San Martín de Trevejo - Caceres

quetal andeis tos mañegus y mañegas esta hodia paestar en casa en ho braseiru ho en apeira de ofogu comu antiguamenti con afamilia o con os vidiñus que pena aver pirdiu estas custumbris. comu hemus cambiau ha yenti un abrazu pa tos os do foru

chafurdón, teis muta razón, ixu queda pa u recuerdu

un abrazu pa'tós

Bueno dependi, por que en caxa de miña mairi inda se a siguiu fendu fogu y correl cuandu un se levantaba do lau do fogu pa quitali o sitiu y o pucheiru o lau, y a verdais que as pibitas,almodu,o allu etc,que ricus,ni gas ni microceramica ni na,comu en o fogu na y ey copiandu de ela que hasta que nun he cunsiguiu o pucheiru nun pari,poicas vedis boy en o envernu o lugal pero cuandu boy a miña chimenea nun se enfria y apagu a calefacion do salon y que agustitu y pensu siguil comu miña mairi puñendu o pucheiru o lau,hay coixas que por muta moderniai que veña comu o pucheiru en o fogu na de na.
Bos boy a puñel os dentis largus con istu ,pero he bo que o recordemus que quizas as prosimas jeneracios ni os probaran pero mutus de noxotrus nun se nos ilviara.
Que vos aprobeiti y soidi a fala.
A figueira.

Borrado por Foro-ciudad.com

Asal um cachu carni se le idia asal um enterru.
O de probal as noras num o sabia,sempris s'aprendi algu novu.
Forti abrazu.

"que era cuando se idian as noras que fideran elas a proba
pa probalas"

As noras (nueras) se encargaban de fer as probas.
Logu as tal "noras"nun é proba alguha de murcela.

Esperu "alacran" que mo aclaris.

bos días.

Boas noitis Chafurdón i ben vindu a esti tei foru.
Carrunchela me dixu esta tardi en Zumárraga que habia chuviu eno
Lugal,de ahei o friu que comentas,mais si ha seidu ventu do norti.
Pol aqui aiel noiti descargó um'a forti tormenta,peru hoixi fidu
mutu bichornu,hemus tiu um'a temperatura mui alta pa esta época do anu.
Num t'arrimis mutu ao lumi que logun te sain cabras enas pernas.
Forti abrazu.

Bos dias, por idel algu por que aqui ago chovi como sin nunca o uvera feitu, nos ha desgraciau o ponti pa dil a playa; otra ve será. Ben vindu Chafurdon, ei tampoco cuñucia o nomi y e bo sacal a reludil coisas en desusu pa que nun se ulvin. Ya nos vamus fendu mayoris, que nun vellus, y por isu eitamus de menus tantu os entirritus que didi NACHITU, en as mismas brasas do fogu, como os allus en o fogu de leña de Figueira por que o de a proba que comenta Alacran inda se fai aunque nun sea en a peira do fogu y sin matanza, nun e mismu pero vali. Esi chup chup de o almodu duranti toa mañan,que inchia de un suculentu aroma a casa enteira y chagaba hasta a calli, daba como resultau una sopa que se cortaba y unhos garbanzus blanditus ¡Que saboris !.As novas generacios, digu de treinta anus pa tras ¿eh?, nun son capacis de saboreal aquel cachitu de magru de cuchinu criau en casa, millol que o ibericu puru, que hasta daba pena matalo, rebozau en as brasas y con un puñau de sal, y aquelas sietas, ¡ viva o colesterol ! con un tragu da bota, ¿que te pareci NACHITU? .Ago que se acerca o invelnu e cuandu venin tosas estas lindezas gastronómicas. Asi que, a fel a digestión, que to isu, menos o allu, e cumia pesá. Soidi pa disfrutal y pa a fala.Un saluu.Chitu.

Que verdai didis Chitu,aquel cuchinitu que se mataba grandi,feitu ia
um marranu,tantu carinhu la habiamus agarrau qu'o cumiamus poicu a
puicu i nos duraba tô anu,que pena nos daba comelu.
Se me fai a boca agua,as xetas,a balbá,a marrana,tô,cumu idia aquel,
desdi o fudicu hasta o rabu to e cumistibri,o aquel otru que idia que
do cuchinu le gustaba hasta o andal mariquita que ten.
Lindu cuchinu,néctar de dioxis,pairi nosu,que num nos falti hoixi.
Chitu,cuandu tua tia Maria quito a cudinha de ferru fundiu me quii cum
ela,num veas cumu sain os almodus feitus sin presa ninhum'a,caicuandu
le controlas o agua sin que te roibi o tempu,esis almodis de pibitas
fendu plof,polf,despertan us sintius,o tema e adecuau polque o dia esta
pa isu,num solu de chocotati vivi u homi.
Esta manhan e diu a fel um'a visita comercial en plan relaxau i cumu num habian chegau,me foi a o lau que hai um'a tasca cumu as de antis
i he cumiu um'a talhá de bacalau rebozau cum um'os pimentos dos que
asabamus en casa que tenhu o regustu pa toa manhán,istu ha siu enas
seti calhis bilbainas o que se conhoci tamén cumu o cascu velhu.
Ia sabis,a falta de cuchinu,bacalau riau riau.
Forti abrazu pa tos i muta soidi.

¡¡Vamus a vel !! Os que nun cunhucíais o Chafurdón, i tampocu vos soaba o nomi. É, que poica vedis pasastis da Caxa Menora pa baisu.

Andaría ei poros novi anus:

A vedis, toa adiituna que s’apanhaba eno día nun se puía leval a prensa i queaba enún montón; logu, con máis tempu, os carrus poicu a poicu a diban levandu. Normalmenti: adiituna de toa esa zona se levaba po Lagal de Penha.

Era eno Chafurdón, dondi o Buticariu a queaba amontoná. Comu sempris ha habíu espabilaus, pora noiti, había que guardala porque sinón s’alevaban.

¡Pues, ben! era Tíu Máximu o Canu o que s’encargaba de felo. Recordu que s’eitaba o hombru un-ha velha escopeta dun solu canu – agora siría de colección- i a durmil o Chafurdón.

Ei, me murría de ganas por pasal un-ha noiti c’onél :

-¡Tíu Máximo,cuandu me leveis con vos a pasal a noiti! –l’eidía-

-¡Cuandu tua mairi te deisi! – respundía sempris-

Claru está, qu’a basi d’insistil cunvincí a minha mairi, pa que me deisara. Creu: que foi un-ha das noitis máis entranhablis que pasí aquel invernu. Fidemus fogu: i tíu Máximu puixu o alhu . -Aquel alhu: estaba de meu! . -Esta noiti,tú serás o guarda –me diisu-. Me culguí a escopeta i me dí un-volta arreol do montón d’adiituna sintindumi o personaji máis importanti baisu o ceu manhegu.

¡Gracias,Tíu Máximu! Por aquela noiti tan entranhabli.

Soidi a tos

PD. Benvindu o foru Chafurdón!!

Fonti Nova me ha gustau mutu o que contas de mei aguelu,a verdais que hera un homi muy cariñoxu y muy bo aguelu.
Falandu tantu de os pucheirus se me antollo fel un de pibitas con churizu, pata y morrus de cuchinu,pero claro sin fogu y conformalmi con a placa electrica, y se pareci pero o sabor canbia,valla que si canbia!
Y comu didi Chitu,y viva o coresterol! un bo paseu y lla se queima.
Que paseis un bo ponti y fin de semana y mañan pucheiru do que sea.
Soidi a fala.
A figueira.