San Martín de Trevejo - Cáceres

-O tinha preparau p’habelo enviau o foru fai tempu, peru se traspapeló i nun había vortu acordalmi d’él.-Esta cabeza minha, fai agua por tos laus. Un,ia vai queandu pa supitas i bo vinhu...

Esti documentu,é un-ha fotocopia d’original que en sei día l’encarguí o mei dagal. Me diisu: que cuadu tuvu enas mas o pergaminu, l’entró un escalufríu a tocal un original do siglu XVII (mil seisdentus). Comu é natural: os funcionarius do "Archivu Históricu Nacional", tomorin to tipu de precauciós; peru com muta amabiliai, le deisorin fotocopialo eno mismu archivu.

-Comu vereis,se trata dun-ha acta notarial levantá en Sevilla poro cura i notariu mayol da "Ordin de San Xuan" (D. Juan Ramirez Bustamante), en juliu de mil seisdentus setenta. O mutivu: nombramentu d’ún novu miembru -religioxu-, p’antral ena "Ordin de San Xuan".Sendu Gran Prior d’esta ordin eno reinu de Castilla i León: S.A. Xuan de Austria (filhu bastardu de Filipi IV). -¡nun poi sel otru!-.

Pa noxotrus,istu nun tendría maiol trascendencia; si nún se mencionara, qu’o prioratu da ordin do "Santu Sepulcru" da Ciai , dipindía da Encomienda do Lugal. Istu,nos dá un-ha ve máis testimoniu; de qu’o nosu Lugal tuvu un pasau importanti.

Ena primeira Cruzá : finais do ondi , principiu do dodi,nacin as órdinis religioxu/militar mais importantis i qu’algun-has,inda están prexentís ena actualiai –tan sólu,han cambiau o hábitu poro traji d’Armani-.Estas son: Templi, San Xuan, Santu Sepulcru, San Ladaru i Teutónica,-esta última algu máis tardi-. Toas, nacin en terra santa i d’ún solu árbul; pues, os ubjitivus d’estas órdinis, son de sobra cunhucíus por tos.

Esti acta notarial, se compón de duas páginas máis,peru sólu enesta se menciona o Lugal.Si alguin está interexau en leela completa,con mutu gustu vos a envíu.

-¡Bueno!, vistu istu, quea ben claru qu’o nosu Comendaol era persoa de gran influencia. -O que significa; que godaba d’información privilegiá . Pues, según didin as lenguas de dobli filu: era bastanti avispau i montó un-ha agencia de detictivis cuandu deisó o cargu –así, cualquera-.

Soidi a tos

Fonti Nova

¡¡Impresionanti documentu!! Comu diría Jesulin.
E verdais que meis antecesoris tuveran muta mais influencia, peru ei, que foi o últimu Comendaol ia solu me queaba esti rincunitu, ó Mendizabal y o Pascual que se habian gastau tos os cuartus do gobernu,(nun hai na novu baxu o sol) nos joerun as Ordinis Militaris y a mi me agarró o E.R.E. Hubu un tempu que me tirí a bibía i nun feya mais que dil de pichocrra en pichorra, despois de estal un tempu en AA.AA. recuperua ia, nun tuvi mais remeiu que montalmi o negociu por miña conta (autonumu). Comu a coisa siguia mal ó final tuvi que cerral tamen y me viñi a esta isla ( que entoncis idian que ataban os perrus con longanizas). Ben , o restu ya o coñoceis.
Sobre o Títulu de Millor Forista, nun hai que dali mais importancia que a de otorgal un recordu do foru pa Brodas. O anu que ben será otru, que mais da, pa mi tos sois bos. Nun fai falta ni Entiai Juridica, ni Estatutus, ni reglamentu ni Jurau. O foru e o millol Jurau, si se vai decantandu por Brodas pos será así. Sobri o de Cancheira ei nun debu opinal.
"Chitu de oiru", me gusta.
Forti abrazu.

¡Por fin se ha descubertu o origin y procedencia de Tribuleti ¡ o mismu Comendaol mitiu a investigaol segun un fidedignu documento que nos descubri Fontinova. ¡ Hemus descubertu a o agenti 0001!

Estupendu documentu que hay que conserval, a vel si nos facilitas, Fontinova, fotocopia a proxima ve que nos reunamus home, que será bo contal con semejanti joya.

