San Martín de Trevejo - Caceres

Acabamus de dali o ultimu Ayós a Francisco Benedicto García Martín, Pacu o de tia Antulina (como le idian en o lugal tamén) Cancheira pa nos en o Foru, mei primu, se foi, como se vai a vedis o sol cualquer atardecer de invernu en o lugal, prontu y rápidamenti, caisi sin enteiralnus; pero Cancheira se quea, quean os seis versus y Cancheira-Pacu, será Pacu-Cancheira, por que, final y eternamenti se fundirán Pacu o Cancheira y a propia Cancheira ya que foi deseu sei que as suas cenizas se confundiran en cualquel lugal de a nosa Cancheira . Asi será y aunque Pacu se ha diu, a Cancheira ya nun será un nomi mais de un paraji en o lugal, será o recordu permanenti de esi poeta que se nos reveló en o foru como un mañegu amanti do lugal y de as suas coisas, con recordus cheus de sintimentu y ternura.
En o que me toca, gracias a tos por as condolencias. Vos salua, oixi con tristeza...Chitu