a Vendima Amigus de Sa Martin y dos bos caldus, Esti fin de seman andandu por as callis do lugal he disfrutau mutu observandu cumu se diban enchendu as tinaixas con o mostu da nosas viñas. A verdais é que o ambienti que se crea alreol da vendima é sensacional. Para mi é a terceira vendima que fallu, propia se entendi, vamus que fai tres anus que me enganchi. Pensé en as 4 o 5 parras que tiña miña mairi dos pareos y que tos os anus se estropeaban as uvas, ni se recullian ni na, asi que, me mití en o negocio, a pesal de dal mais traballu que beneficiu. Y bueno aunque a producción sea poica inda chega pa leval a cuarilla de turnu a probal o MEI VIÑU y a recibil to tipu de comentarius, que si esta inda dulci, que da verdi, que ten acidez, que millol que o deixi destapau, que o tapi, que o trasiegui... Bueno pues isu que dentru de poicu as nosas boigas estarán cheas de viñu y de mañegus amantis do ambienti que se respira en estas reunios vinicolas, que sabis cuando empezan peru nun cunadu acaban. Sin mas un saluu pa tos y que coda o viñu. |