da comarca. Nun estó vetandu a naidi, peru en minha opinió hai escritus con descalificaciós que rozan o delitu.
Gracias a Dios estamus en unha democracia i poemus expresal librimenti nossas ideas i ca un ten a suas peru esi leguaxi que se está usando nun e propiu de un foru comu esti.
Asina o pensu i asina o digu.
Forti abrazu.

Gracias Fonti Nova,aparti que me ha gustau o vidiu me ha tocau en o centru do corazon.
Estoi contenta que por fin en esti foru,o nosu foru dos mañegus se publiqui algu que mereci a pena,que ten que vel con o que nos interexa realmenti os mañegus de verdais,sentimentu,armonia,satisfacion,orgullu y en as venas que codi a sangri cuandu ves o lugal.
Que ei sepa poicus mañegus o niñun nun sinta mais o menus estis sentimentus por o lugal y a satisfacion de pixal as callis y salual a xenti cuandu pasas por elas,respiral profundu por esis camiñus y campus que nos rodean.
San Martin,esti he o mei lugal dondi naci y dondi dire a paral.
Soidi a fala y pa tos os mañegus.
A figueira.

hola fonti nova comu sempri que pos algu en o foru maravillosu
me encanta un abrazu desde Austalia

¡Bos días a tos!.

Figueira: celebru vel, comu vas remontandu poicu a poicu o tragu. A vía, é dura, peru así é. A quin tendis que dali mutus ánimus, é a "Costal" sin duda, é o que máis o necesita.

Chitu i Cerrumicli nos didin, o que tos/as estamus pensandu respectu o foru. ¿ Dondi queó aquel foru qu’era envidia de to mundu?. Sempris he ditu: "respondel insultu con insultu, é comu laval o barru con barru". O odiu i o resintimentu, ha penetrau ena sangri d’algun-hos manhegus impínduli vel o verdadeiru sintíu das coixas. Hai un programa de radiu que didi: "a vivil que son dois días" Pues ben, noxotrus ( a maiuría dos qu’entramus aquí) ia levamus vivíu día i meiu. Nun seamus pues necius, i demusli sintíu a esi meiu día que nos quea.

Bueno!! desdi Zurich hasta Sydney, pasandu por Hispania y pora terra de Fray Juniperu Serra, agradezcu os elogius que feis do vidiu. ¿Vos digu un-ha coixa? –Soi, o que máis disfruta.
Forti abrazu.

PD. Chafurdón: o proximu vidiu que ponha,será dedicau a tí.

Preciosu vidiu y letra da canción.
A vérdáis que estoy con o que didis tu y con o sintir de tos, pero otru refrán didi "que dois nun discutin si un nun quel" y se pasa y puntu, digu ei.
Porqué nun siguil a o margin do que otrus opinin, e intentar continual con o verdadeiru sintiu do foru. De algunha maneira o estamus fendu siguindu así, aunque sea poicu a poicu.
Nun entrar en o sei jugu, naidi me poi obligar a opinar de algu si ei nun queru, ¿nun vos pareci?
O digu con o maximu respetu pa tos os que entran en o foru, caún e libri de opinal y de idil o que queira acertau o non, si nun nos gusta pues nun contestemus, bueno e a miña forma de pensal.

Soidi pa tos.

Ya era hora de ver algu que non sean descalificaciós y mas palabras.
Un expléndidu vidiu, Fonti nova.Soidi pa Fala