San Martín de Trevejo - Caceres

De algun-ha maneira m´e ha chegáu istu.
En o enlaci siguienti se poi vel o que canal extramaúra pon de o nosu lugal.
En o mismu enlaci se poi vel otrus lugaris d´a Serra de Gata.
Esperu que vos gusti

https://epuebloenpueblo.canalextremadura.es/programas/video/?id=319&channel=16&titulo=San

A propósitu de Diego de Santiago, é fácil pensal que en ninhún manual de historia, ni en nâ que se le pareza, nun poi sel citáu cumu extremeñu, porque entoncis, en aquelis anus, inda nun había decidíu naidi, que os nacíus en San Martín de Trevellu (entoncis quizá mentáu cumu San Martín d´os vinhus) eran extremenhus. Máis adiantri se acordó (me gustaría sabel quen) que eran extremenhus.
De istu habría mutu que falal (escribil).Pensemus en a flora de o lugal, en o folckori,en máis coisas, y veremus que concluiós sacamus.
Cumu sempris: forti abrazu

B_RODAS

Tes radon, Brodas, en cuantu a adscripcion de o nosu lugal a Extremaura, certu que foi tardiamenti por que fomus mais de Castilla y, como ben didis, as nosas costumbris, aunque manteñamus as propias de o nosu origin celta tamen de a repoblación astur leonesa, a antiuga Castilla La Vieja, por isu hemus estau muy vinculaus a Castilla sempris y cohabitandu con a nosa fala os nosus antepasaus han falau sempris un castellanu mais puru que o que se falaba de as Cumbris pa lá, o castuo nun tuvu arraigu niñun en o nos u lugal, ni en as Ellas ni siquera en Valverdi, que foi mais apurtuguesau. En fin, como didis, habría mutu que escribil de estu. Por certu, deisati vel mais a menú por aquí, que tuas aportacios son sempris muy interesantis. A vel si nos vemus. Soidi pa tos.Chitu.

Sempris, é agradabli vel o nosu Lugal. Tantu: en interné, televixión, prensa... Comu é natural, sólu m’he parau a vel os tres lugaris do valhi (enesti caxu as iglexias). Nun sabría, en que estilu arquitectónicu metel a nosa iglexia -creu que nun existi tal-. Según a Web oficial do aiuntamentu, se construi eno siglu dedaseti, (ena era do barrocu). A planta,nun é do barrocu; a planta da nosa iglexia, é longitudinal, i o ábsidi da cabeceira está orientá a o Adebu (Este) –característicu do románicu- Sin embargu, os arcus que dividin a navi central i que descansan enos pilaris cuadraus, é propiu do estilu arquitectónicu barrocu. To apunta: qu’a nosa iglexia, se levantó sobri as ruinas de otra ia existenti. -Tal, comu Nachu nos didi enún dos seis escritus.

A verdais: nun destacan mutu, os edificius de caracti religioxu eno valhi. Si tuvera que puntual algún, o fairía poro pórticu da iglexia das Ellas. O sei estilu: ben puiría estal enun románicu con transición o góticu. Peru, me cunfundi a columna i arquivolta do exteriol do pórticu; dondi se ve claramenti o estilu "Manuelinu" (estilu purtugués, entri o góticu i renacimentu). A maiuría de edificaciós de tipu religioxu,tardaban mutus anus en concluil, é poresa cauxa, qu’eno mismu edifíciu existan diferentis estilus reprexentaus. Tamén puiría sel, qu’o maestru constructor fora purtugues, i deisara o sei estilu reprexentau .

-Bueno!! Con o sin estilu arquitectónicu reprexentau, nun cambiu a nosa por ninhu-ha. Enela,hai lugar pa to mundu con fomi i sed espiritual, i os retablus, talhas i tablas, son
un-ha maravilla.

Forti abrazu

Aproximamenti en ho anu 1640 o1642 cuandu a gerra de independencia de Purtugal,os tres o cuatru lugaris y digu istu porque entoncis Valverdi y O Fresnu estaban separaus,foran total menti destruius escetu a torri de San Martin,por isu sigui enteira as de os otrus lugaris siguin en ruinas,pusiblimenti a igleisa de as Ellas a fideran en ho mismu sitiu,pero a de San Martin foi feita sobre as ruinas de un ha hermita que se chamaba Santa Maria de Cima Villa,que hera a parti mais alta do lugal desapariciu,se acabo en ho anu 1653,sinun me equivocu.

afontibuxu:

-Imaginaba algu así ¡¡gracias!!

Forti abrazu

Me imaginu que sabis quen soi aunque me cambi de nomi y agora mismu nun se porque aunque creu que foi simpli y llana menti por un pequenu cabreu sin importancia,istu me gusta que teñamus discursios sobre temas ,pero sempris sin ofensas personais,y as rectificacios son sempris ven vindas.y falandu de isu ,San Martin pertenecei a Salamanca, hasta perdon creu 1880 y Salamanca a Leon o de Castilla foi un arreglu.
Forti abrazu de Bani

Bani: sabía qu'eras tú. En cuantu a mi se refieri,utiliza o seudónimu que queiras. Aquí,naidi é máis que naidi, tos os que aquí escribimus, hemus bibíu da misma agua, i hemus eitau algun-ha que otra mixá enos portais da plaza.

De tua hermana Gina,sé qu'está ben porque de cuandu en cuandu entra eno foru. Sin embargu,desdi que me foi do Lugal;nun he voltu a sabel na de Pili. -Suponhu qu'estará ben!! Dali recordus cuandu a veas.

Forti abrazu

Aqui estamus tres Pili ei y miña hermana pequena ,Pili estubu en ho lugal fai un ha semana.
Un abrazu