San Martín de Trevejo - Caceres

Digu que vamus a dedicalnus a escribil, pero teñu que continual: escribil en mañegu, y pa isu, cumu vos dixi en algun-ha ocasión, aquí teñu algun-has palabras con essis suíus que temus os mañegus y que nun hay en castellanu.

As poñu agora, p’a vel si nos vamus ulviandu d’os insultus (que isu é o que son essis intercambius de opiniós, que aparecin de vé en cuandu por esti foru).

Nun é síu nunca un intindíu en istu d’o lenguaji, (me he dedicau a insinal matemáticas y Ciencias os últimus vinti anus). As poñu agora p’a vel si acordamos algu a hora de escribil. (Pareci a a hora de falal, estamus t’os d’acordu).

As teñu apartás en tres (cuatru) grupus:

1.- Palabras que pronunciamus cumu a X antigua. (A esti suíu os técnicus chaman: palatal fricativa sorda) Algún filólogu he vistu que as escribí asi: di´xi, dei´xal, deba´xu…Ei he encontrau éstas:

Abaxu, afloxal, ameixa, atexu, baxal, caxa, caxón, coxu, debaxu, dexal, empuxal, enxabergal, floxu, inxertal, lixía, lixosu, luxal, muxanas, páxaru, pirrixil, poixá, poixal, puxal, quexa, Xabón, xairón, xálima, xaringa, xarugas, xilgueiru, xilgueiru,
y os derivaus de esas palabras….

2. Palabras que pronunciamos cumu a jota portuguesa, (os técnicus didin: palatal fricativa sonora), que Camiñu propón con esa letra Ý, ante a imposibiliai de poñelo de otra forma con ordenaol. Algún filólogu o escribi asi: ý´senti, ý´senru, estiriý´sal…. He encontrau éstas:

aleýau, alfoýa, aneýu, anteýu, aventaýal, aýuntal, aýuntamentu, aýustal, aýustal, beberaýu, caleýa, cereýa, ceýa, estiriýal, estoýal, forraýi, freýós, friýil, fuliýi, furniýa, gaýu, granýa, guiýarru, hoiýi, lagartiýa, liýeiru
lonýi, maniýa, manoýu, miýal, miýenga (pájaro), moleýón, monýa, moraleýa, mostaýu, muruýa, O Brinýel, panýinýa, partiýa, peleýu, salvaýi, sanýuaneiru, surtiýa, suýetal, tinaýa, tiýeiras, ventaýa, verdeýa, viaýal, vinaýeira, ýabaril, ýarra, ýaula, ýeira, ýenru, ýinýa, ýornal, ýovis, Ýuan, ýugal, ýugu, ýunqui, ýunta, ýuntal, ýusticia, ýustu, ýuvíu, zanýa
y derivaus

3. Palabras con a esi entre vocáis , vosotrus, tesoiru, (esas essis que soan muy suavis) que puíamus escribilas con un-ha s. Entoncis, siguindu a filólogus cumu Jesús C. Reý Ýelmo o José Enrique Gargallo, dibiríamus poñel duas esis p’a otru máis forti cumu atravessal, bassura, essi, fressa.... (Dexamus os tecnicismus). He encontrau estas otras:

acusal, agasallal, artesa, asa, avisal, beisu, besal, brasa, camisa ,casa ,casal,
casu, coisa, cosel, fusu, guisal, guisanti, iglesia, interesal, manoseal, maripoisa, mesa, miseria, nosotrus, paisanu, pesal, pésami, pesebri, peseta, pisal, presa (agarrá), purtuguesis, retrasal, risa, rosa, rosariu, tesoiru, tesu, traseira, usal, vasu, vosotrus.
y os derivaus y tamén varius adjetivus acabaus en osu, por ejemplu: mufosu, avariciosu, famosu, asqueirosu…

4.- Por últimu palabras que tenin tamén a s intervocálica, pero que soan máis forti cumu en o casu de bassura, essi, fressas, etc. y que he vistu a algun-hos intindíus que as escribin con duas essis. Esta palabras as poemas escribil con duas esis, cumu as anteriores o estas otras:

amassal, apressa, arrassal, assal, assegural, assí, assustal, atravessal, bassura, Batissela, classi (crassi), depressa, engrassal, escasseal, espessu, essi, gassa, grassa, ilussión, jessuita, missa, necessiai, nossu, ossu, passeu, passu, pelussa, processión, sossegal, sossu, tossi, trassegal (o viñu), travessu, tussil, vossu, yessu,
y derivaus.

