San Martín de Trevejo - Caceres

COISAS VARIAS

Estis días d´o verán
trascurrin de forma lenta:
poicas coisas se me ocurrin
a o levantalmi de sesta.
Pero agó fai un-hos días
qu´en o Foru me dixieran
que dedicara un-has rimas
pâ celebrar un-ha festa.
Y dispois de que fais un-has,
te sain otras cumu quera;

y cuandu lees esti foru
sempris con alguén tropezas:
con Nachitu, con Cachina,
con Fontinova o Alfena,
con Chitu que nos escribi
desde o balcón de sua güela,
y que nos ven a contal
que fai calor dondi quera;
ei ben creu que s´acorda
que en Sierpes o en Macarena
fai un calol de collós
y tôo demáis son quimeras.

Y otru manhegu de pro
y que en o foru coopera,
que nos conta mutas coisas:
esi que chaman Chalrieira
que cumu tal se comporta
sin estruendu ni estridencias.

A Nachitu, ya nombráu
crunista de coisas velhas.
Y a os que están en o lugal
y que alegris o celebran,
que nun nos den tantas figas,
¡a ver si as coisas voltean!.

A o Saltu y a sua dagala
porque a vedis nos enteiran
con as coisas que sucedin
en nosa quiría terra.
Y a Fontinova que está
agô con dolor y pena;
desde terras andaluzas
se te valora y aprecia.

Cerrumicli en as Islas
vai, se decidi y se opera;
le deseu curación
y curta convalecencia.
Ei nun conhozu a Cachina,
que ten casa de ascendencia;
y a Taita tamén saluamus
y a Macama sea quin sea.
Saluámus a Ricardu
que novu a esti foru chega;
aunque escribi en castellanu
queru creel que nos entenda.

Mais estas rimas pretendin
dar un toqui de concencia;
a tôs os que algun-ha vé
en esti foru estuveran
Queru chamal a atención
a algun-hos que o Foru dexian
por estar de vacaciós
o quizá porque nun queiran.

O Mañegu en o extranxeiru
a Bayle: miña parenta;
y a Cana: o dagal de Gil,
a quin de menus se eita.
A Xálima que fai un tempu
ben poicu se manifesta.
A mei amigu O Camiñu,
que ya prolonga sua ausencia.

A Chenchu, que con o “verbu”
sempris “fala” y argumenta,
¿Y qué idel de Jota Ele,
que se “caló” fai cen fechas?
¡Mais le valera contalnus,
algu que pur ei suceda!.

¿Que s´a feitu do Tapau
de Fincacha o de Figueira?
¿Do Serrubiu, das Mallás
de Poyalis, y otras herbas?
¿Qué pasó con Rixileti
con o Muñu con Regueira
y de tantus que escribían
y que “desapareceran”?
Y Salgueiral fendu afotus,
nun pensis que atrás se quea
ben contentu que me puixi
cuandu me entirí quin era.
A Indanunse le agradezu
as afotus que presenta.
O Parral nun nos escribi
con esa prosa estupenda;
Pirata nun didi nâ,
tamén s´a caláu a Cepa.

Pero a tôs que algun-ha vé
en esti foru estuveran,
y que agora nun asoman
debin volvel a palestra.

As aguas fo foru, a vedis,
van baxiandu y escorregan
d´un-ha maneira distinta,
d´a que tú mismu quisieras.

Aquí de poi debatil,
sin pausa pero sin presa,
de si os ángilis de Ceu
eran machus o eran fembras;
mais hai que poñel radôs
y respetal a quin pensa
de forma distinta a tí
y de distinta maneira.

Que tenháis un bô verán, y que a volta a o trabalhu vos sea levi.
Boas tardis

B_RODAS (agostu 0

Admiro a la gente que tiene tanta facilicidad para rimar tan bien como tu lo haces.Gracias por la parte que me toca siempre es de agradecer que te nombren en una poesia.¿Cuando te veremos por el pueblo?,me da la sensacion que te prodigas poco,o quizas lo haces en fechas en las que no coincidimos.Un saludo para todos los foristas que no vea en el pueblo,porque al resto si Dios quiere, mañana por la noche y en los sucesivos nueve dias los vere.

