San Martín de Trevejo - Caceres

¡¡Hola Brodas!!(Fernandu).En primer lugar,te doy as gracias por esis deseus de soidi que me envias.Queru que sepas, que són recíprocus.
Ya feya tempu, que sabia quen era "Brodas".Cuandu fidestis esa pregunta, me di conta ensiguia,de o tei tactu y delicadeza a nun querel terminar a frasi,por si me hubera sintiu ofindiu. Te poyu asegural,que na de isu hubera ocurriu,sí non to o contrariu.

Nunca supi con certeza,de dondi viñu o moti de "borrachu".Creu que foi D. Ciprianu,cuandu me daba algún de aquelis pescozós, que me feiya dil de un lau a otru do pasillu.Poi sel tamen,cuandu me obligaba a tomal aquelis productus: (Made in USA).Que solamenti de pensal o ascu tan grandi que daba, bebel aquela leiti tan asqueiroxa y aquél queixu tan amarelu, que me diba quendu por o camiñu,y él gritaba:¡¡CHICHARRO!!. ¡Parece que estás borracho!.
Sea comu fora.Desdi entoncis exceptuandu a pichorra,pirdí to o interés
por a bibia.
Sabia,que M/E.Me estaria vigilandu con ollus de halcón,habel cuandu puia agarral o cabu que le faltaba pa ácabal de identificalmi.Hasta que Cancheira le brindó a ocaxión.
Bueno!.Comu tú,tamén andu con a docencia.Estoy en o mundu de a tecnología industrial, y doi clasis de: "Automatización Neumática y Oleo-hidráulica".Pero,creu que o deixaré prontu.
M/E!! (Ángil).Pues claro que te recordu,dandu marteladus cunmigu en a fragua de tei pairi.Tamen coñozu o lugar dondi vivis agora.
En a loca juventu,me agarri un anu sabaticu y me foi a París a estudial o Francés.Estubi estudiandu en "ALLIANCE FRANCAISE".Estaba en 101 Boulevard.Raspail(Barriu Latinu).Seguramenti,coñocis esa zona.
Traballaba,dondi y comu puia,pa comel y pagal a escuela.Seguru,que en to barriu (St.Germain),naidi me gañó a fregal platus y perolas. ¡Pero bueno!!.Comu dixu aquel Rey Frances: "Paris, ben vali unha misa".
Istu e caixi un currículum.Solu me quea que poñel,que tuvi o privilegiu de nacel en uha entrañabli población, o noroesti da provincia de Cáciris en o anu (mil novedentus cuarenta y seis.Istu ultimu,o he añadiu pa "CHITU".Me dixu que tindria que tel mais anus que él,puestu que nun chegó a coñocel a "Tiu Pantaleón".
Soidi...

Quiríu Fontinova dois:

Aunque me pasi de pedanti nun me que mais remeiu que idil con o sabiu latinu aquilu de

Amicus certus in re incerta cernitur. (Quinto Ennio)

“Al amigo auténtico se le encuentra en el momento de más incertidumbre”,

Hubera puíu estal máis de meiu anu hasta sabel quin era Fontinova dois. Sé que tú o escribis con númerus romanus, y tamén, lendu entre línias, sé que o que ei o escriba con letra mañegas, nun te importa.

Que te dediquis a docencia, me alegra mutu. Estimu que hay oficius pioris.

Poicu a poicu, vamus sendu tos a palestra, porque toos nos criamos, anu arriba, anu abaxu, por o mismu tempu. O Chitu me ten intrigau, y c’a vé máis. Agora sai con que nun conñocei a tíu Pantaleón. Tampocu coñocei a tíu Faustinu. Un-ha de duas o é d'As Ellas u o didi p’a disimular. Eris algu mayor que ei, y por tantu, siguindu un-ha ancestral ley, nun escrita do lugal, te teñu que falal de vos.

Así o fayu, quiríu Fontinova dois.

Te salúa, desde terras extremeñas.

BRODAS

Amigu FONTINOVAII: A o principiu nun tiña ni idei de quin poeras ser, pero en cuantis nombrastis a toa aquela yenti do Forti y en particular o apreciu que te tiña mei pairi,(y isu o certificu ei) ensiguia pinsi que nun puia ser otru mais que tù, solu me faltaba o nomi , que dixestis que era o mismu que CANCHEIRA ( o nosu poeta, que agora con BRODAS y demais, tendremus que fel mais premius)

Me hubera gustau haberti vistu por Paris, pero isu ya fairà mutus anus.

Ya chegarà o veran y hay que fel o posibli pa vernus tos en "A BOIGA DE TIU LUIS"

Un saluu y soidi

M/E

Quiriu amigu Fontinova II. ¡Jamais me diba a imaginal, a primeira ve que e liu algu tei en o foru que eras tu! Fai mutus anus que nun te veu ni sabia na de ti, por que nun hemus coincidiu por o lugal, pero sempris te tuvi en gran estima aunque nun hayamus tiu contactu en a juventú y dispois,aunque si en a niñez.Nun he sabiu na de ti, aunque si sabia, por isu nun me sorprendi, que tiñas agallas pa fel o que as feitu por ti mismu, por que,mais que menus a nosotrus -Brodas, Chencu, Cancheira, M/E y otrus- nosus pairis nos facilitorin posibiliai de estudiar, en lugal o fora de él, internus o non, pero o tei ten mutu mais meritu, tu has chegau dondi estás por ti mismu ¡ que grandi e isu!.Nun sabis como me alegra sabel que eris tu y que esti veran te daré o abrazu que te mandu agora mismu.Chitu

Amigu Chitu!!.Será un autenticu placer por a miña parti,devolverti esi abrazu tan forti, que agora me envias.
¿Pero, comu abrazal a un chitu?. Queru abrazal a algu mutu mais "GRANDI".
Te voy a pérsiguil sin darti respiru,hasta que sepa qui eris.Esperal hasta o verán,me pareci unha eterniai. Así,que si nun sais da gazapeira o antis posibli,fairé comu aquelis mañegus que nos contó Cancheira.Le prenderé fogu a o vival pa que saya o cuellu.
Soidi...

