San Martín de Trevejo - Caceres

Dispois de unha ausencia involuntaria por culpa de unha "Panne"(averia) cumu se didi pur aqui, de esti cacharru informaticu,volvu a ser furista otra ves.

Cumu ben nos defini FONTI NOVA sobri aquela "thecnolgia hidraulica ancestral", pos era do mais sincillu y practicu mecanismu, solu cun a forza da agua que queya da levà sobri a turbina bastaba pa poñel en marcha tò o procesu pa a elavoracion do adeiti, to se basaba en un xugu de poleas pa multiplical a forza y repartila pa os rulus y a bomba que era o esencial de unha prensa, me acordu que habia unha polea que se chamaba "a loca" y ésta silvia pa paral toa a prensa sin tel que desvial a agua da turbina, y tò marchaba cumu un relò... Hasta que habia unha averia.. porque as habia, i mui a menù porque toa aquela maquinaria ya se queixaba d'a vellé. A mayor parti das averias as arreglaban aquelis grandis "MAESTRUS" lagareirus que se cuñucian toas as pezas de memoria, cumu tiu Pepi en a dos buticarius, tiu Fulgenciu en a d'o Ojestu, tiu Claudiu en a d' a Caxa Menora o tiu Sixtu o Peceiru en a d'o Lagal d'os Lopis, tos grandis maestrus que miricirian un homenaji, asi cumu tos aquelis lagareirus, que con o sei suol i por turnus de noiti(durmindu en a misma prensa) i cun aquelas "elmàticas" cheas de grasa i carozu nos sacaban aquel adeiti, que era o "oiru de San Martin"
Pero cumu digu, cuandu habia unha averia que ya sobrepasaba os seis cuñucimentus,!!! A chamal a quin?!! a TIU LUIS o a TIU SINDU!! habel que solucion les daban, porque pil as pezas rotas, era pa un mes por lo menus i isu si e que existian inda, porque a prensa nun se puia paral mutus dias.Pero mais o menus sempris acavaban solucionandu o problema reparandu as pezas en a fragua o en a carpinteria remplazandu unha polea rota de ferru pur unha de maeira, i si era unha correa rota se la levaban a TIU LORENZU i nun feya falta que viñeran ingenierus "de p'a l'a" i asi funcionò aquela industria mañega duranti motus anus hasta fai "dois dias" cumu didi Fonti Nova.

Un saluu a tos os furistas i en especial a tos os que fain os anus esti mes, que son bastantis.

Soidi a fala

M/E

Homeee, benvindu mesieu.
A " grisaille " l'afectau hasta u ordenaol.
Num sabemus si a Cana la pilhau istu o esta
de resaca despois da celebración do sei cumplianus.
O certu e que ia estais aparecendu os residentis
da Ciai da lú, pos se notaba vossa ausencia.
Ni sabiamus os graus de temperatura ni a humiai
relativa parisina.

Un saluu i larga via a fala.

He estau fora i nun leu o foru desdi o vernis.

-Chonita!!. Así, que son setenta primaveras .¡Eh !. Que vivas mutus mais tan guapetona comu agora.

M/E: estoi totalmenti cuntigu eno que didis sobri homenajeal os lagareirus i os correspondientis maestrus. Son mutus grandis i bos manhegus d’aquela época que dibirían sel recordaus; que milhol maneira,qu’enún solu actu, le fideramus un homenaji en gratitud a tó, o que fideran i trabalhorin poro Lugal i por noxotrus.

Creu, que somus bastanti comodós e ingratus cono nossus mayoris.Hai que passal das palabra os féitus. ¿Es qué ná le debemus?. ¿ Tan poicu fideran, que ni tan siquera tenin dereitu a que un día os honremus?. Por minha parti,estaría encantau en desplazarmi hasto Lugal pa un actu así.

Alguin me dissu un-ha ve: si nos ulviamus dos nossus mayoris, nun nos que ná.-Foi un bo manhegu ya falhicíu.

Soidi a tos, FONTI NOVA