San Martín de Trevejo - Caceres

Ei que empici esta mañan ven empranu con una pequena inocentá y, creu que, con certa gracia, me encontru, me da esa impresión con o que e liu hasta aquí, de que nun se ten sintiu do humol y se sacan as coisas de quiciu con unha faciliai asombrosa ¡ por que nun respetamus toas as opinios y contestamus con ataquis persoais! .Nos quea mutu que aprendel si argumentandu democracia, respondemus faltandu. Isu nun e democracia e “ ma educación “, entindia en sintiu ampliu Si queremos que esti foru teña certa categoría, temus que aprendel a respetarnus y respetal, se comparta o non, as opinios de os que escribin y , sobre too, cuando nun se compartan as opinios de otrus, sabel rebatilas con argumentus, pero con respetu.

Y agó, expirandu ya o dia dos inocentis se me ocurri o siguienti:

Fai unhos dias hemus recordau con añoranza aquelas tardis de “o falangi “, ¿por qué mezclamus ago churras con merinas? , aquilu nun era política, por que eramus dagalitus y aquí de política nun sabia naidi na de na. ¿Alquin me poi idel a qué tipu de ideología política respondi o que unhos dagais jovinis, se preocuparan de os demais y mantuveran vivu o que oixi se chamaría un Club juvenil?. Sebiu y Liberatu nun estaban solus ¿eh? Que habia mais que axuaban, aunque elis foran os mais entregaus ¿Alguin recibia entoncis idaearius o consignas políticas y si non nun entraba? Ei creu que to o que quiria participar participaba. Ademais, qué otra opción habia. Tos hemus cantau o Cara al Sol. Lugu viñu a democracia y o que quixu eligí a opción política que mais le interésó, según sua ideología, o nun eligí niñunha, pero tan do falagi foi quin ago e de o partiu mais de dereitas, como o de mais izquerdas. ¿ De que partiu e agó a OJE? Si perteneci a Delegación Provincial da Juventu. Pues ben,o que queira que siga sendu miembru y o que non que deisi en pa a os demais. Isu si he sintiu democráticu.
Sempris o e ditu, y o diré hasta a saciai que siria bo que aquí se aparcara a poltica y se debatira de to menus de isu, aunque recoñozu que he difícil.

Perdon por a perorata, e dia de inocentis inda. Un abrazu, hasta pa os disidentis Chitu

Chitu, muy ben por esa chamá a o ordin da convivencia y da tolerancia de dondi nun deberan habel seidu. Tos recordamus a OJE y, cumu recordu, está ben. Deishemus as coiças dondi están que están muy ben en a memoria de tos. Si nos empeñamus en que cualquel tempu pasau foi piol seguru que o consiguimus, pero aquí hemus vistu que os recordus que hemus contau nun pretendin na mais que un ejerciciu de recuperal unhos anus en que seguru que eramus mais felidis de o que agora nos empeñamus en negal. Isu nun quel idil que teñamus que repitil aquí as coiças que nunca nos gustorin y que agora tampocu nos gustan. Pero isu se debi fel en otrus sitius mais apropiaus que esti foru. Isu creu ei.
Que o anu que ven quitin o macetós y as cadeas da plaza. Soidi pa tos en o anu que ven.