¿¡¡Talentus!!? En ausencia de ideas manda o odiu. A política española e territoriu de espiritus nun demaxiau ilustraus. A política acaba dindu a paral o piol de cá caxa; quizás de niñun otru modu lograria gañalsi a gandaya. Naidi que posea talentu estaría dispostu a malogral sua via enha condición de un apparatchik: epitomi de a grixura ben pagá. Os que tenin aguanti o millol instintu asesinu chegau, con un poicu de sorti, un mutu de pairiñu i un demaxia codadu enho figau a o cólega, hasta o vertici de sei partiu en circunstancias optimas, poi chegal inclusu a o Palacio de a Moncloa "No te lo vas a creel Nieves pero me han hecho Presidente del Gobierno" dibiria sel a divisa de o triunfaol políticu. Basta fel relacios de os titulus i saberis de os parlamentarius españolis, pa italsi a choral i nun paral en siglus. En cuantu a os gubernus, ¿algún se acorda as titulacions académicas de aquel oníricu Rodríguez Zapatero i suis mariachis? SAN PEIRU XIV |