San Martín de Trevejo - Caceres

Se ha diu (D.E.P) un aragonés, político, cantautor y poeta, me saltán as lágrimas hoixi en as nuticias, as suas canciós me han emocionau sempri. Nos ha deisai un huecu que nun se poi henchel.

Hasta sempri, José Antoniu Labordeta.

Saluus a toos os furistas, y aúpa a fala.


Uliveira

Gracias a Labordeta hemus cuñuciu un poicu mais a España cuandu diba por esis camiñus de Dios con a muchila a o hombru.Descansi en pá.
Soidi a Fala.

Si, "Un país en la mochila" da TVE era un programa instructivu y amenu, nos mostraba Labordeta a cara mais descuñucía de esti país.
En unha festa popular en L'Hospitalet de Llobregat, 1976, escuti por primeira vez "Canto a la libertad", que logro emocianarmi.A suas
canciós cheiran a terra,amargas, duras, emotivas igual que as de Ovidi
Montllor, Mustaki, Paco Ibañez, homis coherentis que nun se han ulviau
dos seis principios.

Transcribu a siguienti anécdota que o cantanti Sisa narra:

Duranti a dictadura por os anus 60 un pocilia da Brigada Social
estaba encargau de siguilo constantimenti pues sospechaban que
era de ezquerdas. Labordeta se do conta que sempris se encontraba
con o mismu tipu en o bar, en o quioscu, en o cini...O pulicia
se lo negó cuando se lo preguntó, pero a o final acabó recoñocendo.
Labordeta logró convencerli de que siría millor dir yuntus a toos
os sitius porque de esta maneira se daria conta de que levaba unha
via normal. Se fideran amigus.
He aqui unha muestra da sua humanai.

JOSE ANTONIO LABORDETA (D.E.P)

bos días.

Cuandu le fain mutus omenajis a umha persoa esta mortu o le quea poicu pa cascala , a Labordeta isu lea pasau porque levava mutus dias juiu y naidi se acordaba de EL hasta o otru dia que le fideran un omenagi, y le dixi a miña mullel esti prontu cai y mira ni unha semana.
Cuandu falaba de Gimenez Losantos que foi sei alumnu idia que comu estudianti naidi o superaba pero comu politicu nun o puia vel.
LABORDERA D.E.P. UN ARAGONES QUE QUIRIA MUTU A ESPAÑA.

Se mereci esti pequenu homenaji que le feimus en o Foru os que escribimus de él, coñocenduo de cerca o non. Como didi Chenchu a coherencia foi unha das grandis virtudis de esti homi, ni se le subí a fama ni a categoria de Diputau y foi coherenti, e unha pena que haya quen solu vaya a recordalo, finalmenti, por aquela famosa intervención en o Parlamentu, en a que mando a algun a mer.... pero tamen formó parti de Comisios y, segun contan, traballandu pa mantel suas ideas de libertai y justicia. Descansi en pa esti bo homi. Soidi pa tos y pa a fala. Chitu.