Pareci que se sai do letargu en o que estaba sumío o foru. A vel sin con a chamá que fai Brodas ( creu que nun te a queau nihun en o tinteiru, en to casu algún dos pioneirus) se anima mais.
Comu didi Mañega ausenti, e gratu sel nombrau en tuas puesías.
A Ricardu, ven vindo de novu ( aqui nun hay que poñel a traballal a TRI)
Muño, gracias por teis deseus.
Y animu, que istu se está quentandu y nu e por os caloris de agostu.
Pa to o foru........
Forti abrazu.

Hace un tiempo se podía entrar en el Foro sin estar inscrito, pero un dia quise valorar un foto y no me lo permitió, había que inscribirse en él, no se porque motivos, seguro que sería mi ignorancia y no acertaba con lo que me pedía.
Ahora que me encuentro de vacaciones lo he intentado de nuevo y el formato ha cambiado y con la mayor sencillez me he podido inscribir y he sentido la sensación de encontrarme más cerca de omei lugar. Gracias por tus deseos.
Un forti abrazu.

Si,le puéramus dal a esti foru un-ha valoración comu se fai conos vinhus.Está claru, qu’estaría eno mais altu do podium, comu un "GRAN RESERVA" i con mais medallas, das que se poyan dal enas Olimpiás de China.

Me quitu o sombreiru, deyantri de tos estis manhegus i manhegas qu’etán repartíus o largu i anchu da geografía Española, comu fora d’ela. A gran caliai, tantu humana, comu cultural que vos acompaña,é p’astal mui orgulhoxu, i prexumil deyantri de cualquera de paisanus así.

Forti abrazu a tos, FONTI NOVA

Muy lindu por tua parti brodas, se vé que tes imaginacion, aunque nun participara en o foru , he que ultimamenti nun he tiu mutu tempu, pero ya estoy de vacacios y si dios quel a proxima semana en cuantu arregli algunhas coisas que teñu pendientis estaré en o lugar.Un avisu pa tos os que me escutaban en ha radiu,ya he deisaua por falta de tempu, entre otras coisas y a poica participacion de tos os que querin defender a fala, a mi me paricia unha boa idea a de Alfena o poer promocionala a traves de esa emisora y me sintia muy ben cuandu entraban Toya Angil, Macama y comu non, tamen nachitu falanduli a tos en mañegu. pero a poica participacion me desanimó asi que agora vacacios indefinias en esta emisora.Bueno, deseali a tos os que estan en o lugar que se o esten pasandu de maravilla y a os que nun esten, anímu que ya tendran ocasion.Un abrazu pa to o foru desde Betxi......a cepa

Bos dias a tos os furistas:
Primeiramenti dal o pésami a os familiaris de este mañegu que ha mortu en Baracaldu, lonxi de sua terra. Seguro que alí dondi esté nos fairá mais de una visita a os que tratamus de mantel a fala aportando o nosu granitu de area.
Mutas gracias porque consideru que e un honor sel postu en a lista dos que querin fel algu por a nosa terra. Sí, se lo digu a Brodas. Boa rima compañeiru.
Agradecel a Cepa que haya intentau de una maneira original y a ve tan innovaora a promoción da nosa Fala. Quizá por varius factoris que se han diu sumandu nun ha prosperau pero, bueno , poi sel que istu de pistas a os que mantenin a antorcha de a concejalia municipal de Cultura,pa que se les encenda algunas ideas que poin sel picu costoxas pero as cualis se le poin sacal bo rendimendu en a promoción da Fala.
Soidi pa tos y paFala por supostu.
Aproveitei as vacaciós pa descansal que hay que volvel con as pilas cargas a topi pa siguil mantendu este precioxu vínculu de amistai con un denominaol común nun menus lindu: a Fala

