San Martín de Trevejo - Caceres

Comu estamus tan lonxi,con murriñas,
teñu penas que me enterran,en as sombras,
teñu un tristi depertal,que desescombra
fogonadus de uliveiras y de viñas,

Voloteus de pardais y de anduriñas
unha vo que me chama y que me nombra,
dos verdis dos praus,comu alfombras,
de amarelus que tiñin as campiñas,

Os recordus se transforman en doloris
en murriñas,que son brassas candentis
dondi ardin as esencias d´esas floris

d´esas,que son tan diferentis
que me atan a tí,con os cheiroris
a campus que soñamus os ausentis.

Gracias CANCHEIRA: En esa tonta polémica que hubu sobre a puisía dishi que quizá a esencia dela fora a emoción y os sentimentus que provoca. Sempris que te leu me emocionu con o que didis y con a forma en que o didis. Estis días ademáis nos fain mais sensiblis a os que nos faltan coiças, a os que añoramus algu; y tos os que estamus fora do lugal quiýeramus estal alí dondi hemus viviu momentos felidis en tempus pasaus. Bueno, pos isu, que mutas gracias. Te deseu un bo anu que ven desde esti mar que nos uni.

Cumu Chenchu anda atendendu a sua mairi en a capital, referente a istu do mar que nos uni que cita Camiñu, me veu en a obligación de aclaral:

Cuandu un se pon en a Punta de Tarifa mirandu a Marruecus, a man dereita cai o Oceanu Atlánticu, y a man esquerda cai o mara Mediterráneu.

Alí cerca está o que os nativus chaman “la playa de los dos mares”: “la mare que parió al levante” y la “mare que parió al poniente”.

Digu istu por que ei creu que nun e o mismu mar dondi vivi “Camiñu” que dondi vivi “Cancheira” (bueno aquí habrá finu y amontillau pero nun hay mar).

Camiñu: ya didi T.R.I. que cualquer día te entala xugandu a o Chitu.

Cancheira: gracias por as palabras que me dirigis. He estau fora do foru (¡que mal soa istu!) por que he estau maluchu, ya vos contaré a toos. Tamén ei presumu de tel sintíu d'o humor. Ya tendremus ocassión de compraobalo.

P.D. A cita que faltaba en o escritu anterior e: (Jn. 19,022)

A TOOS VOSSOTRUS: ¡Que teñáis boa entrá y seida de anu!.

BRODAS