Mira Fontinova dois:

O Chitu, se está queandu con nossotrus. Hay un-ha coiça que nun cuadra:

Nun se pòi habel nacíu en os anus cuarenta y nun habel cuñucíu a tíu Pantaleón, que entoncis, se idía, era o homi máis vellu d'o lugal.

De toas formas, te tendré a o corriente d'as investigaciós

Soidi

BRODAS

Pues claro que o Chitu se esta queandu con nosotrus, inda nun vos habeis dau conta que tamen e da "fornà" dos 40 y que cuandu se le tira algunha indirecta sempris se esquiva , porque actua con muta diplomacia. Ei ya o teñu acorralau, porque o e entalau en varius mensajis y t'os me coincidin en unha misma persoa, pero estoy seguru que si o nombru, sempris me dirà que estoi equivocau, solu èl se poirà descubril; Si quereis pistas , teñu un monton (pero cobrandu)
y si non, pos espereis "que ya llegarà el verano" con mutas sorpresas.

Soidi pa tos/as


M/E

Amigu Pacu nun savis a legria que me das de que estes en esti Foru , me e queau tan surprindiu cumu os demais, ¿te acordas de "Barara" que sempris nos chamabamus asi?, mais de unha ve me eitasti uhna man en o de "sonal" (esta palabra nun a savin mutus) tu si te acordas? que dispois de chegar de traballar me axuabas. aunque te tiña que fel un dirigiol pa o aru o poñelti un picu a piona que te fidu tiu Sindu.
Me alegru que te encontris ven en compañia de os teis, te manda un forti abrazu. Joé Luis. Barara.

Hola "Barara"!!.Ulvialmi de to o que didis en o tei escritu,siria comu ulvial toa a miña infancia.
Están tan prexentis, que e comu si huberan ocurriu ayel.
Aquela fragua y as persoas que a integraban,era comu a miña segunda familia.Si alguin quiria encontralmi, que me buscara en a fragua.
Me ha feitu muta gracia, o de poñel o picu en as pionas que nos feiya Tiu Sindu.As de encina,eran as milloris,¿te acordas?.Con o aru,feiya auténticas virguerias,nun habia camiñu por mau que fora,que ei nun puera dil con o aru.
A mayol relación que tiña,era cuntigu y con tei pairi.Filipi y Angil,comu eran mais pequenus diban menus por alí.
¡Supoñu que Filipi y Tú,siguireis en o lugal!.Angil,ya se dondi está.De pacu y tua hermana,muy poicu o na se.O que recordu de Pacu,e que era un dos alumnus mais brillantis da escuela.Dibujandu,era o millol.
Cuandu vaya o lugal,ya procuraré verti.Un abrazu pa ti y os teis.
Soidi...

Os anterioris intentus se me ha borrau)( esta e a cuarta ve que tratu de mandal istu)
Mira que sois maus ¿Eh? ¡Ei que pensaba chegal a o verán sin ser descubertu ¡ Pero se me está poñendu difícil. Era parti, un poicu, do xugu que e participal en esti foru envidia de mutus. Por isu prefieru siguil asi, aunque si quereis satisfacel vosa curiosiai, poñeis o correu en o foru y con mutu gustu vos doy a pista definitiva. M/E pareci que está en camiñu, pero cuau, que as apariencias enganan, como didi Brodas. Por ogora, que he tiu unha mañan que pa mi quea me dispiu. Vos salua, antis de comel inda, Chitu

CHITU,acabu de dalmi conta de quin eris,
pero pa que "nairi" s' enteiri ,ei na dire
solu te digu, y en frances, (tu as triché)
,pero,.... os has feitu muy ben.
Istu e un xugu,y cu tal,... o tomu ei

Si nun entendis o frances,M .Ext.,te poi idel

Istu que sigui o habia escritu esta tardi pa ti ,Chitu, pensandu que eras otra persoa, aunque ya nun ten sintiu,o poñu pa que te rias

Mira Chitu,ei nun se cumu t'as arreglau,
trindriamus que dalti un premiu,
que dos furistas antigus,tu
aun siguis en o misteriu

Ei queru sabel quin eris,
cumu, tu,ques sabel d'os otrus.
Tu eris un Chitu muy listu,
"tu sabis mutu de leyis"
dimi ....si m'equivocu

A tei pairi le levastis a merenda?,
nos tes a tos intrigaus,
si tu fostis a merenda,....
agora, ei....siria"abogau"

Gracias por a tua resposta a(dia de merenda),igualmenti le digu a F.N II,y M.EX

Soidi pa tos toas
Anduriña

Gracias por o versu aunque nun vaya dirigiu a mi, como tu didis. Tu si ,me pareci,que has feitu unha "trampilla"y que sepas que si foi a levali a merenda a mei pairi mais de unha ve. Agora soy ei o que nun se quin eris tu.... o tu siguis sin sabel quin soy y o sospehcas solu?.De cualquer manera tes s miña consideraciòn y deseu que nos veamus tos coñocendunus ¡Binditu foru que ha feitu que mutus de nosotrus nos encontremus y nos coñozamus con un amor común....o lugal! Te salua afectuosamenti, Chitu