San Martín de Trevejo - Caceres

Dispois de a tempestai........, ya se acaborin as eleccios y o letargu se adueña do foru, tampocu e isu ¿eh? .
Como aquí e festa, si non de verdai que nun puiria, me da tempu a entretelomi un poicu idendu algu aquí, por si sai tema de conversación; ya sabeis, istu e unha tertulia, aunque a vedis parezca un galiñeiru alborotau, dondi a o final to mundu se leva ben. Quea inda a espiñita de esis integrantis que nun tenin firma y que, o digu unha ve mais, gustaria sabel a quen se dirigi un, aunque personalmenti nun se coñoza a persoa que se escondi detrás de o seudónimu, aunque mais tardi o mais tempranu se coñocerá.
Ago se me ocurri, vendu os retratus que nos manda Salgueiral, recordal a guasa con que tomamus aquilu do accesu a Residencia. Era lógicu que estuvera previstu desde fai mutu tempu esa estupenda obra que se nos ensina en os inicius, nun puia sel menus, pero pareci que nun sentó ben aquela guasa , cuandu nun era mais que isu, unha broma. Os políticus que gubernan tenin que aguantal as criticas y as bromas ben intencionas y encamiñas a que as coisas se fayan ben, que pa isu se han prestau a sirvil a seis conciudadanus anunciandu, cuando se presentan como candidatus, aquelas coisas que pretendin fel cuandu sean eligius, por isu, tenin a obligación, por que asi han asumiua, nun solu de leval a cabu o promitiu, sino de informal. Pues ben, esa falta de información, a vedis, e o que provoca certas critica, ben o mal intencionas, según de quin veñan, por isu e bo sabel o que se está fendu y o que se vai a fel, por tenin dereitu a sabel tantu os que vivin en o lugal como os que non vivimus. Se ten un que enteiral por fora, que estuvu a Ministra da Vivienda en o Lugal fai tempu y que se vai a fel un museu por o vistu cerca da plaza y o de as viviendas a baisu preciu poi sel unha realiai cercana. Ei non voi a exigil, ni a solicital siquera que, periodicamenti por “ quen corresponda” se informi en o Foru de as coisas que se están fendu o se van a fel en o lugal, pero si que siria bo que se fidera asi ¿ nun vos pareci ?. Nos tuvemus que enteiral do programa electoral de o PSE, a o final da campaña por que JL. acabo poñenduo aquí, cuandu puiamus habelo sabiu mutu antis. Esti foru, creu ei, por a trayectoria que ten, nun e un Foru politicu, aunque se fali de política, ni de oposición a na, aunque se critiquin ccertas coisas, ni e de unha sola tendencia, aunque se le vea o plumeiru a algún participanti en él, creu que e un Foru de opinión y de diálogu en a nosa fala y, desde logu de demostración de cariñu hacia o lugal y as suas gentis, por tantu nun se nos debei tel apartaus de na y , como sabemus que se nos lee en mutus laus, que se nos teña en conta. He ditu.-
Me falta dali a ben vinda a esa nova participi, Mañega por nomi, que se asoma y compartira con nosotros esti espaciu cibernéticu ( ¡Jo con a palabra!) Soidi pa fala y pa tos, Un saluu de Chitu

Soy Bayle.
Chitu, te aclaru, se por a hermana de Chenchu que esta fendu unha visita por nosa terra, esi poi ser o motivu te tanta tranquiliai y otru que ei estoy agora muy ocupa con mutas reunios de un sitiu pa otru pa enteirarnus de o que se está codendu en a organización de o PSM.

Referenti a o programa de o PSOE, o mismu día que o puxu J.L. me había mandau por Fax Carlus o de Gil o programa pa poñelo, nun se si e que le chego a onda a JL de que me o había mandau que ya num tuvi que poñelo, pues se lo había piu ei pa poñelo.

En cuanto a obra de accesu a Residencia y Hospedería me pareci que ya fai mais de dos o tres mesis que ei o había anunciu, y dispois pi que puxieran as fotus ¿o recordas?, que dixi "ya se ha resoltu o tema de a carreteira nova, y pueis empezar con otru tema"...

E certu, que nun estaría demais que nos contaran por esti sistema to os aconteceris de o lugal, Ei voy a dir en estis días si se algu que sea pa contal descuei que o faire, me consta que a os que estan en o gobernu de o ayuntamentu leen o foru, pero te imaginas o que siría dismintindu constantimenti toas as coixas que se didin aquí? y ademais sin indentificar, que me doin os deus de pil escribindu que se identifiquin, o que tiñamus que fel e nun contestar a niñun que entri de "cobardi" y que digan o que les de a gana, ya he ditu tamén que se caliufican personalmenti y tos sabemus de que forma.......

Bueno a que entra cumu "mañega", ya nos dirá quen e, pues mañegas somus mais de unha y de duas.

Istu vay pa o reporteiru que se ha enteirau quen me ha mandau a rosa, por certu ya que o sabi que le diga me mandi mais...... pues esta está un poicu chunga ya, y de pasu que averigui quen e toa esa ienti que entra sin registrar, pues e tan facil cumu fel o que he feitu ei poñel o nomi a o principiu y asi nun hay problemas ni discordias.

SOIDI PA TOS OS FORISTAS IDENTIFICAUS Y PA FALA