San Martín de Trevejo - Caceres

ROMANCI A O FORU

En A Mancha m’encontraba
- antis Castilla La Nueva -
véspuras San Martín
p’a celebral unha festa.
Había xenti d’o lugal
- mañegus hay dondiquera - ,
miña prima me indicó
qu’en o Foru me metera.

Unhas vedis por traballu
otras vedis por pereda
se me passaban os días
sin que p’o foru viñera.
Foro-ciudad punto com
me había ditu que puxera
y ei, obidienti que soy
o puxi con boa letra.

Poemus fel un recurríu
por sitius da nosa terra
y me vais a permitil
que a esi paseu me refiera.

“Camiñu” d ”O Forti” vi
en “O Tapau” unha “Figueira”
me dó un dagal, sin querel,
con a “Fincacha” n’a pelna.
Estuvi dandu unha volta
desde “O Serrubiu” a “Cancheira”
passi por a “Fontinova”
mirandu a “Xalima” eterna.

“As mallás” y “fontisquentis”
poicu sabemos de elas
ya fai tempu que nun venin
ni d’o foru se interesan.
A “Sirrita” nun he díu
desde que con miña agüela
matamos un “garzañoti”
con a “baila” pequena

Y p’a dilnus a “O Conventu”
“O Comendaol” espera.
diremus a o “Pozu Viga”
a vel cuanta agua leva.
subiremus a “Pastora”
por “camiñus” y vereas
y si nun tes mutu cuau
t’agarra “o sacamantecas”.

Me voy con “Chenchu” a “Poyalis”
Por a carreteira vella
“Jota Ele” desde a Fragua
nos da boas referencias.
A o “chitu” con petacós
Se puía xugal entre as peiras
o “mañegu en o extrangeiru”
didi que alí nun se leva.

“Anduriña “ anda “pirdía"
en un “regatu” - ¿regueira? -
y arriba en o “campanariu”
un “cerrumicli” acecha
a ver si caza un “pardal”
aunque poica fomi teña,
“zaparrostrus”, “lagartixas”
y otras avis volandeiras

“Tribuleti” investigando
¡Que poicas coissas acerta!
“indanunse” quizá teña
“rixiletis” n’a taberna.

En esti foru mañegu
veu que se admiti a cualquera
sempris que con boas radós
y con bo respetu veña.
Aquí se poi debatil
y discrepal a conciencia
¡as coissas se poin idil
de muy distintas maneiras!.

Si d’alguén me hubera ulviau
de cital en o poema
poi acabalo Cancheira
porque esi é un bo poeta.

Foi Gonzalo de Berceu
o que fidu aquelas letras
con as que queru acabal
y dexal de dar a pelma.

Acabo de facer un poema en román paladino
Que merece, bien lo creo, un vaso de bon vino.

Esti romanci o fidi fai unhos días y agora o he completau. Nun quiría colgalo en o Foru hasta máis cerca de Naviáis, y que me valera p’a felicitalbus as Festas; pero si se incorpora algún novu furista, o tendría que metel en as rimas, tendría que fel novas cuartetas e isu me levaría mutu tempu.
Tempus fugit, ópera manent. Por lo tanto “CARPE DIEM”
(Estis latinajus dedicaus a o “sacamantecas”)

Un abrazu p'a toos. BRODAS

Me parecici que voy a sel o primeiru en felicitalti por ésti romonci que le has feitu a ó foru.!E genial, de verdais¡ Lástima que ó tempu se me escapi, me teñu que dil, ya veu que tamén eris do gremiu "Docenti"....Ya estás dandu mutas pistas y o Tribuleti te vai a cazal. Logu sigu.. un abrazu.

P.D. Voy a aproveital o tempu que fugit. A Isla e de Leon, ¿verdai Fernandu?. O restu so dexu pa Tribuleti, pavel si le dan o Pulitzer esi.

