San Martín de Trevejo - Caceres

Boas mañás teñan os Foristas, Mañegas y Mañegus:
Me han ditu, por teléfonu, que a Ermita de a "Crú Bindita" necesita unha reparación.
Convindria coñocel a fondu si a reparación e inmediata o poi aguantarsi algún tempu mais, pa poel tomal as meyas necesarias pa que a Imagin de o Cristu nun se perjudiqui.
Desde que ei coñuzu esta Ermita, nunca he vistu fel niñunha reparación en a misma, pol o que siria conveniente dil pensandu en fela.
Ei pensu que cumu da Crú Bindita se saca iñeiru de os dois ofertorius que se fain a o cabu de o anu y con as entrás a Igleisia y a Ermita de a Crú Bindita, tamen se saca pol metel as pernas y as más, ben se puia dil acumulandu, poicu a poicu iñeiru, pa poersi reparal ben a Ermita.
Esa e a miña proposta, de que a Ermita siga prestandu un serviciu adecentau y adecuau pa protegel "a Imagin de a Crú Bindita".
Soidi a Fala, Mañegas y Mañegus.
Chalrrieira.

Boas tardis
Me pareci que a Ermita que se quel arreglal,e a de San Peiru
e idel a do Nazarenu,que boa falta le fai.
A do conventu esta mui ben,ya a han arreglau algunha ve.
un salu pa tos.

Boas tardis Foristas, Mañegas y Mañegus:
Tal vé haya que reparal as duas Ermitas. Pues según didi Macama, tamen a Ermita de San Peiru, a Do Nazarenu, tamen necesita repararsi.
Esta Ermita pol sel mais grandi, o tellau probablimenti, nun esté cumplindu sua misión a perfección, entoncis necesita arreglalsi o tellau. Tamén habrá que vel cumu está o Retablu; as Paredis, o solu y en fin, qué e cumu as casas, de vé en cuandu hay que feli unha reparación y con ven fela prontu, antis de que sea piol tardi.
Chalrririera.

Primu Chalrriera: Volvis a insistir con o arreglu de a ermita de a Cruz,esta totalmenti nova,por dentru y por fora, o tellau esta muy ben y te mandu un a fotografia pa que a veas. Por o contrariu a do Nazarenu esta muy ma,ya leva mutu tempu que pendienti de arreglu,ya se esta confeccionadu o presupuestu y esperamus que brevi empecin as obras,al menus isu e o que o Sacerdoti en Misa nun fai mutu a ditu.
Un abrazu pos dois,y cumu sempris AUPA A FALA
El Salto

Primu elsalto: Gracias pol a información de que a Ermita que hay que reparal, e a de "San Peiru" (Do Nazarenu). Oxi me ha comentau unha hermana que ya levan pindu fai tempu pa arreglal esta Ermita y que poicu a poicu se vai deteriorandu. Pol isu e millol empezal as obras cuantu antis, pol as partis mais necesarias, cumu poi sel o tellau.
Cumu pois observal, os que nun estamus en o Lugal, si nos preocupamos de falal y comental as coixas que son necesarias arreglal en o Lugal. Isu e vó que se fomenti en esti Foru.
Soidi a Fala.
Chalrrieira.
PD. Que a Cámara Web de o Lugal se ha voltu a estropeal oixi.

Estimau Primu El Salto:
He vistu o "Retratu" que pós de a Ermita de a Crú Bindita y veu que está repará en o Tellau y tamen encima de as Columnas, pol o que me alegra mutu que esta Ermita esté en perfectu estau, ya que a Crú y a Imagin que se venera, ven se o merecin.Espero que pol dentru tamen esté ben arreglá.
Agora a conservala duranti mutus anus.
Por certu, que he valorau muy ben esi "Retratu".
Soidi a Fala, Mañegas y Mañegus.
Chalrrieira.
PD. Ya se vé oixi a San Martín por a Cámara Webcam.