San Martín de Trevejo - Caceres

Hola a tós:

Cumu bén didi mei parenti M/E, a ventán nos ha tíu intritíus un tempu y nos ha dau pa "falal".

se me han ocurríu estis versus sobre a ventán, que os poñu.

A VENTAN DE BARARA

O furista FONTI NOVA
- fillu de “Xabel a Charra”
nos ha feitu un bo traballu
sobre a ventán de Barara.

Con mutu cuñucimentu
con un-ha menti preclara,
o amigu Pacu, curiosu
o Foru ben s’o repasa

¿De dóndi ven a ventán?
- o investigaol demanda -,
Signus celtas aparecin,
que nos levan hasta Xálima

Se ve que a ventán é bella,
se ve que a ventán e guapa,
se ve que ten mutus anus,
se nota o tempu que pasa

Nos ha divirtíu a ventán
nos ha dau tema de “charla”
e importante dialogal
y nunca perdel a calma.

Que si a ventán é do pastu,
que si a ventán e d’a palla
que si é miña, y a conservu,
y que nun queru pintala

A ventán ya ten dois siglus
- didi o dueñu -, que declara
que ni a cedi a o Axuntamentu
ni le da barní ni laca.

¡Nun me levantis a vó
escribindu en letras “magnas”!.
Chenchu quel dexal o viñu
y bebel tila y tisanas.

Se nota que esta ventán,
en dondi está nun estaba.
Han tíu que poñel lairillus
y de esta forma axustala.

A ventán ¿dóndi está agora?
Jota Ele nos aclara:
esa famossa ventán,
está detrás d’as campanas.

Y si ei fora lagarteiru,
sólu p’a que me rimara,
en vé de escribil “ventán”
tindría que poñel “ventana”.

Y p’a acabal estis versus
digu istu sin jactancia,
propoñu que se coñoza
cumu a “ventán de Barara”.

BOOS DÍAS

B.RODAS

boos dias a tos.
mui ben estis versus.
ya se vos eitaba de menus en o foru estes dias.
un salu pa tos.

Unohs cuantus cuertetus ben dispostus, refrescan o ambienti y merecin a felicitación, por lo menus a miña. ¡ Ben treidu o poema!. Un abrazu . Chitu

Muy boa, BRODAS. Pero que ben has sabiu dali esi tonu de humor que te caracteriza , eris un geniu cuandu te pòs, me ha gustau mutu y me e riu mutu con ela. Ya empezaba a eitarti de menus pero veu que estas a o hacechu do foru y que nun te se pasa na de largu.

Ei tamen estoi d'acordu de que esta ventan ( que desde agora sera a ventan mais famosa do lugal) se le coñoza cumu a ventan de Barara, (isu si, con o permisu do Sr. ic.) y habra que poñela en a guia turistica cun as explicacios de Fontinova II.

Cambiandu de tema:

Queru aprobeital pa eidil a tos/as furistas, que estoi pensandu en unha fecha pa encontrarnus tos os que poamus(contra mais seamus, millol) en a boiga "Tiu Luis", y a o mei parecel pensu que dibiria ser pa meyaus d'Agustu, que e cuandu mais genti hay en o lugal; peru se aceptan otras opinios.

Soidi pa tos


M/E

Dispois,de un fin de semana ausenti,me enganchu de novu a o carru. ¿Dondi has estau ¡ Brodas!?. Ya pensaba darti un-a chamá. Tardas en entral;pero cuandu te decidis,ofais por a porta grandi. Mui guapus estis versus ¡¡demonius!!.

Nunca imaginí,que a dichosa ventán fora a levantal tantas ampolas. Me o pensaré,mui mutu a proxima ve,antis de fel cualquel comentariu.

Un abrazu,FONTI NOVA II

Non, de niñun-ha maneira amigu Fonti nova Dois: Nun tu tes que pensal tantu.
Esis comentarius, y otrus de igual categuría son os que le dan esa crasi que ten esti foru, envidia de toos cuantus nos miran y nos leen.
Os cuñucimentus hay que compartilos. Guardaus en un baúl nun sirvin de ná. O únicu que poin é apulillarsi.
Si con isu logramus, cumu didi M/E que en a próxima guía turística, veña incluía, con os teis comentarius, esa ventan, y si encima, le chamamus VENTAN DE BARARA, estará muy ben.
Te deseu soidi, y te mandu un abrazu.
Otru abrazu p'a esi netu de Barara, que ha feitu un gran traballu sobre o Conventu, y que, desde aquí o felicitu. Me ha pariciu genial, y encima o detalli de tradudilo d'a francés.