Que duda cabi que o tema quea abertu, p'a consideración, añadíus, ampliaciós, complementus y otras máis.

Porque,claru está, esta lista nun é exclusiva. Si algún ten que añadil algun-ha, que o faya (por favol: insultus y descalificaciós NON)

Boas tardis

BRODAS.

Amigu BRODAS:

A mi me pareci muy interesanti (cumu escribu istu?) "interessanti", a tua proposta , y dibiriamus de concretizalnus ya en to que propos, porque si non istu sera o contu de nunca acabal, porque nunca se escribira a gustu de tos, o mau e que tindriamus que volver tos otra ve a escuela, pero te digu que vas por bo camiñu pa mei entendel y si queremus fel algu de unha ve debemus decidirnus.

Un abrazu y soidi


M/E

Gracias Brodas,por esi traballu en favor d'a nosa fala,
Ei,nun entendu na de filologia,asisque o que mais sepa ,que mais diga,
Ei quiria idilti que o terceiru y cuartu grupu, me parecin muy ben;pero d' o primeiru y o segundu,teñu algunha duda...
Por ejemplu certas palabras : cumu ( abaxu)a mi me soaria millol si se escribira( abaixu,)...,nun se si e un errol d'escritura,o e que a (i),entra en o suiu d'a (x)???
En (aleyau),nun falta otra( i) :aleiyau???(nun se inda cumu fel pa poñel o acentu)
bueno,ya me diras..mutas gracias
Un saluu afectuosu
Anduriña

Anduriña,como tes esi vuelu tan rasanti y rápidu te me has ayantrau. Coincidu contigu,hay palabras como :
Aýustal estiriýal, friýil, fuliýi, furniýa guiýarru, hoiýi, viaýal, vinaýeira, ýabaril, ýarra, ýaula, ýeira, ýenru, ýinýa, ýornal, ýovis, Ýuan, ýugal, ýugu, ýunqui, ýunta, ýuntal, ýusticia, ýustu, ýuvíu, zanýa......en as que soa ben a "Y" y nun me importaría adoptal esta forma de expresion
Pero hay otras como as que tu didis que falta unha i por que a mi me pareci que idemus puixal, queixa , enxiabergal, pero e unha "i" caixi múa o que soa muy poicu ¿nun creeis ?. De toas maneiras, Brodas, has ejerciu a tua profesión insinandunus a tos, ¡sempris hay que aprendel! Te piu que sigas por esi camiñu. Vos salua Chitu

ei de istu se que nun se na. ei escribu segun falu,i asi i to seguru que o fayu mal.creu que anduriña ten radon pro to o que se fali i se escriba de istu esta mu ben.¡¡¡¡euuuuu!!! boas tardis a tos.

Boas tardis.
Pa os que entendeis i habeis estudiau esta mui ben.
peru ei digu igual que pichorra que escribu segun falu
i o faire mal.Peru ei creu que me entendeis.
un salu pa tos.

Aclaru que istu últimu que puxi n'o foru, nun é máis que un complementu d'un escritu d'O Camiñu, de fecha 12/01/0 d'as 02:06.

Esi é o traballu verdadeiru.

A mi me gustó, cumu tamén as respostas que hubu, un-ha de Chitu y máis.

Dispois O Camiñu aclaró algu máis en un escritu de 8/2/06 d'as 22:57.

Por o tantu, nun é méritu mei, sinon d'O Camiñu, d'o que me consideru, en estis temas de lingüística un discípulu aventaýau. (Digu istu porque soy mayol que él).

A propósitu de Camiñu ¿Algún sabi dóndi anda?

Ei sé que se le poi aplical aquilu que dixu Homero;

"Aliquando bonus dormitat Homerus"

Bueno: ya está ben. ¿Nun te sobra un ratu dispóis de atendel a esis tesoirus de dagáis que tendis y nos atendis a nosotrus en esti tema, quie sé que dominas ben?.

Un beissu p'a muller y otru p'os dagalitus.

