San Martín de Trevejo - Caceres

GALEGUS Y OTRAS GAITAS

A propositu d’o que pregunta Chenchu, sobre o Proyectu de Estatutu de Galicia, y sobre a protección d’o galegu y si isu nos afecta, queru fel as siguientes consideracións:

Ei he vistu publicau n’prensa (en os periódicus ¿eh?, nun vaya algún a pensal que escribimus en o lagal dós Lopis), que o BNG (essi partíu politicu dos galegus), ha propostu que en o futuru estatutu de Galicia se incorporin a Galicia aquelis lugaris próximus que teñan algu que vel con a cultura galega.

Dipois dos escritus de Xosé Enrique Costa – profesol d’a universiai de Vigu - de fai unhos anus, que se publicorin n’o periódicu “Extremadura”, en os que idía que a Cultura nossa e de reidi galega, y de algun-hos otrus escritus máis en essi sintíu, se poi esperal que pretendan anexionalsi o nosu lugal, dexiaremus de ser extremeñus y asaremus a ser galegus.

Habrá que escribil a o alcaldi, o a tíu Ibarra, p’a que tomi cartas en o asuntu essi; ya que si non, tendremus que dil a resolvel cualquer asuntu, por pequenu que sea, a Santiagu de Compostela, o quizá a Vigu, o a Pontedeume, Cambasdos, o As pontes de García Rodrígues. Lugaris tóos muy lindus, pero : ¡Con o lonxi que cai issu!

Essi mismus galegus do B.N.G. , han declarau que a Galicia le debin os españolis un montón de millons de Eurus, y que el-lis chaman “deuda histórica”.

A propossitu de istu y en esti foru ei teñu que declaral solemnimenti o siguiente:

As poicas vedis que ei he estau en Galicia, sempris tuvi a boa costumbri de pagar tóo:

Paguí o que me cumí y o que me bibí: pimentus de Padrón, gambas, lacón con grelus, fabas, algún mariscu, os vinhus de Ribeiru. Tamén paguí en o hotel dondi estuvi. Paguí os peaxis d’as autopistas, os regalus y recordus que se compran p’a familia. Cumprí xabón an A Toxa y tamén o paguí. Cumprí un cupón a un cegu y o paguí (por certu que nun me tocó). Por tantu ei nun le debu n’á.

Pero, dánduli voltas a o asuntu me preguntu:

¿Algún de vossotrus ha dexiau p’alí algún pufu, deuda o trampa? Que o diga agora, p’a que veamus quin ha dexiau algu a debel.

A ver tóos cuantus sois: os Cancheiras, J.L.s, M. en exts., Chitus, Canas, Fontisquentis, Cerrumiclis, Fontinovas, Camiñus, Chenchus, Piratas, Poyalis, Tribuletis, Rixiletis, Indanunses, Anduriñas, Mañegas Ausentis, Lagartixas, Sacamantecas, Clavus, Martelus y demáis ferramentas, y tóos que se me ulvían, sin querer: ¿Qué vos habéis treidu de p’alí y nun o pagastis? ¡Ah lairons!. Ya o estáis idendu. Confesei as trampas, y a ver cuandu as paguéis.

No obstanti, si nun debéis n´á, tamén o idis, y ya se investigará quin é que debi tantu iñeiru. Pero aquí en esti foru nun queremos que nos chamin morossus.

A propósitu de a maneira de escribil, tamén ei soy partidariu (cumu apunta Chenchu) que dibiriamus optar por a forma galega, milhor que a purtuguessa.

Tamén siría conveniente que nos pronuciáramus sobre un escritu “Reglas, reglas, reglas”, que escribí Camiñu fai un tempu y que un pareci que le hemus dedicau comentarius, salvu un de Chitu.

BRODAS

Me pareci amigu Brodas que pa gaitas ya temus aqui bastanti.
En miña opinión que nos anexionin a Galicia,? dependi por o lau que se miri, si e por arregalar papeis nun me pareci ben, pero por a parti gastronómica quiza?, imginati, os centollus o pulpu a galega o lacon con grelus, y que me didis de o poti, o de o albariñu ya nun me vai.
De toas as formas se tendra que estudiar, ya veremus o que pasa con o Estatut, y quizas de ei se aprenda algu que nos sirva.

JL.

Isu de incorporarnus a Galicia tamen tindria sei lau positivu, (aparti de a gastronomia) si cumu didin que os españolis le debin tantu iñeiru, sendu galegus, algu nos tocaria, que pa o lugal nun le vindrian mal unhos cuantus millos, que ya habria quin os "administrara".

Y que costi que ei nun les debu nà, pur o simpli motivu que inda nun e tiu a sorti de pasearmi pur ali.

Aqui dondi estoy coñozu mutus galegus, y hasta e estau en a Caxa Galicia y mutus hasta creen que ei tamen soi galegu, asi que ei estoi pur optal a forma galega pero nun a o cen por cen , porque nosotrus tamen debemus aportal algu nosu.

UN SALUU M/E