Me alegra leerti de novu "M.M"
Tes radÓn: o Romanci é bo.

bos días
chenchu

¿Foi esi Berceu o que dixu que un día
dindu camiñandu se durmi en un prau?
¿Nun siría que diba, tal vez alumbrau
y pur isu le seyan aquelas puisías?

¿Cuál siría o viñu que bibía Berceu
que le provocaba tamaña modorra?
¡Si hubera bibíu viñu de pachorra
Nun hubera feitu esis versus tan feus!

Bueno BRODAS.TE SIGU IDINDU "!!FAI VERSUS PERO NUN.. ODAS!!,Pero ago en otru sintiu.M´as quitau o títulu y o primeiru que he feitu e piili a miña mullel mais laurel....pa felti a ti otra coroa porque si te doy a miña, ya está seca.
Teñu que idilti que en parti m´as roibau a idea porque, ei, pensaba fel un poema falandu de tos os rincós da nossa geografía con ésis nomis,que,en definitiva,han siu adoptaus por os diferentis furistas que se han díu inorporandu a o Foru.Tu has perfeccionau a idea y has reculliu tos os seudónimus con arti,ritmu,memoria,cadencia,sintíu,y musicaliai.A poesía e música y tu has consiguiu algu que debi queal escritu en os anais nun sólu de ésti foru,sinon en os da historia poética de San Martín.Sigui así y relévami en ésta luta poética por sacal a relucil toas as bellezas que encerra San Martín,que son mutas y somus poicus poetas pa contalas.Un abrazu de Cancheira

Ten en conta que era de San MIllán de la "Cogorza"

¿Quin era Berceu?

En un principiu tuvi a idea de adaptar unhos versus que ví en unha boiga de otru lugar.
Aquelis versus, unha vé adaptaus, didin así:

“Para no perder el conocimiento
vete al vino con tiento
pero si el vino es de San Martín
perderás el tiento un poquitín”

Peru é prifiríu inventar essis de máis abaixu, que con a misma rima que tú has postu didin:

Efectivamenti foi essi Gonzalu
peru nunca dixu que s´había dulmíu,
se paró en un prau, sin estal bibíu
tampoicu nos dixu si diba a cabalu.

Pensamus que o viñu d’a Rioja fora
pues o tal Gonzalu p’alí se encontraba.
Era homi de fe, y a Virgin redaba
y escribí “Os milagrus de Nossa Señora?

Essi tal Gonzalu creu que era un boo homi,
o primer poeta en lengua castellana
fidu aquelis versus porque le dó a gana
y tú, cuandu escribas, nun te ulvís o nomi.

Con os milloris desseus.

BRODAS.

Te felicitu BRODAS, te has portau cumu un maestru."CHAPEAU" , asi saluamus paqui a os "artistas ".Pa habel chegau tardi a o foru, ben prontu nos as catalogau a tos , se ve que has liu ben to desde un pricipio.

Un abrazu.

!!!QUE MARAVILLA!!!MUTAS GRACIAS, BRODAS,POR ESA AMABILIAI Y ESA SIMPATIA TUA
!!!!!FELICITACIOS!!!! Y QUE SIGAS.....
UN ABRAZU
ANDURIÑA

BRODAS:
Ya veu que te has lanzau a versifical con gracia, con ritmu y con rima. Ya he ditu que a mí nun se me da isu da puisia, quizá purque le teñu mutu respetu y admiru a cualquera que sea capá de fel o que fais tú y CANCHEIRA; me ha gustau mutu esi recurríu que has feitu pur o lugal con os pseudónimus do foru, ¡muy bó! Un abrazo desde o lugal.

