San Martín de Trevejo - Caceres

-Hola de novu Figueira!!.

-Tal comu has prumitíu, aquí, nos has postu otra ve un-ha regalía de fotus.-¡Gracias!.

A, qu’habías enviau ena priméira tanda -incompleta- i qu’agora has ampliau; é sin duda un "Petroglifu", ¿descifralo?,¡pa mí,impusibli!.

Tamén é otru "Petroglifu", a qu’está enasquerda da tercéira fila (xustu debaisu da qu’hemus comentau).

Ena quinta fila (empezandu pora arriba) i tamén enasquerda; creu, que se trata dun "Dolmen".Esti tipu de construcción megalítica, se cree qu’era lugar d’enterramentu d’alguin importanti da tribu, jefi,druida...(tan sólu son hipótesis).

Enasquerda da sexta fila, (que didis, sel as ruinas d’armita de Xálima).Pa mí, está claru qu'é o "dintel" d’algun-ha porta d’entrá a ermita.O grabau, que con dificultai s’aprecia,creu que se trata dun-ha "Cru Griega"; tamén se la conocí comu "Crux Immissa Quadrata".Fijándusi ben, tamén d’aimprexión de sel un-ha "Cru Paté"(cru templaria). Pues, nun creu que se trati dun-ha "cru celta" –poro círculu-,enestass brazus sain fora do círculu; mientras qu’ena da fotu, a cru está completamenti dentru d’él. Enalgun-hos caxus,cuandu un-ha cru d’estas caracteristicas apareci enalgún edifíciu de caracti religioxu;significa qu’o recintu está consagrau; así comu o propiu grabau. O signu d’asquerda,etá totalmenti borrau;mientras qu’o da dereita, se pareci o de "Hermes"(sabiduría,alquímia...) -Está tan derruíu,que pareci habel sufríu un terremotu d’escala dé.

Enotra das fotus adyacentis d’armita ,se vé,comu a basi dun-ha construcción circular (propia dos castrus celtas).

Nun sé,si a zona dondi has sacau as fotus -incluindu as ruinas d’armita-,é do términu do Lugal,o poro contrariu; é do Adebu. ¿Será tal ve a ermita de San Casianu?,(o anacoreta de Xálima). De toas formas: has féitu un bo trabalhu. -¡Enhoraboa poras fotus Figueira!.

Forti abrazu.

Fonti nova

PD. T’has inmortalizau a queal a tua silueta enun-ha das péiras según sacabas a fotu.