"El año de las luces" /Preventoriu Retomu o tema que "fincacha41" inició sobre o filme de Trueba "El año de las luces" (1986) premia con Oso de Plata en Berlín: Dois dagais con sintoma de tuberculosis son enviaus a un sanatoriu en a Serra de Gata. Duranti a sua estancia al.lá, Manolo (Jorge Sanz) o mayor dos dois, vivi o sei despertal sexual cuando observa a sua enfermeira (Verónica Forqué) desnuarsi ca noiti. Cuandu ésta foi dispia, Manolo se enamora de Mª Jesús (Maribel Verdú). O tema do filme e o descrubrimentu do amor de dois adolescentis entre marzu y abril de 1940. Recordu a primeira vez que vi esta pelicula y sin saber na sobre el.la me chamó a atencion o personaji de Emilio (Manuel Alexandre) bedel do sanatoriu. Me recordaba a Don Ninu, administraor do Preventoriu, que miña mairi que traballó al.lá hasta o anu 1935 tantas vedis me había falau y sigui falandu de esti señor. Conta que era socialista, sabía mutu, que estaba enfrentau a o director, deficienti fisicu, se ayuaba de muletas.. criticaba que as dagalas foran os domingus y dias festivus a o lugal a misa y era entoncis cuandu le daban os ataquis epileticus. "Castigu divinu, por rirsi de nosotras" -afirma miña mairi. En o Preventoriu se cumía tan ben que as traballoras le chamaban o TRAGATOIRU. Un fillu de o director de o Preventoriu se caso con unha filla de Berjano, que siria fusliau por os venceoris de a Guerra Civil. Estuvu abertu hasta o 1945 y principios dos anus cincuenta siría habitau por os claretianos. Bos días
|