San Martín de Trevejo - Caceres

Comu idía Sófocles:

"Los que en realidad aman la vida,son aquellos que están envejeciendo".

Cumplil anus,é comu subil a Xálima.Según vas subindu,o cansanciu vai aumentandu. Peru ,cuandu chegas arriba i miras o Lugal; a mirá, se torna máis tranquila, máis serena i por supostu, con muta máis paz.

Cuandu o d’arriba nos diga: -¡ven,ha chegau a hora!. -I tú póias idili ¡¡espera!! -deisami acabal o qu’estoi fendu. -¡Estoi axuandu a otrus qu’inda me necesitan!. Sólu entoncis,poiremus idil qu’hemus síu un-hos jubilaus completus,dignus d’admiración i dignus de sel recordaus.

Me consta: qu’os jubilaus/as d’esti foru,estarían dentru d’esti perfil chegau o momentu.

Soidi atos

Fonti Nova

Vos dias fontinova,me chamu javi y soy fillu de valverdeñus,esto fora por unorti.Quiria dirti quehe umillol que he escutadu esta miñan. Un abrazu a toa llenti de San Martin.

Me encanta y compartu plenamenti a tua reflexión, sabia reflexión, por que e certu, y ovemus ca dia, que cuandu menos o esperamus nos chaman a filas, por isu, sin deisal de fel o que tu comentas respectu a quen nos necesita, hay que fel o que sea por disfrutal sanamenti do que nos quea, por que istu e pasageru y ca dia nos vamus un poicu. Asi que, sin quel en o despilfarru, aproveital cualquel opurtuniai de pasalo ben, de convivir con amigus, de tomal unhos vasus de viñu, o copas, cuantu mais finas y elegantis millol, o unhos "chatus", como se idiamus antiguamenti, inisitu, fel pol pasalo o millol posibli debi convertirise en unha o bligación caisi pa tos y mais pa os que ya superan o meyu siglu de via. Por isu, nun hay que perdersi o dia do foru, a nosa festona, hay que manifestarsi sobre o dia y confirmar a asistencia que esis momentus inolviables nun debin deisalsi pasal por que nun volvin, Soidi pa tos y pa a fala, Un saluu.Chitu.

A vedis te rebelas contra esa degeneració fisica que, sin remeiu, te vai imponhedu o tempu, que te vai mermandu facultais sibilínamenti, peru, e verdai, si virtuálmenti, anti unha de estas maravillossas futugrafía que nos mandan nossus reporteirus, te subis a o altu de esa montanha mágica contemplandu en a ladera nossu San Martín, te enchis de pá y pensas con orgullu,¡¡hemus chegau hasta aquí!!
Ya te eitaba de menus Foti Nova y comu sempris tuas palabras reconfortan a o mais "rebeldi", anque sea con "caussa".
Forti abrazu.

Amigu Fontinova:Ya fay dias que teñu intencios de poñerti un correu,pues me preocupaba un poicu o tey silenciu.Cumu sempris nos pos a pensar a tos,verdadeiramenty debemus estar preparaus pacuandu suceda esa chamade o Supremu,mutu mais os que ya pasamus de os tres cuartus de siglu,pero sempris agradecius pues nos ha permitiu chegar a esta eday.
Esperu vernus prontu,pues si nun recordu mal en algun a ocasión insinuastis vir pa os Santus, aqui estaremus y dispostus a tomarnus un viñu y charlas un ratu.
Un abrazu pos dois de os dois,y comu sempris Aupa a Fala
Elsalto

Cuandu mais arriba se ascendi, "FONTI NOVA",en a montaña
da via os ventus son mais fortis. Verdai incuestionabli.
Creu que o mais dificil nun é aguantal, sin inmutarsi,
os ventus huracanaus da cima. O mais dificil é sabel
baixar da montaña a tempu.

