DE sindromi?.....na de na ¡Por fin oixi nun se traballa! Por que ayer algún, inclusu, se vi obligau a fel algunha coisa, dispois de tantu tempu sin fel ná, estis primeirus dias son criminais ¡ como si as vacacios foran a dural sempris!. ( nun falu de os jubilaus, que se fastidiin, que nun tenin vacacios, ya que nun traballan). Está claru que, ya que nun escribis na, esteis tos afectaus por o “sin dormi post vacaional”, ¡ hay que vel! ¿Como vos dieseis enganal por os modernusn psicologus?. ¿Sabeis que esa enfermeai nun existi? E un inventu de algún vagu, pa justificalsi. De sempris ha existiu a murriña a o dilsi de casa – acordeibus os que estudiabamus fora- o sencillamentei por dilsi y volvel otra ve as tareas normais. Si, normais, por que nun me digais que e normal, levantalsi y eitalsi cuandu un quel, dilsi de paseu disfrutando do paisaji do campu, o tomal unhos viñus por os baris o en unha boa pichorra, xugal u dápiti o cualquera de esis novus xugus de cartas que ago se xugan en o lugal, o sentalsi de noiti disfrutandu do frisquitu ( do airazu aquel non ¿eh?) con unha boa bibia. Isu nun e normal. O normal e produdil, traballal, aguantal a esi compañeiru pesau o a esi jefi c...b..azu que nun te deisa paral, o a esi clienti que se cree que solu o sei e importanti. ¡Ago estamus en a normalilla home!, asi que ¿sindromi postvacacional? ¡ leches! Via normal y se acabó, o que pasa e que custa traballu recoñocelo, temus tendencia a vagancia, como, a mayuria, temus tendencia a engordal, asi que ¡a traballal! que sin non jun se gaña pa comel y a nun comel mutu que si non se engorda. Asi que, ya sebis, dispois de esta chorrá de reflexión, contei algu, aunque sea pa recordal coisas, ei, de momentu, voy a recordarbus os xugus que tiñamus de pequenus ( os que pasamus de os 40 ), : o chitu, as bugallas tamen chamau Guá, a rayuela, a raspa, o verdugu, chimilitales, imbo cachimbo , o avión, as chapas, os botós, a comba, a fincacha, o banderín, a resbaleira, a malla (escundiallas), o corru, o tirabli, ....poeis siguil. Con o tristi recordu de o que fai anus pasó tal como mañan en as Torris Gemelas, inda impuni, y que tos vivimus en directu. Vos salua Chitu
|