San Martín de Trevejo - Caceres

Esta prensa era de tiu Pitrunilu " O Salu "

Si se le quita o husillu: ben puiríamus idil,que é un carru de transporti ("peza arqueológica").- Perfectamenti, ocuparía un lugar en cualquel musseu d’antigüeais.

Esti tipu de “roa maciza”, é propia da técnica empleá eno primer mileniu a.C. Hasta afirmaría,qu’algun-ha d’aquelas culturas as feyan mais perfectas.

Pero o mais singular destis nossus carrus "PRENSAS" é, que eran tiraus por os homis con cordas. Mientras qu’entoncis,os muvian os animais.

Soidi a tos, FONTI NOVA

PD.-Quen didi,qu'os manhegus nun somus especiais en to?

Nun creu que seamus especiais, FONTI NOVA, que ei sepa nun inventamus
a roa ni a prensa do viñu.Que hayan existiau y existan genti singular, claro que SI, cumu en toos os pueblus.
Esa fotu da prensa desmontá a toos nos trai recordus, cumu as cancios que cantábamus, os yugus en a calli, os cheiroris, os meus que pasábamus, o pozu Viga/Señoris, a Cancheira, o cini, a Falangi etc...
pero tamen cuando nos itaban a culetus, o almodu de toos us dias, a cantiai de allus de patatas que cumiamus, o friu en casa, en a escuela, de cuandu soaban as campanitas por a morti de algun dagalitu, de as hostias que nos daba don Eduardu, de o cinturón de Don Ciprianu, de o friu, friu en as mas cuando apañabas adeituna, de a genti que diba a rebuscar adeituna, de os borrachu y peleas en os dumingus, de chucallás a os viús que se casaban,de a burla que sufrían os deficientis y as agresios a Juliu por ser diferenti, de a miseria, miseria en a Serra. ¿Recordas a Ladinu?
Pues claro que pa nosotrus o lugal é centru do mundu y ditu sin apasionamentu y tu que coñocis otrus lugaris, sabis que a concepción do mundu y da via que tes o aprendestis alá, que na ESENCIAL
encontratis en otras terras que nun estuvera en a nosa.

boas noitis
chenchu

Dondi didi "deficinti" debiría poñer: disminuiu

Bos dias a tos:
Si señol, Chenchu isu se chama fel una boa descripción. Con as pincelás que as dau quean dibujás as distintas sensaciós y recordus de cuandu eramus pequenus. Aunque muy vagamenti, alguna das coisas que pos, me resultan familiaris comu aquilu de dil a escuela y a estufa en o meyu aunque por o veo soi mais jovin que tú polque ei nun me acordu de habel estau con os maestrus que didis sinon con duas maestras que daban clasi a o lau da barbiria de a plaza (¿de Luis?) y que agora é algua oficina de turismu ¿non? me acordu que, viviamus en o balcunitu de peira, enfrenti da barbiría y da escuela y, según miña mairi nun tiña edai para dil a escuela pero a maestra (doña Tinita y nun ma cordu da otra) se empeñorin en que fora. Me acordu que tiñamus una cuadrilla de amigus que nos hemus estu tratandu hasta nun fai mutu: Vanín o de tiu Jerónimu, Peiru o carteiru, Pepi o Gatu,... De comu le destrozamus o curral das vacas que estaba en o Forti, tirandu tellas a os animais, de o montón de allu que se cumia en casa de miña agÜela, de o chiru a adeiti y fumu do fogal, do pozu viga y do señoris,de as subias y baixás dos amiais en o burru de mei agüelu,... en fin que con a tua descrpición me has feitu revivil momentua antis de tel que sel de Sa Martín. De pasu te he dau una boa pista con idil dondi vivimus y con os amigus que tuvi, que to sea ditu de pasu mutus recordus pa tos elis y a os que ya morreran (q.e.d.). Abrazu pa tos vosotrus, soidi pa fala.

"alfena"
Logu, deduzcu, eras amigu de mei hermanu Ponchu, de mei primu Julián "malán", de sei hermanu Javier, de "Xiálima", de "M/E", Ninu etc..

Os cheiroris y o ventu...
Isu si, o airi dentru de casa era purísimu tan puru cumu o da
naturaleda. Me acostumbri, pues, a o airi, inodoru, vivu. O recordu con horror pero aquel friu, aquela temperatura espartana contribui a crearmi unha pituitaria demasiau exigenti. Desde entoncis hasta hoyi
me repugna o airi das habitacios cerras,os sitius cerraus donde a genti deixa o cheirol agriu, as persoas perfumás con perfumis dulcis y pegagosus. O cheirol do fumu friu do tabacu, do fumu ya fumau, do fogal enfriau, do viñu bibiu. O cheirol do airi ya respirau,descompontu.

