San Martín de Trevejo - Caceres

Nun quiría deixal de contar o enterru tan impresionanti que tuvu Marcial, foy levau en hombrus desde o Tanatoriu a Iglesia por os fillus yenrru, netu y subriñus, le estuveran fendu o últimu paseu por o lugal por esa calli que tantas vedis baixó en dirección da Residencia de Mayoris pa visitalos, sempris pendienti de to mundo, de visitar cualquer persoa enferma, fora quin fora, nunca se perdei niñun enterru, hasta diva a pueblus vidiñus sempris que se enteiraba de algún cuñuciu que fallicia.

Hubu gran cantiai de yenti de aquí, de os pueblus de alreol, y yenti vinda desde Sevilla, Mairil, A Ciai... A iglesia estaba chea por completu y muta yenti fora que nun entró.
A siu un enterru dignu de unha persoa quiría, muy quiría por muta yenti, yenti muy agradicia de a sua ayua que mutas vedis prestó, cumu to mundu conta que sile pias algu a Marcial nunca a respuesta era un no, sempris a resposta pusitiva pa o que fora.

Solu poyu idil que en vía sembró mutu y agora grandi e a sua cosecha de amigus y persoas que le querin.

O huecu que a deixau en o lugal, ditu por muta yenti, e dificil de ulvial, esa sonrisa aberta que tiña pa to mundu, chea de generosiai, esa preocupación que tiña por tos, que a to mundu quiria feli esa acullia y sempris estaba dispostu a invital a quin fora o levalos por primeira ve a boiga absequiandu con un viñu y sobre to o que máis gustaba era a sua simpatia y agradu con que o feya, que era o que máis cautivaba as persoas que por alí pasaban.
Marcial era unha persoa que unía, nun solu a familia que e muta y tos o didin, pero unía igualmenti a vidiñus y amigus...ven se poi idil que tiña unha personaliai que atreya mutu, y cuántus se queaban satisfeitus con os seis consellus.
A cuántu/as amigu/as seis jubilaus les e uiviu que tiña coisas, mañeiras de chamal, de gastar bromas, personáis con caún, sin querer sel especial porque feya as coisas cumu le seyan, con a mayor naturaliai do mundu, isu e o que le feya ser unha persoa muy especial.

Creu que tos, familia, amigus, vidiñus, paisanus, y paisanus que estéis fora le vamus a eital mutu de menus, pero cumu a vía ten que continual, vivirémus comu si estuvera entre nosotrus, porque en otra dimensión o está. Por que está en o pensamentu y en o corazón de tos. Así que le idimus "HASTA LOGU MARCIAL".

Muta soidi pa tos y pa Fala

mye

Algén dixu qu'a persoa morri fisicamenti peru num en espiritu mentras
sea recordá, enesti sintiu estamus tranquilus, pos sempris estará
entri nossotrus, descansi en pâ.
Forti abrazu pâ tôs.

Quiria familia y amigos, fillus de tiu Marcial:

Fai pocus dias , este agostu inda nos sentamus varius dias en a plaza pa vel y uivil as atraccios das festas de o lugal. Inda le dixe a sey fillu Jesus que realmenti cunsideraba a tiu Marcial comu o patriarca de San Martin en estis momentus. Sempres recordaremus a este bo homi comu isu, una boa persoa sempris con a sunrixa en a boca y con una palabra amabli pa tos.
Descansi en pá.
A su a familia un abrazu entrañabli de Alfena

Desde Australia un fuerte abrazo, se que es un poco tarde pero me acabo de enterar. Lo sientimos mucho la muerte de tio Marcial.
Por favor dale el pesame de nuestra parte a toda la familia.

Muchos Besos.
Eva

Querida Eva, muchas gracias!! nunca es tarde, no te preocupes.
Fijaté tan solo un mes se ha llevado con tu abuelo, con lo que se querían los dos primos... así es la vida.

Bueno un abrazo, y pasaremos vuestro pesame a la familia.

Marcial y Esther