Estimau amigu Brodas:
Queru recordal, que con a poesia que escribistis aquí en o "Foru", con motivu de o dia de a Crú Bindita de o presenti anu, te dí a enhorabuena y matrícula de honor pool ela, y ademaís te pii que siguiras escribindu alguna mais.
Me veu doblimenti confortau; primeiru porque e muy bonita y contas coisas preciosas y segundu porque me dedicas un parrafu sobre o que escribu ei en esti foru; pool isu te doi as gracias y que nos sigas deleitandu con a tua sabiduria.
Unha pregunta: Aunque han pasau mutus anus, ei creu recordal que tú tamen divas a Escuela de D. Ciprianu, cuandu liias o tema escritu de o tei Cuadernu ¿E certu?.
Un forti abrazu Brodas.
Soidi a Fala, Mañegas y Mañegus.
Chalrrieira.

Efectivamenti:
Estuvi n´a escuela de Don Ciprianu, duranti os anus de insinanza Primaria.
Estoi mui orgullosu de habel síu sei alumnu, y máis, con as experiencias que agora tenhu, dispois de habel dedicáu, caixi cuarenta dos meis anus a docencia.
Nun sé ben por qué radón estaba n´a escuela con Don Ciprianu, cuandu, por a ubicación d`o domiciliu de mais pairis (do roiu pâ esquerda), me hubera tocau dil a otra escuela.
Tal vé fora porque meis pairis, viviran, con anterioriai en a praceta, detrás d´a iglesia. Dondi agora está a tabelna de Eusebiu.
Que paséis un bô día.
B_RODAS

P.S.
¿Algún bô homi, o boa mulhel, puiría ponhel en o Foru, algu d´o programa de festas de agora en Agostu?
Así, os que estamus fora y nun poemus dil a o lugal por estas fechas, estararíamus, al menus virtualmenti, máis cerca.

Estimau amigu Brodas:
Dispois de pasal tantus anus, tiña un vagu recordu de que dibas a Escuela de D. Cipriano, pol a sencilla radón, de que recordaba verti leel o "tema" de o tei cuadernu. Aunque tiña duda pool isu de vivil en a otra parti de o arroyu. Tamen recordu que diba a esta Escuela, Ángel, tei vidiñu, que o Pairi traballaba en Telégrafus y a Mairi era a Telefonista.
Me alegra que hayas estau 42 anus en a enseñanza; ten por certu que habrás desau boos recordus en teis alumnus.
Me fai recordal que as estau mutus anus en o Portu de Santa Maria. Quizás coincidimus varius anus pool esas terras, ya que ei estuvi en San Fernando y Rota, pool os anus 1962-1971.
PD. Reinvindicu e igual que Brodas, o programa de "Festas" paa esti anu de o Lugal.
Soidi a Fala, Mañegas y Mañegus.
Chalrrieira.

Esta noiti, actúa, según se poi leel en o siguiente enlaci

https://ww.elperiodicoextremadura.com/noticias/noticia.asp?pkid=391146

o grupo floclóricu cacereñu MANSABORÁ.
Creu que habrá otras coisas máis, que nun conhocemus.
Pâ cunhucimentu diré que esi é o mismu grupo musical que actuó en a convivencia que tuveran xóvinis cristianus d´a diócesis en o lugal, alá por a primaveira pasá, y da que nos informó suficientimenti, tantu de forma literaria cumu gráfica, nosu bô amigu y contertuliu O Saltu.
Algu é algu,deisu nos hemus enteiráu.
Si a concejalía de Cultura (o similar) nos quel eidel algu, aunque nun semus, a maiuría de esti foru, votantis en o lugal, se lo agradeciríamus.
BOAS TARDIS
B_RODAS

Hola primu,recorrendu un poicu o forun e vistu que tamen o miras y participas,y de ve en cuandu tes que escribil unhas letras en mañegu.
Desde la capital de la LUZ,besos para toda la familia.
Soi tei primu Pacu o fillu de tiu Gil y tia Andrea.
Soidi pa o forum y pa tos,y o lunis toa genti a traballal,que hei ya levu unha semana.