O que queira que nombremus a Brodas Forista do anu, o Forista de Honol, o como le queirais chamal, que o diga y voti, ya que o que se trata e de tel unha disculpa pa fel unha reunión y unha festona. Pensu que o Foru nun e, en ninñun casu, un grupu homogeneu con entiai propia ni siquera con entiai,por que aquí entra librimenti o que quel y poera o non querel participal en algu que proponin bromísticamenti, por sel os mais cuñucius entre si o habel tiu mais contactu, un determinau grupu de escribientis. En o Foru, a mayuría, pero non a tos, solu nos uni os bos sintimentus por o lugal y a fala, a otrus tamen nos uni amistai, vivencias da infancia, paisanagi y certas afiniais, pero mais de un, participa sin querel integrarsi en o que puiamus chamal, dentru de o foru, grupu dos mais participantis; pero isu nun que idel na, tos escribimus, opinamus, discutimus y, sin distinción, tos queremus o millol pa o nosu lugal y defendemus a fala,istu e o verdadeiramenti importanti. Si ademais de isu, algunhos, ¡hojala foramus tos sin distinción ! nos reunimus pa compartir un ratu de farra, de ve e cuandu, mutu millol. Soidi pa tos y pa a fala,Chitu.

Fonti Nova eris o Indiana Jones da historia de San Martiñu,aportas os datus con una gran precision.Levu tempu intentandu que alguin me aporti datus sobre a presencia do Templi en o nosu lugal,especialmenti en o Castelo de Salvaleon.Fonti Nova seguru que tu me cunsiguiras algun datu.
Chitu eris un ejemplu de moderacion y de ben fel,pa mi e un orgullu que me teñas comu amigu.Efectivamenti o que se busca con o premiu de millol forista do anu e a disculpa pa poel yuntalnus,compartir experiencias y falal do nosu lugal.
Brodas con suas poesias nos remonta en un tempu que ya paso.¿Quen nun se emociona cuandu as lee?
Cancheira se mereci to que queiramus feli,e da miña sangri y por tantu nun siria imparcial.Pensu que recordemus a os que ya nun estan i disfrutemus de os que estan con nusotrus.
Chitu o tempu corri,debemus consensual fechas,o digu por dil encargandu os productus que tantu gustan a os do foru.
Forti abrazu

Tu Mulu falas ben de mi por que eris primu, como tu nos calificas, y tamen por que te gusta a viñu mei, ¡Ea!. hay que contal con o
" patriarca" Saltu, por aquilu da edai, que ofrecei as suas magnificas instalacios, aunque me pareci un abusu que repitamus ali, pa mi con mutu gustu desde logu, por isu hay que dil fijandu fechas en as que poan asistil a mayuria. Propoñei y discutimus logu. Soidi pa tos y pa a fala que ya son horas de acabal. Chitu.

Salvaleón ena Edai Meia foi cabeza da encomenda alcantarina, poro tantu
pirtinicia a Ordin d'Alcántara, o templi ná tinha que vel ni en Salvaleón ni en Sâ Martin, pos esti pirtinicia a Ordin d'San Xiuán de
Xerusalén, tamén cunhucius pol Hospitalarius.
A encomenda abarcaba Valverdi d'a Serra, Cileirus, Nafrias, edesa d'a
Genestrosa i posteriolmenti As Elhas.
Os primeirus en ocupal esti tesu foran os Vettons, se sabi que vivian
xiuntu a os rius, despois os romanus qu'a fortificorin levantandu as muralhas, estis a chamorin Interannia, que quel idel, lugal entri rius,
despois foran os árabis, estis foran espulsaus poro avanci d'a Recunquista, o sei custó, pos volveran a recuperala os muslimis despóis
d'a derrota cristiana d'Alarcos(1196), ao final Alfonsu IX a recuperó
difinitivamenti,eno 1221 o mestri d'Alcántra, Arias Péri, cunsiguí qu'Alfosu IX d'León repobrara a vilha, poi sel qu'o fidera cum xientis
d'o Bierzu, trendu cum elis as custumbris i a fala, peru num nos equivoquemus, istu num quel idel qu'a fala de Sâ Martin poera sel d'o
Bierzu, e mui poicu provabli ia que Salvaleón pirtinicia a um'a Ordin
i Sâ Martin a otra, feitu esti que câ cual trairia xienti distinta.
Pâ facilital tô istu o monarca le concedeia Salvaleón os mismus fuerus
qu'antis habia otorgau a Midina Cauria (Coria). En 1253 don Alfonsu X
o Sabiu fai mercé a don Periánhi i a Ordin d'Alcántara d'o castelu i vilha de Salvaleón,cunfirmandu o privilegiu otorgau o 2 d'Abril d'o 1291 pol Fernandu III o Santu.
¿ Peru de dondi ven o nomi de Salvaleón ?
Dispostu don Fernandu II de León eno 1166 a recunquistal Kantaraf-as-saif ( Alcántara )parti desdi Miróbriga ( a Ciai ) cum un exércitu organizau atravesandu a Transerra pol varius puntus; i a sei pasu pora Serra de Gata.foi cunquistandu toas as fortaledas,incluia Interannia,
dánduli a quésta o nomi de Salvaleón, que quel idel, salvá poro reinu de León.
Pol hoixi ia num vos cansu máis, otru dia vos falare d'a Ordin d'Alcáantara i cumu se fundó.
Soidi pâ tôs.