Ben, ben, Ben, pero que muy ben está istu.Esti foru rezuma cultura por tos os laus. Un que nun ten vea poética, si sabi admirar a qui e capá, nun de fel rimal unhas frasis, sinon de fel unha composición poética, que isu he o que feis os que escribis esis versus cheus de gracia, inteligencia y sintimentu.Amigu Brodas, como didi "Mañegu".... Chapeau ( inda me acordu algu do frances de bachiller). Agora, comu didi esa compañeira de foru, está ben que alabemus y admiremus a quin, demostrandu cultura, muta cultura, escribi y opina, pero tamén nos debi interesal o lugal y o pasau, o nosu pasau, que ya o temus por que varius de nosotrus, hemus cruzau o ecuador do siglu.Nos gusta recordal auquelis partius en la carreteira, aquelis yugus das espás y "manos en alto" en as cancheiras o en a plaza, aquel monton de tardis que pasabamus en "falangi" ¡Boa idea Liberatu! Ya ves como se te recoñoci a tua labor y dedicación y a de Eusebiu,ei tamén fidi o que puia. En esa época a juventú tiña, quizás menus inquietudes que agó, pero tamen menus violencia, mais templanza y obediencia, nun fomus milloris ni pioris, fomus distintus, y esa juventu ha siu a que, cuando ha siu necesariu, ha sabiu afrontal os cambius hacia unha socieai democrática y mais justa, que España a tiu, pa millol, según miña opinión.

Me sumu a cualquel coisa que se faya en ben do lugal y tamen en recoñucimentu de esis dois hermanus que,aunque mutas vedis os hayams criticau, a verdai e que dedicorin, sin interés, mutu tempu pa juventu y niñez de fai mais de trenta anus. Gracias y Un abrzu pa tos. Chitu ( me retiru nun vayan a zumbalmi con un petacón que he de plomu.)

Mi mais sincera felicitación¡¡ BRODAS!!.Has feitu,un bo paseu.
Soidi......

Genial esti romanci do foru!!!
Estamus tós, hasta a lagartixa que agora en invernu anda escundía.

¡Hola! Somos alumnos de un instituto de BAdajoz y estamos investigando sobre "a fala". Encantados de leer esto.

Buenos días!! He aquí unas chicas del instituto Zurbarán de Extremadura. Estamos estudiando el fala, un saludo y un gran abrazo a todos aquellos hablantes de dicha lengua.

ola sy una estudiante de la provincia de badajoz y estamos estudiando esta lengua. me parece muy interesante saludos

Gracias, muchas gracias por interesaros por a FALA
alumnas del INEM "Zurbarán" de Badajoz.
¡ Bienvenidos/as al Foro!
Y muy agradecido a vuestro profesor de Lengua y Literatura, sin duda
un gran pedagogo, que se interesa por la REALIDAD cultural de Extremadura.

Saludos cordiales.

bos días
chenchu.

Queridos estudiantes: Cuando no lee en la prensa noticias sobre records de “botellonas” y acontecimientos semejantes en los que, tristemente, algunos colectivos de estudiantes son protagonistas, la desilusión se apodera del lector y teme por el futuro de la generación que nos va a sustituir. Cuando uno se topa con un grupo jóvenes entusiastas de su formación, sin que esto sea caer en tópicos ni adulaciones inútiles, uno, además de alegrarse y tener fé en el futuro, siente una enorme satisfacción de que, además, el interés por la cultura y por el alimento intelectual de conocimientos varios tenga cono uno de sus nutrientes “ a fala “ o sea el idioma, la forma de hablar, con el que este que os escribe y felicita, aprendió sus primeras palabras. Seguid investigando y procurad conocer la zona donde nacio y vive “ a fala “ que no osdefraudará, seguro que sereis muy bien recibidos y se ostatenderá magníficamente por que las gentes de aquella comerca son muy hospitalarias. Enhorabuena a vosotros y a vestos profesores que promueven este interes porlo nuestro, Un forti abrazu a tos. Soidi. Chitu.

benvindas, dagalitas do institutu zurbarán i mi mais sincera enhorabuena a quen vos esté insinandu as riquedas da nossa fala.

i benvindus tamén aos dagalitus do institutu zurbarán, que nun me había dao conta.istu da tecla @ pa o masculinu i o fimininu nun poi usalsi en mañegu.

Ana dali a tei pairi un abrazu de de miña parti, ya que me enteiru que ha feitu os anus,y que siga cumplindu mutus mais y nos sigamus vendu.






Soidi pa tos y pa fala.