O ventu. Ouvil o ventu desde a cama y escutal a campana do reloj en as largas noitis de invernu, o crujir das maeiras, os portadus..
As campanas tocan a mortu y o ventu se leva a graveai.
Os enterrus envoltus en o ventu. O cura con o roqueti hinchau de airi, paricia que fora a flotar en o airi de un momentu a otru. A agua fría do hisopu, que mollaba a genti en lugal de quel sobre a caisa.O mayordomu con a Cru alza y as dificultais que ten pa andal.

(....................)

Brodas,me ha gustau o Romanci

bos días
chenchu

Brodas,me ha gustau leer de novu o Romanci, quiyi expresar.

-Bos dias alfena!
-Creu qu'o has postu mui fácil.

"Deo gratia" (pater tui).
-M'equivocu?.

Un abrazu, FONTI NOVA

Alfena ahora si que se lo has puesto facil,ya de esta no te libras de ser reconocido,y yo que me alegro.Un abrazo. Merche

Quiria Mañega ausenti y Fonti Nova:

¿O sea que dispois de miña familia nun viví naidi mais en esa casa? Si señol Fonti Nova, acertastis de plenu.Y tamén Chenchu, tei hermanu Pronchu siría un par de anus mais jovin que ei si é o Prochun que ei rocordu. Un dagal grandoti que paricia un armariu ropeiru. ¿Si?. Comu ves nun era por nun dal pistas e que pol nun habel viviu e o lugal é raru que alguin nos coñoza sin nun é dandu alguan referencia da familia que en os seis últimus anus quiserun dilsi pa sei lugal a vivil.
En fin, ya nos veremus, si Dios quel. Un abrazu pa tos os mañegus.

Dondi digu Pronchu quiría idil Ponchu.
Hasta a próxima. Soidi a fala.

-Hola chenchu!!.
Ei,tenhu que idil que San Martín i a sua xentí,é especial. Ya se encargarán otrus de idil i pensal o contrariu.
-Nun hemus inventau,ni a roa,ni a prensa do vinhu-me didis-
-Tampocu, naidi ma ditu exactamenti quen foi.

Se didi: qu’a civilización Sumeria,foi quen inventó a roa.-Quen ma segura a mí,qu’o primer Sumeriu nun fora un Manhegu?.

-Pues sí, comu ulvial toas essas sensaciós que mencionas?. Siría algu así,comu ulvial toa infancia i a San Martín.- Levaré a San Martín cunmigu,hasta ya sabis dondi.

Un abrazu, FONTI NOVA

Boas tardis, con permisu de quen sea, teñu que idil que,si un sumeriu foi o que inventó a roa, seguru , seguru que era de Bilbao, ¿de dóndi si nun?
Soidi a Fala
P.D: Se didi que Dios primeiru creó Bilbao i dispois o restu do mundu.

Habréis de sabel que a primeira roa que se inventó era cuadrá.

BOAS NOITIS

BRODAS

Bôs dias, asi me gusta Fonti Nova.
Jesucristu fidu a maiol mostra de humildai nacendu en Belén de Judá poendu habel naciu en Sâ Martin, si senhol.
Egunon Alfena, ia vás dandu pistas, eris maiol que ei peru num importa ná, oixi diré otra ve pol Zumarraga, algun dia nos veremus, claru que si. Esa casa a compro me tiu Filipi " O Canforreira " ago é dos filhus, peru m'acordu do balcunitu i creu que tinha um'a purtita dandu pa praza, o balcunitu desaparecei cuandu fidu a obra, danduli amplitú a calhi, que recordus.
Forti abrazu a tôs i larga via a fala.

Gabon, Nachitu:
Jo, Nachitu con o de a humildai de Jesucristu te ha seidu o ramaladu bilbainu, ¿non?. Ya sabis, entre semana estoy en Zumarraga, pregunta cuandu vayas a vil o chama que aunque sea un ratitu procuraré estal contigu pa salualti, ¿da cordu?
Debaixu do balcunitu por dondi agora se entra a panadiría tínamus una pequenu rincunitu dondi me acordu que guardábamus o cuchinu. Una das imáginis que recordu e a de os vidiñus ayuandu a fel a matanza en a misma baixá do balcunitu. ¡Vaya recordus!. Soidi a fala.