San Martín de Trevejo - Caceres

Boos días Foristas, Mañegas y Mañegus:
O retratu que nos pon en o foru "El Salto", ei o coñuzu bastanti ben; e dau mais de unha volta encima de él. Está muy ben feitu y dentru de él han diviu de vivil genti en tempus, pues están as peiras queimás de habel feitu fogu dentru.
O retratu me gusta, pues a parti de que está ben feitu, me trai recordus de cuandu ei era pequenu y joven que diba a "regal", a traballal, a recollel adituna, a collel naranyas, a sachal, etc. toas as laboris de entoncis de o campu.
Un anu, que fidu mutu friu, se helorin mutas naranyeiras y tamen hubu que cortal as ramas que se habian secau con as helás.
Soidi a Fala, Mañegas y Mañegus.
Chalrrieira.

Chalrrieira: Esa Fotografia te he mandaua pa ver si cuñucias a tua finca antigua, y nun te he quiriu idil na hasta que ha viras,pero ya veu que te acordas de ela. A Fotografia era mais grandi pero he tio que reducila pues nun me aceptan. Esta saca desde a carreteira pues a go ya nun e camiñu de o muñu ya he carreteira.Me alegro que hayas disfrutau con ela, pues a mi tamen me recorda os ratus que pasamus pali collendu as naranyas. Na mais un saludu paos dois. Comu sempris aupa a Fala. El Salto

Boos dias Foristas, Mañegus y Mañegas.
Estimau amigu "El Salto" y algu mais.
Te contaré que coñuzu a Carreteira, porque o últimu anu que estuvi en o Lugal, ésta chegaba hasta o mismu Muñu.
En cuantu o "Chozu". Esti anu han feitu unhos "Retratus", muy paricius a os teis, pero o nun tel mutu tempu y desialu en mas de otrus, ha pasau que o tei "Retratu", teña mais éxitu y esté ya en o "Foru".
En cuantu o "Muñu", ¿Cuantas vedis o riguí? y en esi chozu nos amparó unha tardi unha tormenta a final de o mes de Mayu, que foran meis pairis a vel unha llaná esplendorosa de "freyós", que queó toa destrozá, pol as "peiras" y o forti "vaticón" que quei.Le disu mei Pairi a Miña Mairi, "pa isu me trais a o Muñu, pa vel cumu a queau a llaná".
Soidi a Fala, Mañegus y Mañegas.
Chalrrieira.