Por certu, en un-ha ocasión, quizá en máis uivi un-ha frasi o un ditu por o Forti, que viña a sel así: ¡Barara o d'os cordonatus! ¿Qué era isu?

BOAS TARDIS A TOOS.
(Me resistu a idil tamén a toas, porque creu que en esti casu se trata de o epicenu, que vali pos dois).

"¡Barara o dos cordonatus!". Me cheira,que JL está detrás de istu. Nun creu,que sea coixa de M/E.

Se trataba do siguienti: a primeira máquina de soldaura eléctrica que hubu en o lugal,foi a de Tiu Luis. Ya te pois imaginal!.En cuantu tiña a máis minima oportuniai,ya estaba enganchau a ela; soldandu,to o que se me puñia por deyantri. Entoncis, ei le idia a Tiu Luis : Barara,mira que cordonatus!!. Nun sé,si era a istu a o que te refirias.

Soidi , FONTI NOVA

Si que me acordo o de os "cordonatus", peru que consti que ei nun teñu na que vel con esti asuntu, nun se de dondi habra seidu o tema, seguramenti de M/E, o de alghin do entornu. Explicu pa o que nun teña cuñucimento de a soldaura, que se le chama "cordon" a o material aportau con o eletrodo sobri o material base pa unilo, (digu istu nun sea que alghin pregunti, i isu de os cordanatus que quel idel) Fonti Nova mais de unha ve por a noiti vias "estrilitas" que tempus?
Pa BRODAS, te agradezcu sinceramenti o romanci que as feitu da Ventan, me preguntu ¿¿a esti homi le custara mutu felos?? si nun e asi te piu que fayas mais, por falta de material nun vai a ser. Referenti a Ventan estamos tratandu de averigual quin foi o manitas que a fido, o quizas foi un antepasu tei?, vaiti la a savel.
Soidi pa toos. JL.

Jose Luis, a ventan nun pú fela ninhum Almaraz, por que estis chegorin dispois de estal ia feita.

Soidi

ismael

ic:
E verdais o que didis, me acordu perfectamenti, purque cuando ei dispirti vi a o dinosauriu, a ventan solu era una vulgar ventán, nun a de "Barara",os Almaraz en Almadén buscandu uraniu y os Dominguez fendu ventas de ferru o.. ¿ sirian zapatus? y domingueandu

Bos tardis
Chenchu

Claro que os Almaraz nun puian habel siu os que fideran esa ventán,porque esis eran unhas tribus bárbaras que viñeran en ordas do norti a asentarsi en'esti valli cono unicu propósitu de fel unha central nuclear que logu fideran en otru lau.Ditu istu,unha cultura tan cerrá cumu esta,nun puia sel ventaneira,sinon tabiqueira y masónica,vélei que nun apareci en esis síbulus niñún compás,ni escuadra...

boas noitis

Vamus a vel¡ Ten radón ic !. Si Fontinova didi que a ventan ten origin Celta y "Almaraz" ten origin arabi. ¡ Isu e de catón ! Cuando viñeran os Almaradis, ya era bella a ventanita celta. Nun hay que pregntali a Peiru Picapeira Chenchu, lógica deduccion y cru y raya.Vos salua Chitu

Si a ventan fora de origin Celta siria de peira y tindria cristais "climalit". Si fora arabi, de os Almaraz, tindria o simbulu de unha central nucleal. A mi me pareci que a ventan, si ten 200 anus,( que habia que feli a proba do "bicarbonatu-14" mais ben puiría sel feita por un antepasau de Tiu Sindu que dixu: Agó le fayu unhas rayas parriba y otras pa baixu, duas cruzas y dentru de unhos dudentus anus os teñu a tos de cabeza.

Falandu ya en serio,primu,estais idindu que a ventán de marras ten un mínimu de !23 siglus!.!23 siglus a intemperi y sa conservau hast'agora!.Radón de mais pa siguil dandu publiciai ao lugal y metel a ventán eno libru Ginness...unha burrá.Cuandu viñeran os romanus aquí,s'encontrorin con esta maravilla celta de símbulus perfectus geométricus y definius,!que barbariai!.Ami me pareci que estamos sacandu ya as coissas de testu y empezamos a vel celtas pot tos laus.
Bos dias

Falandu de Celtas, os que me he metiu ei po corpu, dos largus i dos cortus, menus mal que ia deixe de fumal fai ua pila de anus que si nun.....
Soidi a Fala

Traiu agora istu a colación, pâ que lalo-rocki se faia un-ha pequena idea sobre a ventan de Barara.
Bos días
A vel si encontru o retratu y la ponhu un añadíu pâ que saia