-Hola muñu!!.

-Veu que simpatizas cono templi ¡Eh!.

-¿Sabis? ¡nun tés mal gustu!, t’arrimas a boa sombra.

A ordin do templi,foi a máis poderoxa i a máis rica . Peru, tamén a máis odiá,criticá i pirsiguía. Por idilo d’algun-ha maneira: antis de qu’o rei Francés Filipi IV (El Hermoso),dera a ordin de exterminala. Toas as demais ordinis, bailaban o son da música qu’o templi tocaba. Pues, o pasodobli qu’empezó a tocal a principius do dodi,duró algu máis de dudentus anus.

Me preguntas: si te poiu informal sobri a prexencia templaria en Salvaleón (Valverdi). Creu, que Nachitu ia to explica mui ben. Os templarius i hospitalarius,cuandu estaban en Jerusalén durmían baisu o mismu techu. Dispois se separorin, i a ordin de San Xuan, pasó a sel un-ha filial do templi ; seguramenti pa pagal menus a Hacienda. Peru foi o templi quin siguí dominandu o cotarru con "Tíu Godofredu de Buillón" a cabeza comu gerenti general –menú sueldazu tindría-.

Comu ben didi Nachu, foi Alfonsu X cuandu en (mil dudentus cincuenta i tres) cedi a fortaleza a ordin de Alcántara . Peru, desdi que Alfonsu VII empezó a dal a tabarra eno nosu valli,(pa desgracia d’al-Andalus) , hasta qu’Alfonsusolu X a cedi, ¿quen levaba os gatus a agua en Salvaleón,as Ellas i Trevelhu? . - ¡Os amigus hospitalarius!; peru sempris baisu a atenta mirá do templi.

Didin: qu’ena baisa edai meia,curría un ditu qu’eidía: "bebis máis qu’ún templariu". Agora entendu, por qué o nosu comendaol chegaba tan tardi a caxa. -Según él, vixitaba a diariu tos os "Santuarius" (pichorras) do Lugal. Tamén s’explica, que puixera o pilón cerca da sua caxa i non eno centru da plaza comu siría o normal. Así, era menus vistu pora xenti cuandu mitía a cabeza enél p’aspantal a mona. Pues, si entraba en caxa dandu tropezós; ia estaba a gresca montá cona mulhel.

-Chitu: conta conas fotocopias, en cuantu o local da reunión; tranquilamenti se poi fel enún dos restaurantis do Lugal (ca anu enún) .-Tan solu é un-ha sugerencia, pues,nún siría correctu abuxal dos que ia o fideran aunque se prestaran de novu a felo.

Soidi a tos

Fonti Nova

"Fonti Nova"

¿Has recibiu o privau que te remití?
Te daba miña dirección "email" pa que me enviaras fotocopía
de tan extraordinario documentu. ¡Gracias!

Bos días.

-Chenchu: o he recibíu.
Con fecha: 30-09-09 hora: 11,50 t'enviau un correu privau comentanduti o tema.
A mí,mo pon comu enviau correctamenti;revixalo de novu i poresti mismu meiu me comentas algu.

Un abrazu

Fonti Nova

non podu falar por us demais foreirus peru desde lugo a mi,non me cansa leer to u que vas escribindu sobri salvaleon,me pareci muy enteresanti,a unica pega que teñu e que me custa mutu leelo,ya que inclusu u valverdeiru me cuesta,y vista esta que me da traballu escribilopero ei seguire escribindo en valverdeiru y leendu u mañegu,aunque de mutas coixas non has entenda ben.
y ahora voy a aclarar algo y por eso lo hago en castellano, por que me es mas facil,como habréis podido ver ya he conseguido registrarme,no como valverdeira como alguien muy amablemente me sugirió,no recuerdo quien fue y le pido perdón por ello,aunque lo intente,por algún motivo que se me escapa no lo pude hacer,ahora ya sabéis quien soy.
UN SALUDO PARA TODOS
VALVERDEIRA.