BRODAS

Estoy de acordu contigu, dediquemonus a escribil y deixemus o análisis fonéticu abstractu con a práctica articulatoria y acústica, pa os linGüistas, pa os filólogus.
Existi o ALFABETU fonéticu INTERNACIONAL (AFI) que nun e usau obligatoriamenti de maneira universal, ni por linguistas de un mismu pais, ni por os linguistas que traballan acerca o mismu grupu de lenguas, ni por os que publican en unha misma revista. Existi arbitrariai en as transpcios.
Existi o alfabetu Foneticu de a REVISTA DE FILOLOGIA ESPÑOLA, II, 1915
pags 374-376. Existi o Alfabetu romanista (STRAKA) o da "máquina de escribir", arabista, sanscritista...
Antis de empezar cualquier estudio fonéticu siria imprescindibli puñernus de acordu en a creacion de un alfabetu mañegu fonéticu que o Administraor -SISTEMA DO foru - por a sua estructura nun deixa.
(Con o "Wold" claro que se poi transcribilo)
Nun me deixa transcribir, por ejemplo, en AFI a vocal aberta /e/ cerrada de "mesa". Nun e pusibli transcribir a /u/ aberta de "rubiu"
"culpa" etc..

¿Puñel unha tildi en a /y/ fricativa palatal sonora?

Opinu que o nosu é escribil en mañegu y ya vendrán, si e que a Fala nun desapareci, os filólogus que LIMPARAN Y FIJARAN a nosa FALA desde o puntu de vista, gramtical, lingüisticu y fonéticu.

Brodas, aproveitu a ocasión pa preguntarti cúmu vai o tema "RADIO"

Bos días.
Chenchu.

Os meis coñucimentus, nun dan pa poel aportal ná eno tema da escritura da fala.Peru si pensu que,sendu cumu é un tema difícil i sin menosprecial a naidi(nun coñozu a toos),Chenchu nun va descaminau eno que didi sobri o que ai que fel con ela, que nun é poicu,falal.Os que a teñeis cumu fala materna o falais ben, fel o esforzu de usal vocabulariu pa que os demais aprendamus(ben pol as aportaciós o Diccionariu).Esperu nun molestal a naidi.
Un salúu

Amigu Chenchu:

Ná sé do tema d'a radiu. Estoy tratandu de vel a vicepresidenta d'a Diputación de Cáciris, que é do lugal dondi traballu, pero ten mutu traballu.

Aquí hubu duas o tres propostas, en o sintíu de escribil a o Ayuntamentu, o inclusu a Xunta de Extremaúra, pero pareci que nun cuallorin.

Ei me chiguí a ofrecel (de forma gustosa), porque o Cerrumicli me fidu encargau d'o tema; puxi o mei correu y nun recibí ninhuna resposta.

Digu cumu tú que vamus muy apresa, mutas ideas, pero caxi ninhuna cualla; antis de agotal un tema, ya estamus empezandu otru.
Isu cuandu nun nos metemus (se metin, queru idil) en insultus y descalificaciós.

¿Cúmu sigui tua mairi?

Otru día me mití en un-ha página de una tal Leticia, y me encuntrí con un-ha fotu de tua mairi. ¿Esa Leticia é tua filla?

Soidi.

BRODAS

A Brodas:queru dalti as gracias y o mei"apoyo"tamen a Camiñu,p'a que sigais con o tema d'a fala

Tes radon Chenchu,d'idil qu'o nosu, e escribil en mañegu, y que os filologus,fayan o sei traballu...
Pero ,ei creu,que estaria ben,y caisi diria ,necesariu,que nos puiseramus d'acordu,pa escribil tos por un igual,siria mutu mais bonitu, pa nosotrus,y tamen p'os os forasteirus.....
Chenchu(,tu eris, por mutas rados,unha das persoas apropias que" pueda" ayual en esti empeñu)
beña,fai un pequenu esforzu...aunque nun se faya o traballu d'o filologu,si se poi poñel un poicu de ordin...(istu e a mña opinion namais)

Boas noitis a tos/toas
Anduriña

He tiu que poñel duas palabras en castellanu ,porque nun mas deisa pasal

Se me ulvio de poñel o seudonimu,en o mensaji (vamus a dedicalnus a escribil) :21:40

Tendis radon en que estamus usandu escritura fonética, por isu se me ocurri que puiamus tratal de que algún lagarteiru y algun velderdeiru escribiran pa vel semejanzas y contradicios, por que, si e que se han unificau as tres formas de falal en unha que se chama " a fala" con as tres variantis, me da a impresión que en o troncu comun que temus, aunque haya formas distintas de pronuncial, tal ve encontremus formas comús de escribil o que pronunciamus. Digu istu por que en os forus de As Ellas y Valverdi nun hay na de na. Puia sel unha via de investigación ¿non? A ver que opinais. Vos salua Chitu