San Martín de Trevejo - Caceres

IN MEMORIAN

Que tristi está O Chafaril
y que triste a Fonti o Prau
ya que desde o Ceu han chamáu
y Pacu a tíu que acuil.
Le han seidu alí a recibil
con cítaras y trompetas
os Ángilis y os Profetas
que jubilosus, cantandu
sabin que alí vai chegandu
nosu mañegu POETA.

¿Quin le cantará a lugal?
¿quin a esis ríus y fontis?
¿quin recordará esis pontis,
ondi fomus a xugal?
Pacu acaba de viaxal,
y quin o haya cuñucíu
sabi que sempris ha síu
tan forti cumu un-ha peira.
¡Sempris nos queará Cancheira,
aunque Pacu s’haya díu!.


Con afectu, pa os fillus y a mullel de Pacu-Cancheira, a os que esta mañán, en o Tanatoriu de Jerez tuvi a oportuniái de coñocel y salual.

Tamén a Chucho y a Toni a os que le di un abrazu que agora le reiteru.

Esti pequenu homenaje, p’a un gran poeta

Desde Portu de Santa María

B.RODAS

Fai unhos días que nun entraba en o foru y hoiýi me enteiru que CANCHEIRA-PACU nos ha deixau p'a sempris. "Sempris nos queará Cancheira", é verdai, aunque Pacu ya nun esté, cumu didi BRODAS. Me unu a o pésami a sua familia, sua mullel, seis hermanus y fillus.
Algu temus que fel ademáis de sintilo cumu a sintimos tos os que hemus líu con emoción os versus que CANCHEIRA ha dedicau a o lugal; se me ocurri que o lugal, o esti lugal virtual que é esti foru, puía dedicarli a él tó o que ha publicau aquí este foru y en o otru en forma de libru; alguin que sepa felo, ben feitu, p'a que tos os que disfrutábamus con as suas poesías poamus siguil disfrutando con elas mutu máis.
BRODAS, tú que tés boa mán puías recollel toas esas poesías y vel, cun permisu de su mullel y dos seis fillus, si se poi fel istu que estoy prupuñendu. Creu que siría un bo homenaji a unha persoa que tantu a feitu por o lugal.
Si inda sigui a convocatoria do día 12 se puía falal istu o cualquel otra idea que se os ocurra.
Un abrazo tristi pa tos.
O CAMIÑU

boas tardis a tos.
e estau 15 dias fora, por isu me unu
agora cumu tos a dali o mais sintiu pesami
a toa a familia de CANCHEIRA que Dios o
teña en o sei senu y descansi en pa.
ei tamen creu que seria un bo homenaji
recopilar toas as puisias suas.
un abrazu pa tos.

Gracias nuevamente por todo vuestro afecto, sólo queríamos decir en respuesta al mensaje de "O Camiñu" que no sólo no hace falta pedir permiso sino que estaremos encantados de que se pueda llevar a cabo esta idea. Nosotros, mujer e hijos de Cancheira, a pesar de la distancia, seguiremos yendo al pueblo siempre que podamos porque albergamos los mismos sentimientos que mi padre tenía por su pueblo. Un fuerte abrazo para todos los que le quisieron de todos nosotros. Maruja, Vicky, Carlos, Álvaro, Ángela y Borja.

En a siguienti dirección ven a nuticia de un periodicu de Canarias en o que se fain ecu da morti de Cancheira.

Descansi en paz.

https://ww.cronicasdelanzarote.es/article.php3?id_article=2858

Brodas: Nun se que ha sacau o escritu sobri a calli da Cia. Ma remuviu os sentimentus y he voltu a esis tempus purque me recordaba de estas décimas que le fidestis cuandu nos dexó. O 25 de Juliu fidu tres anus.
Ya mo imaxinu con Marcial pegandu unha paráfá alá arriba, falandu do lugal y do vinhu. Que teñan pacencia que ya diremus a velos.
Sigui deleitandunus con tuas puesías que agó tes tu o "testigu".
O Lugal e pequenu, peru se ve que esi Valli a dotau as/os mañegus de valoris especiáis en toas as ramas,xeniu e inxeniu.
Forti abrazu.