T y E. De toos e sabiu y o que nun o sepa tempu a tiu de sabelo, ya que desde o mes de setiembre se estan fendu pruebas. Me refeieru Extremadura Televisión, televisión pa os extermeñus que inda nun tiñamos. O Sr. I \ (se entendi?) nos dixu que pa primeiru de anu estaria en antena , nun me refieru a El si non a emisión, hasta a agora o unicu que emus mal vistu, algu de a Encamisa, de Monfragui, do teatru pa os ricus de Mérida y unhos villancicus de Castuera, cuandu digu mal vistu e por que se ve mal o sea con mutas arrayas. Pero ya se án tomau midias pa solucional esti asuntu, o nosu Ayuntamentu que sempris esta “ollu avizor” pa solucionar cualquer problema que pueda (nun mo dexa peñel en mañegu) surgir, se a dirigiu a Arriba, y según un informe de os técnicus de Retevisión, que son os encargaus de idel si se ve o non, (digu ei que pa isu nun fai falta ser técnicu, peru pa isu le pagan) que o problema esta en que os Macetos Encadeaus da Plaza fain interferencia, agora cumu e lógicu temos un problema gordu, o macetos o E.T, según se oivi por as tabernas por que en as esquinas nun se poi paral de friu que fai, que se vai a someter a referendu, y que o pueblu soberanu decida, en caxu de fel o referendu, se advirti que pa votal se ten que estal vívu y censau en o lugar, o votu sera libri y secretu cumu as demais convocatorias as urnas. Ya veremos en que acaba to istu. JL.
|