ALGO DE HISTORIA

Las poblaciones antiguas de este valle fueron Ergastulum y Salvaleón (algunos investigadores hacen coincidir a Salvaleón con Interannia, una de las tributarias en la construcción del puente de Alcántara). Los datos de Salvaleón y Eljas son de las crónicas de la Orden de Alcántara y hemos podido leer que fueron cabeza de las encomiendas de su nombre cuan do la reconquista definitiva de estos pagos, después sobreviene la decadencia de Salvaleón cuando el comendador de Eljas pasa a detentar la encomienda y a residir en Eljas (1428, el comendador será fray Juan de Salazar). A partir de este momento empieza a desaparecer Salvaleón, tal vez por sus problemas fronterizos con Portugal y su situación en la misma frontera. Aquí nacerá o adquirirá importancia Valverde del Fresno que anteriormente sería una simple majada.

San Martín de Trevejo perteneció a la encomienda de Trevejo de la Orden de San Juan de Jerusalén, posteriormente llegó a ser cabeza de la encomienda o al menos allí residió el comendador. El último administrador de la encomienda fue Vicente Xerez Galván, vecino de San Martín de Trevejo (año 1825).

San Martín de Trevejo a pesar de pertenecer a otra encomienda y de distinta orden militar, sigue manteniendo su "fala"; esto nos demuestra que este dialecto es anterior a la reconquista por los cristianos y no procede de emigraciones de gallegos. Si así no fuera, Villamiel y Trevejo también tendrían este habla tan peculiar.
Esti historiaol tampocu ten toa a radó, pos o últimu que cobraba os impostus era ei. Por certu, tenhu en as Islas Caiman un monton de Maravedíes y me gustaría recuperal a minha residencia, esta vé solu con o ánimu de pasal o restu de meis días con meis subditus tomandu vimhu en as pichorras, hata que o corpu aguanti; i poiu prometel i prometu que o Pilón o pondré en o centru de a praza y fairé un tunil por debaxiu pa o regatu que nun so vai a "saltal" ni Gallardón.
Agó Nachitu i Fontinova nos han "Juiu", aparti do "Chitu de Oiru" vamus a tel que fel tamén unhos "Petacós de Oiru" pa daselus comu os milloris historiaoris do Foru.
Ya o he ditu antis, aquí temus mutu material humanu y mui bo.
Istu ya nun hai quen o pari.....ei ia voi a contactal con meis contactus pa que contactin comigu o día do contactu.
Forti abrazu.

Que consti, nun sé si me he expresi con clariai
pero que ei me ABSTEÑU sobre cualquer premiu que
se INSTITUCIONALICI en o foru; sugiria que de felo
se derán unhas BASIS mínimas y se CREARA un JURAU.
En too premiu, y nun ten na que vel a política,
e muy IMPORTANTI o protocolu ¿non?
Claro que estoy de acordu con a CUMILONA y suscribo
a proposta de "Fonti Nova" y nun ten na que vel unha coisa
con otra.

Tamen a mi me gusta (chu)"Chitu de oiru"

boas tardis

Estoi da cordu que ten que habel un certu protocolu, habrá que dedicali unhas palabras a entrega do títulu, o recordu, diploma, etec. Ei me inclinu a que si vais os dois, foras tú o Fincacha41. Si esta ve logramus que vaya o Alcaldi ó Concejal de Cultura, había que pensal en elis tamen.
Sobre o restauranti, nu e ma idea, peru tindriamus un problema. ¿ Nos dexarían bebel ali o viñu do Muñu y demais "delicatesis" de otras latitudis que levaran os foristas?. Será cuestió de miralo.
Sintu mutu que Mairil se haia quea otra ve en as portas.
Lala: Te vi en a teli cuandu entrabas en a praza.
Forti abrazu.

Ei cumu nun estoy de acordu con PREMIUS ni CASTIGUS, pasu
do tema.

Tes radón:dibiría ser una REPETICION da anterior, porque
a ORGANIZACION resulto extraordinaria. Y o final con cantus
y guitarra, genial. Creu que nun habría problema en que Carlus
que tan ben asó os burriguitos nos alquilara o sei local a discoteca
do valencianu y nosotrus organizamus too, bueno isu de
"nosotrus" e un idil, ei pa ayuar en o que se me mandara.

