¡Carros! O dereitu de autodeterminación nun existi. Cataluña nunhe un pais, nunca o ha siu i nunca o será. E mui sencillu de entendel, porque Cataluña é un territorio mais de a nación española, propieai de tos os españolis. O dereitu de autodeterminación a o que apelan os independentistas siria similal a o dereitu de apropialmi de a caxa de mei vidiñu con tó o que ela conteña. En sintesis, e un intento de roibu, asi de simpli. O independentismu e a inaudita pretensión de alteral o dereitu i vulneral a lei i o ordin que garantizan os dereitus de toso os ciudadanus. Cuandu se altera o Dereitu i se vulneran a lei i o ordin, chega o terrorismu de Estau, as guerras i a violencia. España ten otrus problemas, ya ha viviu episodios terriblis enho Pais Vasco por os independentistas i nun poi perdel mais o tempu i lastralsi de novu con as infulas de unhus individuos que pretendin apropiarsi pa beneficiu propiu de o que nos perteneci a tos os españolis. Nun vamus a permitirselo. SAN PEIRU XIV NOTA: O final de a discordia española sólu tuvu lugar enha Transición i con aprobación masiva de a Constitución. Volvei a concordia i con ela foi pusibli a libertai. Pero nun a revancha ni a victoria de os vincius. |