San Martín de Trevejo - Caceres

Esta noiti Cancheira se vai a eital tristi,peru contentu.Hay radós pa dambas coixas.Por un lau nun poel habel estau unhos dias en San Martín,disfrutandu de "pichorras" y de conversaciós satisfactorias.Por otru a satisfacción de comprobal que nossu lugal está cheu de xenti boa,de xenti con sintiu d´a amistai,sincilla,cariñossa,que se emociona con poemas,mais o menus bos,meis o de quin sea que fali do lugal,de suas xentis y de suas costumbris.Sain personajis dignus de admiración,CHITU,O CAMIÑU,FONTINOVA II,SACAMANTECAS,JL,INDANUNSE,ANDURIÑA,CANA,BRODAS,CAMANA,LAGARTIXA,ZAPORROSTRU,O MAEÑU EN O AEXTRANXIERU,TRIBULETI,SACAMANTECAS,TORROTRÓ....y un se pregunta si ésta comunión que existi entre tos nossotrus e consecuencia d´o aburrimentu o por o contrariu hay ésis lazus que son sentimentus comús.En isu está a grandeda de ésti foru,que ca ve e mais concurriu,en que comulgamus con ideais y amoris comús.
Ei se quien e ANDURIÑA,FONTINOVA II,TRIBULETI,INDANUNSE,JL Y CAIIXI TOS OS DO fORU y daría algu por coñocel a otrus que inspiran tal bondai con seis escritus que me impacientu por eital un tragu con elis.Hay xenti boa,muy boa diria ei y toleranti,muy toleranti.Por miña parti poeis estal segurus de que nun ofendu a naidi con meis escritus o puisias.O escritu,escritu está(BRODAS DIXIT),y algun día se verá que to está justificau.
Un forti abrazu pa tos y boas noitis.

Hé estau esta mañan en o foru y nun se por qué se me había pasau esti escritu de Cancheira. Se poirá pensal que é porque está en prosa, pero a realiai é que me ha feitu medital sobre mutas coissa.
En primer lugal está especie de comunión nun creu que sea efectu do aburrimentu, si non que son sentimentus (tú o didis) que temus toos do lugal, acrecentaus cuandu estamus fora de él. Un poi entral en o foru por aburrimentu unha, duas y hasta dodi vedis, pero máis non.
En segundu lugal, esti foru (agora sólu me refieru a mí), me ha sirvíu p’a acercalmi a o lugal, que o tiña algu alejau en a menti. Geográficamenti, quitando a os que vivin en o lugal puera sel que sea un dos que máis cerca está, pero anímicamienti estaba lonxi de él. M’acordu un día que mei primu Sebiu, en a sua tabelna, me eitó unha bronca (cariñossa isu si) porque nun diba mutu a o lugal, vivindu dondi vivu.
Verdáis é que tó empezó (o e ditu ya máis vedis) en unha boa en Toledu; unha boa a que foi de mil amoris (o noviu era mei afillau).
En tercer lugal: ei nun coñuzu a caisi naidi do Foru: solamenti a os que, cumu ei, nun tenin niñun problema en mostral sua identiai. Teñu a Camiñu y a o Chitu en o puntu de mira, pero estoy esperandu que o T.R.I. me indiqui quin é caun, si é que quel gañal esi premiu. Agora anda un poicu pirdíu, pero ya aparecerá con grandis alardis.
Por certu Cancheira, y falandu de otra coissas, esi poema de os diferentis cantis regionais de España, m’a gustau mutu.
Boas tardis.
BRODAS

Post Data: Sebiu y ei, familiarmenti nun somus primus, pero por tal nos temus. Digu istu p’a que naidi pensi que se dan pistas falsas.

Otra post data:
J.L.: ei creu que de ferreiru teñu caissi toos os vicius y alguhna virtú tamén, porque naidi poi negal a patria. Bo anu p'a ti y p'a toos os teis.

Hay que sel sensibli pa sel poeta ¡ me parcicias mais ben brutu en o lugal! y tu o eris Cancheira. Esti foru nos engancha a tos, por que falamus en a nosa lengua, en a que aprendemus a falal y con a primeira que nos comunicamus, falamus de algu que tos queremus y, por que nun idelo, nos estamus descubrindu unhos a otrus, sin querel, pero e así, a pesal de que nos coñozamus -como veremus en overán en o lugal. Como escribimus bausu seudónimu, algunhos, pareci como si nun nos importara mostrar o bo y o mau que temus,creu que mais bo que mau.
¡Cueitu Brodas! que ei estou acostumbrau a estal en o puntu de mira de tos os que xuyan conmigu, asi que nun me austas si me apuntas ¿vali?. te mandu un abrazu, que ya te he localizau,.Otru pa tos os demais integrantis de o Foru..Chitu

Estoy, totalmenti dacordu cuntigu!.Hay muy boa xenti en o lugal,y fora del.Dias atrás,nos idia BRODAS.Que a sua mullel, pensaba que os mañegus,somus distintus a os demais.¡Creu,que e verdais!.
Hemus tiu sempris, ungha forma diferenti de ver as coiyas.Si nos paramus, a pensal un poicuoemus vel, comu os nosus ancestrus,sempris falórin envoltus en un pensamentu filosóficu.Coiya,poicu frecuenti de aprecial, en otras xentis y otrus lugaris.
¡¡Y aquí estamus noyotrus!!."A nosa generación".Mañegus,cheus de romanticismu,que se aferran a garganta dos valoris heredaus,porque vemus que se nos van.
Soidi....

Solu con afan constructivu, pero creu que e de justicia nun ulviar a:
CHENG-CHUN-YU
LI-TO-CANSAO
LI-TAO-Man liau
TU-FU
SEUDONIMU/ANONIMU

¿Por que o ADMINISTRAOR en a reseña estadistica se ha ulviau de "CANCHEIRA" y de otrus foristas insignis?
O sea, que pa el nun son ABSOLUTamenti na, nun existin.
¿QUE FEL a tal aTRopellu?

Boas tardis
Chenchu