San Martín de Trevejo - Caceres

Desde fai unhos anus, o nosu lugal se ha habertu o mundu, protegiu por o valli a nosa fala ha diu evolucionandu desde a reconquista de unha maneira indempendenti cumu o portugues, castellanu y gallegu; a mia opiniun es que descendi tos de o astur-leones... O que queru debatil es que desde que se a abertu o lugal ( carreteiras , internet, emigration..) a creciu o interes en escribil a nosa fala, en renvindicarnus y justificarnus, de cumu y cuandu se escribi. Si se escribi con gramatica galega, portuguesa o castellana, vaya dilema.

A nosa escritura nun a existiu simplimenti por que nunca hemus tiu nosus propius organizmus mañegus pa escribila duranti os siglus. Y agora que poemus escribilu, nun sabemus cumu felo... he importanti vel cumu escribi o portugues, o galegu, y o castellanu sin ulvialsi de o latin y o astur-leones que son a nosas reidis.

Os consellu os librus de Mingu, de Galindu y de quin se atreva a escribil a fala... he muy prontu pa sacal conclusios peru nun he tardi pa opinal; personalmenti me gusta mutu o callejeiru de Mingu escritu en mañegu y a suas descripcios de o lugal.