San Martín de Trevejo - Caceres

Gracias mye por esa galeria tan diversa de fotus do lugal i seis alrreoris, nun seran esas fotus artisticas cumu as que nos deleitan "Indanunse" o "Salgueiral" pero as tuas tenin un encantu especial que te enchin de nostalgia i e un-ha godà velas. Ami personalmenti de estas ultimas a que mais me gusta esa do Xuan-Vicenti i sera porque ei tamen teñu un olival en a misma zona, que tantas i tantas vedis tuvi que dil a apañal de pequenu, un ulival que lindaba xustamenti, con otru do pairi do amigu "Brodas" cun a diferencia de esti nosu si que ardei enteiru ya fai bastantis anus.

Solu un detalli: procura enderenzalnus o campanariu( e broma) que nun queremus que le pasi o que le paso ao "campaniglio" de Pisa i que dispois se nos encha o lugal de turistus, que a vedis ya sobran.

Se ve que tes un-ha voa vista da torri desde encà tua güela.

Sigui i nun deixis a càmara, que si ei estubera en o lugal fairia o mismu.


Soidi a o "mañegu" cumu didi mei parenti Brodas,que ten toa radon.

Mutas gracias M/E.
Me fay ilusión o que me didis que te he treidu tan bos recordus con o de o Xuan-Vicenti, ei o teñu cumu herencia de mei pairi, y tamen me encanta dil, feia mais de 25 anus que nun diba y agora hay que atendel o campu...jejeje, que agustu se está y mais vendu estis paisajis que intentu felbus participis, esi he o mei propositu.
Desde logu que Indanunse, Salgueiral, ElSalto, y seguru que otrus, fain un-has fotus estupendas y me gustan mutu, cumu ben he ditu de sempris me ha gustau, pero hasta agora cumu nun tiña internet, nun as puía colgalas en o foru, nun pretendu concursar, ni mutu menus, solo pretendu compartir.
Ya veu que te situas ben dondi vivu, sí veu un-has puestas de sol preciosas, y voy correndu pa felas y que a veáis.
Meis agüelus y o restu da familia, mairi, tius, primus...tamen virían estas estampas do campanariu, hay que sacali partiu, nun crees??
Seguiré os teis consellus.
Saludus a tos foreirus
mye

Boos dias Foristas, Mañegas y Mañegus:
Estimá amiga mye: Ya a nosa amiga "M/E", te a comentau os vos "retratus" que has feitu y as postu en o "Foru".
A que mais me gusta e a que sai o Conventu, con o valli de o Riu Muñu y o Soitu, esa e preciosa. A parti de o "Retratu", me train recordus de a vel andau pol o Conventu y o Soitu.
Nun recordu agora dondi está o "Yuan Vicenti", me soa, pero nun cayu por que parti está de o Lugal.
Os "Retratus" de os campanarius tamen están ben; os do fogu, gusta cuandu fai friu, pero vel tantu fumu, pareci que contamina un poicu.
Se ve un Retratu de o Campanariu un poicu turciu, pero nun e crítica, e simplimenti que nos hemus fijau ben.
Gracias pol os "Retratus" y sigue con elis.
Soidi a Fala, Mañegas y Mañegus.
Chalrrieira.

Boas noitis chalrrieira, te diré que o Yuan Vicenti, está dindu por o camiñu de os "chafarilitus", mais abaixu do "gallu", está bastanti arriba, y cumu pois ver un as vistas preciosas, ya mandaré mais.
Chalrrieira, esperu que con istu sepas por dondi cai.
Sí he certu que a fotu está algu turcia, bueno ya o tendré en conta, jeje.
Bueno hasta otru ratu.
Soidi pa tos
mye

Boas tardis teñan os Furistas, Mañegus y Mañegas:
Estimá amiga furista, o sea que o Yuan Vicenti, está dindu pol o camiñu de a "Relva" y se cruza a carreteira y siguindu vas a paral a os Chafarilitus.
Ei recurrí bastanti esi camiñu cuandu fideran una corta grandi de Castañus en a "Carta Vella" de Torris, (os dueñus de entoncis), foi en unha primavera que chovei mutu y había un "gachu" de camiñu que too estaba "eslabazau" y nun había peiras gordas pa poel pasal cumu pa cruzal un ríu. Si nun divas montau en cabalu o en burru, tiñas que subirti a paré.
Soidi a Fala, Mañegas y Mañegus.
Chalrrieira.