boas tardis

FONTI NOVA,as tuas palabras me han feitu pensar,comu o que didin tamen os demais, que sois mais malloris que ey y me han feitu reflesionar un poicu.
Os meis 50 anus me he dau conta de o que realmenti he a via,nos da y nos quita,comu didis he comu subir a Xalima y sinti cuandu estaba arriba esa paz que tos de vez en cuandu necesitamus.
Quizas por estar longi de a familia,de os amigus,de os paisanus,que cuandu tes momentus muy dificilis os heitas de menus.
Pero he asi a via y hay que siguir, tamen por isu,por os que te necesitan inda,por que pensas tamen en os que tes o tey arreol,seria egoismu si pensara solu pa un solu.
Disfrutar de os momentus bos que nos ofreci a via de vez en cuandu y levarti ven con toa xenti y deisar a parti as coixas negatibas.
Nun queru meterbus rollu,he o que he sintiu de idel cuandu vos he liu o que habeis escritu.
Soidi pa tos.
A figueira.

-¡Bos días a tós!.

Pues sí, é verdais qu’ultimamenti he estau algu ausenti do foru ; aunque tamén vos digu, qu’he siguíu cona atención de sempris os escritus qu’enviais. –Comu sempris: ¡un-ha godá!.

Chitu: si nun he ditu ná sobri o día da reunión,ha síu porque nun estoi seguru de poel dil. Fai un par de semanas, s’ha mortu un familial da mulhel -bastanti jovin-, i a qu’estaba mui unía. Por si fora póicu: pasau apenas cincu minutus d’envial ayel pora manhán o mensaji precedenti , soa o teléfunu, pa cumunicalmi qu’acababa de falhecel otru familial d’ela – esti, ia nun tan jovin-. ¿A qué ha chegau istu?, pues,cuandu paricía que s’estaba recuperandu un póicu do tralhadu do dagal; otra ve, ha voltu atrás.¡En fin!,as coixas hai qu’aceptalas según venin, i de na sirvin as lamentaciós. Pues, estis golpis da vía, son, os que nos fain estóicus.

Saltu: si Dios quel,o día dos Santus pensamus dil o Lugal. Vamus, a leval un ramu de roxas a un determinau lugar. I claru está,que diremus o cementeriu a honral os nosus maioris. –Será un verdadeiru placel , tomal esi vinhitu xuntus.

Cerrumicli: a mei agüelu Fortoxu, l’hubera soau a múxica celestial toas esas características do vinhu que tan ben describis. Pa él,cualquera d’esis vinhus,hubera síu comu si os angilitus le mixaran ena boca; i poro solu féitu de mencional o vinhu,t’hubera cunsiderau un homi sábiu.

Comu vereis,estamus cunsiguindu que Chenchu sea menus acidu i vaia inclinandusi poro pensamentu filosóficu. -¡Antagónicu ,peru gran manhegu!, -esi é Chenchu-.

-Hola Figueira: é precixamenti cuandu estás fora; i máis eno extranxeiru,cuandu s’eita de menus o Lugal. Comu tú, ei tamén experimentaba o mismu cuandu andaba poros mundus de Dios. Os manhegus, somus comu os salmós, si se nos da oportuniai,sempris volvemus a dondi partimus.

Pa un manhegu que se cunsideri comu tal; sempris será mutivu d’orgulhu,sabel qu’a labor i o trabalhu realizau en benefíciu dos demáis por otru manhegu, é ampliamenti recunhucíu. -M’estoi rifirindu a "Fincacha".Foran mutas as vedis qu’o via baisal po conventu cantandu "Rancheiras"(que seguru le siguirán gustandu). Pa mí,era un manhegu a o que quiría emular.

Forti abrazu a tos.

Fonti Nova

PD. Le doi a benvinda a Javi o Valverdeiru. Debis sabel, qu’enesti Club serás mui ben recibíu i que contarás con bos amigus. Así pues, t’animu a que participis cono maiol númeru d’escritus que te sea pusibli. O mismu le digu o novu qu’hoixi entra cono nomi de "lalo-rokky".

Dali de parti de Maruja i mei un forti abrazu a Xabel y que teña forza y resignació pa aguantal esis golpis que le está dandu a via. Otru pa ti.
Forti abrazu.