Isu se sabía que a Mairil nun se lo daban, ha pirdiu por
goleá. Sintu que haya siu así, sin embargu, me alegra
que haya gañau quin mais o necesita.
¿Qué fairá Gallardón con a deuda TAN GRANDI que ten Mairil?

boas noitis

Cuandu apuntaba a felo enún restauranti,tamén pensaba en alquilal solamenti o comeol porún día/horas... Esta pusibiliai,a tinha en menti pa exponhela según dexarrolhu dos acunticimentus.Pue,a sugerencia de Chenchu p'alquilali o local a Carlus me pareci ideal.

Comu ben apunta Cerrumicli,necesitamus libertai pa leval caún o qu'estimi convenienti.-Coixa impusibli de fel, en'un-ha cumía sirvía poro restauranti.

Ya qu'etamus mitíus enas órdinis militaris,ei,acustumbru a dil a misa os dumingus o conventu das monxas "Bernardas"-o tenhu mui cerca de caxa-.Son monxas de clausura i pertenecin a "Ordin do Cister".-¡Pues ben!,as rusquillas "d'almendra" que fain i a tarta "d'ojaldri",etán pa relamelsi. Tamén,vivu ena terra dondi se fabrica o milhol "queixu d'ovelha" curau do país.Pensu:qu'algu d'estas delicatessen puiría empurrial palá.

-M'he levau un-ha dexilusión conas olimpiás.Pues,albergaba a esperanza de que quearan en Mairil.Dispois da labol tan extraordinaria qu'ha feitu Gallardónn,nun ha síu recompensau.

Soidi a tos.

Fonti nova

Agora solamenti falta concretar o día, propoñu mais o menus
cumu o anu pasau.

Te has levau unha gran desilusión -didis- comprensibli,
pero Gallardón y cia dibirían haber mentalizau a genti sobre a tradición olímpica que nun tocaba Europa, han pecau de triunfalistas.
O batacadu ha siu grandi:
Rio 66 votus- Mairil- 32.
¿Pur qué Paris se retiró?
purque cuñucin de sobras o COI.

Eliminá Chicagu os votus foran masivamenti pa Rio.
¿Qué fairá agora Gallardón con unha deuda do Ayuntamentu de 6.600 millos de eurus?

boas tardis

como se nota que no eres de gallardon que hara pues ganar las elecciones

-Que fairá (...) con un-ha deuda de 6600 millós de éurus?-didis-.

-¡O qu’han féitu tós! -suponhu-. –Pagalo!!.

Ei, cuandu fidi a minha caxa,tuvi que pil un prestamu o bancu que dispois: poicu a poicu tuvi que devolvel con interexis.

-¿Qu’ha pasau con toa a infraestructura levá a términu enos últimus anus en Barcelona?.¿Dispunhía o Ayuntamentu de inheiru soanti i contanti pa felo?.-O se tuvu qu’endeudal. Pues, o anu pasau, inda dibía oitudentus millós d’eurus do que fidu p’atrás.

Eno primel térciu do siglu tredi, s’empezan a construil as catedrais de Burgus, León i Toledu. ¿Había inheiru p’afrontal estas obras?,o hubu qu’endeudalsi duranti anus.

¿Tén "Emérita Augusta", liquidé p’afrontal to o qu’stá fendu; incluíu hostal do conventu do Lugal?, o tén qu’endeudalsi.

Pue, é normal qu’ondeudamentu, sea directamenti proporcional a embergaura das obras realizás. I en Mairil,enos últimus anus s’ha feitu mutu.

Soidi a tos

Fonti Nova

Soy Elsalto;Ya veo que esteis dispostus a to,a dir a un restauran,a alquilar un salón,en fin cayi me muestra istu que nun que astis satisfeitus con 0poicu o mutu que intentamusa fer a miña muller y ei,cumu sei nun se pero puyemus to corazón para que seira o millor posibli.
Ditu istu o mei local ni se alquila ni se vendi,sendu pa o Foru y pa os amigus do foru ESTA SEMPRIS A DISPOSICION DE TOS OS FORISTAS y o mismu diju de miña casa y dos ocupantes,sempris a disposición de o FORU.
Esperu que o tomeis to anterior a broma, repitu que esta sempris a disposición de tos y si poi ser milloraremus, ya que agora ya estamus entrenaus.En cuantu a fecha me da igual esta abertu to anu,y o preciu e o mismu en veran que en invernu.
Esty en Torrelavega(Cantabria) pasandu un os dias con os fillus y familia y pasare aqui a Patrona de a Guardia Civil dispois a
otra ve pa San Martin que o millor que hay pa vivir y estar en paz.
Cumu sempris un abrazu pa tos y aupa a Fala.
El salto