San Martín de Trevejo - Caceres

Boas tardis a toas y tós.Ya se que non parecera un títulu "politicamenti correctu" pa algúnha que otra persoa.Estis días o é feitu por unha persoa a cual é cuñucíu fai poicus mesis.Mutus temus amigus en internet de diferentis partis do mundu...os hay que os coñocemus millor...y hay otrus con os que caixi non falamus.Esta persoa é unha muller de 34 anus,española o descendienti de españolis isu non o teñu claru,y que vivi en Alemania.Fai tres días a encuntrí en o imesh...un programa que algunhos coñocin de fel amistais...y me contó que le fai falta un corazón pa poel siguil vivindu y que está en lista de espera.Me do pena...tiña meu y me dixu que sei corazón se debilita cá vé mais.Recurdí a xenti do lugar que ha mortu jovin...y me entró unha gran pena.Quixi consolala,pero as palabras non te sain en esi momentu.Me pí que redara por ela,que non a ulviara.Y ridí...por ela y por tos os mañegus y mañegas.

Boos dias Foristas, Mañegus, Mañegas y Migreira.
Sea o nun sea "políticamenti correctu" o Redal, ei tamen te acompaño en o tei pensamentu. Ya sabemus que estamus vivindu en España unhos cambius profundus en a Soceai, pero as persoas siguimus sendu igual que as de fais mutus anus, e idel, temus brazus, pernas, cabeza... !Corazón!. Amigu, cuandu o Corazón falla, cumu o caso que contas, eitamus man de cualquel coisa... de Redal. Esta via que coñocemus e muy boa vivila y si tes familia que te queiran: Pairis, Fillus, Muller, etc.e mutu mais interesanti.
Ten en conta "Migreira" que os Políticus van a o sei "negociu" y o sei negocio e fer política y sacar cuartus, nun le importa cumu sea, pol isu pa os Políticus nun son mutas coisas correctas, porque elis van por otrus camiñus, os dos negocius y non da "ética", de a formaliai, de, os sentimentus. Tú Sigui redandu que a o final, tendrás o tei premiu, aunque istu nun se estile agora tantu cumu antis.
Solamenti queru ferti unha observación ¿Cumu de o cariñu de una Muller-Mairi y de un Homi-Pairi, pol ser unha persoa independiente, con corazón, pernas, brazus, cabeza, sentimentus....?
Soidi a Fala.
Chalrrieiera.

Dondi digu: "pol ser", queru idel: "poi nacel".. Gracias.
Soidi a Fala.
Chalrrieira.

A propósito de lo que expresa Chalrrieira, encontre estas tres perlas:



1.- Es muy difícil hacer compatibles la política y la moral. Sir Francis Bacon.

2.- La política es, quizá, la única profesión para la que no se requiere preparación. Robert Louis Stevenson.

3.- La política es el arte de buscar problemas, encontrarlos, hacer un diagnóstico falso y aplicar después remedios equivocados. Groucho Marx.

Aunque para mi la mejor sea esta otra:

La política es el arte de obtener el dinero de los ricos y el voto de los pobres, con el pretexto de proteger a los unos de los otros. Anónimo

Buenos días

Me gustaria "No Registrado", que huberas postu a tua Credencial, pa sí poel sabel a quen se dirigi un.
De toas as formas, está muy ben, veu que tes cuñucimentus y sabis expresalos en o momentu oportunu y sobre to a última frasi: La política es el arte de obtener el dinero de los ricos y el voto de los pobres, con el pretexto de proteger a los unos de los otros".
Te digu otra frasi mais redenti:"Cualquier mujer que entienda los problemas de llevar una casa está muy cerca de entender los de llevar un país. Margaret Thatcher. Ex-Primera Ministra de la Gran Bretaña y Reino Unido, en los años 1980 del pasado Siglo.
O sea, que e fácil pa os Políticus leval un País, según se desprendi de o que didi "La Thatcher".
Soidi a Fala.
Chalrrieira.

Migreira, as feitu muy ben en contarnus esi sentimentu que tes, y por miña parti conta con oraciós por esa amiga tua y ojalá!! prontu teña un donanti de corazón, as coisas compartias se levan millor, y as contau con a confianza de os que por aquí entramus.
Seguramenti te ten por muy bo amigu/a, en pilti que nun a ulvis, y tu as correspundiu con as tuas oraciós y contando pa que quin queira así o faya.
Verdadeiramenti e muy tristi, sea quin sea esa muller, anti to e un ser humanu que necesita muta ayua, y desde lonyi e a única forma de ayuali.

Ei pensu que istu e o máis importanti do mensaji que nos as comunicau, y por o que a mí respecta, nun entendu que ten que vel con o tema dos politicus, creu que isu e totalmenti secundariu.

Muta soidi pa tos y pa Fala

PD/ Migreira tal vez si algún dia, esperemus que nun muy longi tes boas nuticias sobri tua amiga, nos lo comuniquis

Mutas gracias,amiga.A verdais é que ei non quixi que o tema de desviara pa pulítica.Solu puxi isu porque pareci que agora os temas religiosus son comu si foran coixas de otrus tempus.Creu que se me comprendi y ya non queru fel mais comentarius sobri o tema.Isu sí,ca un poi opinal do que le pareza ben.
Quixi fel esti tema pa,comu bén didis,axual a esta persoa y a mutas mais que nos cain lonxi con as nosas oraciós.Ei é tiu que dal ánimus unha noiti (ya fai tres mexis) a unha amiga mejicana que estaba desesperá y a o final lugrí animala...y isu é unha satisfacción grandi.Desde logu que diré informandu do que pasi.
Mutas gracias a toas y tós.
SOIDI PA AS Y OS MAÑEGUS Y PA FALA