Amigus tos, bonitas as palabras que nos escribí Fontinova, o importante e “saber envejecer” que dispóis de to e un arti.
Quin máis quin menus según van pasando os anus nos vamus dandu conta y o sintimus de mutas maneiras o detrimento que vay tendí o nosu corpu, temus a un amigu inseparable que desde que nacemos nos acompaña hasta o dia que nos chamin pa dal contas da nosa via, y esi amigu e o DOLOR.
Pero e bo identificarnus con el, y aunque sempris nos esté rondando, vendo de esta maneira cumu un amigu inseparabli, e máis facil aceptalo.
En definitiva o envejecer e morrer un poicu a nosotrus mismus, sempris tan cheus de soberbia y egoismu, y en os momentos que percibimos a esi amigu "o DOLOR", e cuandu nos damus conta do valor que ten a via, do valor da amistai, valoramos a salud, o sentimentu de soleai que poemus tel o tenin os demáis, nos enfrentamus con sereniai a morti dos seris quirius...
Y por isu os nosus mayoris, están cheus de rectificación y en rectificar se gaña en sabiduría y experiencia esa que tenin tos elis.
Un-hos con otrus cumu os naipes, nos vamus apoyandu y nos vamus ayuandu a ENVEJECER.

Muta soidi pa tos y a envejecer felidis.

mye

Bos dias a tos,antis de dilmi a traballal y mentras me tomu o desayunu teñe a costunbri de lel o foru, y quen anda paqui,a miña amiga Mye!he un puiquitu mais jovin que ey,pero soy ey a que aprendu de ela!y comu sempris anda de serenu,asi didi ela.
Ey creu que cuandu se chega os 50, segun oivu idil a muta xenti, de aqui por dellantri he cuandu empezamus a baisal,entoncis si he asi fairemus o que didi Chenchu,lla que hemus chegau arriba,un-os antis,otrus dispois,aey andamus mais o menus alrreol de esa edai, tendremus que aprender a baisal!y sin correl nun vallamus a tropezal??.
Pero bueno,ala vamus,vamus aprendendu de os nosus pairis,agüelus,etc.
Que paseis boa semana a tos.
soidi a tos y a fala.
a figueira.

La vejez en los pueblos.
El corazón sin dueño.
El amor sin objeto.
La hierba, el polvo, el cuervo.
¿Y la juventud?

En el ataúd.

El árbol, solo y seco.
La mujer, como un leño
de viudez sobre el lecho.
El odio, sin remedio.
¿Y la juventud?

En el ataúd.

Miguel Hernández (Orihuela, 1910-Alicante, 1942)

Amigu Fontinova y sra. lementu mutu que a fataliai se haya cebau en vosotrus, nunca se poi estal seguru de na y cuandu as mas nuticias se xuntan o dolor se multiplica, pero, aunque istu e facil idelo desde fora, hay que tiral pa yantri y confiar en que to cambiara a pa ben por que o mereceis; por isu nun tendis que rennuncial a pasal un ratu agradabli con as persoas que vos aprecian, isu sempris reconforta por que o que ha pasau, por irremeyabli, nun ten solución ya, asi que, sea cuandu sea a nosa reunión que ei e calificau de festona por a aligria que supon xuntalnus, esperamus contal con vosa estima presencia. Un abrazu.

Ben vindus a o novus participantis de esti foru, incluiu o amigu valderdeiru, como non, compartimus a fala u mutas coisas da terra. Soidi pa tos y pa a fala.

Pa Fontinova: Estimau amigu Fontinova. Sintu y lamentu os fallecimintus de os familiaris de tua mullel y sobre too que habeis estau muy ligaus a elis.
Sólu nos quea o consuelo, os que creemus en Dios, que o millol métudu e redal y pili, que os teña en o Ceu, mutus anus mais sin nosotrus. Tamen doi mais, cuandu e yenti joven, sin desmerecel as persoas mayoris, pero pareci que dá mais pena pol as persoas jóvinis.
Por tal motivu te acompañu o sentimentu y esperu que o poyais superal tu y tua mullel. Ánimu y miral pa ayantri, cumu didi Chitu.
Un forti abrazu.
Chalrrieira.

Cerrumicli/Chitu/Chalrrieira: mutas gracias poresas alentaoras palabras.Así,se lo he féitu sabel a mulhel; que vos quea enormimenti agradicía,enviandu un forti abrazu a Maruja i a voxotrus .

Fonti Nova